Sləra ŋga Ndəhay Meslərey ŋga Yesu 28:25 - Mofu-Gudur

²⁵ Daa ŋgene, a kam yawa da wuzlah ata maja mewulkey ata wal wal. Masa ata fa da diyam na, Pawl ta’, aa guzltar mey pal saya, a ləvtar: «Mey masa *Mesəfney ŋga Gazlavay maa guzley a papaŋ ŋga papakw akwar hay ta mey *Izay, *ndaw ma təla mey ŋga Gazlavay zleezle heyey na, ara mey fara fara.

Sləra ŋga Ndəhay Meslərey ŋga Yesu 28:25 Σταυροειδείς Αναφορές

Matiye 15:7

Akwar na, ndəhay masa ta neneh cew! *Izay, *ndaw ma təla mey ŋga Gazlavay zleezle maa guzley da ray akwar na, anja fara. Izay a, a ləvey:

Mark 7:6

Yesu a mbəɗdatara, a ləvtar: «Akwar ndəhay masa ta neneh cew! Zleezle *Izay, *ndaw ma təla mey ŋga Gazlavay maa guzley da ray akwar na, anja fara. A wuzlala daa ɗerewel ŋga Gazlavay, a ləvey: “Gazlavay a ləvey: Ndəhay keɗe fa həslmaya ray ta mey ŋga tede, ama mevel ata na, aa dəreŋ ta yah.

Sləra ŋga Ndəhay Meslərey ŋga Yesu 28:24

Siya hay a təɓmara mey ŋga Pawl, ama siya hay a gəmam ŋga təɓmara ba.

Sləra ŋga Ndəhay Meslərey ŋga Yesu 28:26

Mesəfney a, a ləvar: “Daw, ləvtar a ndəhay a: Akwar fa jəkam sləmay maaya maaya, ama ka cəndamara ba. Akwar fa nəkam dey maaya maaya, ama ka hətmar dey ba.

Sləra ŋga Ndəhay Meslərey ŋga Yesu 28:29

Fa dəɓa ŋga mey a keɗe, Jəwif hay a diyam ta mekey yawa ta gədaŋ da wuzlah ata.]

Sləra ŋga Ndəhay Meslərey ŋga Yesu 8:29

*Mesəfney ŋga Gazlavay a ləvar a Fəlep: «Daw asi ndaw ta seret katay.»

Leeter ŋgada Hebəre hay 3:7

Maja ŋgene, *Mesəfney ŋga Gazlavay a ləvey: «Da akwar fa cəndamara ɗay ŋga Gazlavay tasana na,

2 Piyer 1:21

Mey ŋga ndəhay ma təla mey ŋga Gazlavay daa ɗerewel e na, ara mewulkey ŋga ndaw-magədaŋ ba, ama ara *Mesəfney ŋga Gazlavay ma vəltar gədaŋ ŋga wuzda mey ma sawa ta fa Gazlavay.