Sləra ŋga Ndəhay Meslərey ŋga Yesu 2:20 - Mofu-Gudur

²⁰ Pas fa da weɗey daa saba, kiya a da mbəɗey magaza anda mambaz. Fa dəɓa ha, Bay Mahura a vəhwa la amba a key sariya da bəla. Ta pas a ŋgene, ndəhay a hətmar gədaŋ aŋga la, a da sərmara pas a ara pas mahura ma fəna siya hay.

Sləra ŋga Ndəhay Meslərey ŋga Yesu 2:20 Σταυροειδείς Αναφορές

Matiye 24:29

«Fa dəɓa ŋga banay a masa daa ɗar hay a ŋgene na, wure ŋgene pas a təɓzley la, kiya fa da weɗey daa saba, wurzla hay a kəzlamawa la da vaɗ a hwayak, cek hay cəpa da gazlavay da vaɗ, a wusam la.

Matiye 27:45

Ta wuzlah-pas, ləvaŋ a key daa hwayak cəpa. Ləvaŋ a, a njey haa ɓərey maakar ŋga pas ŋgaa kwaɗ.

Mark 13:24

Yesu a ləvey saya: «Ama daa ɗar hay a ŋgene, fa dəɓa ŋga mesərey banay ŋga ndəhay na, pas a təɓzley la, kiya fa da weɗey daa saba,

Mey-maaya-mawiya masa Luk ma wuzlala 21:25

Yesu aa guzley saya, a ləvey: «Daa ŋgene, ndəhay a da zluram, a wulkam cek maaya ba a key la maja pas fa mbəɗey, kiya fa mbəɗey, wurzla hay fa mbəɗam. Da bəla na, səkway hay tabiya mandərzay a da katar maja membey mey ŋga yam ta vaŋgwala ŋga yam daa bəlay.

Sləra ŋga Ndəhay Meslərey ŋga Yesu 2:19

Ya key maazla hay la da gazlavay da vaɗ, ya key cek hay ma rəzla ndaw la da ray hwayak. Mambaz, ta awaw, leŋ kakas a bamawa la.

Sləra ŋga Ndəhay Meslərey ŋga Yesu 2:21

Anda keɗe, kwa waawa maa cəfɗa Bay Mahura ŋga ləhda na, Bay Mahura a ləhda la.”»

1 Kwarinti hay 5:5

Daa mecəmey akwar a ŋgene, vəldamara ndaw aha a bay-malula ŋga sərda banay ta vaw aŋga, amba Gazlavay a ləhda mesəfney aŋga ta pas masa Bay aləkwa Mahura ma da vəhwa.

1Tes 5:2

maja akwar ta ray akwar, ka sərmara pas masa Yesu ma da vəhwa na, a sərey ba, aŋga anda pas masa ndaw-mayal ma da mbəzey a way ndaw ta tavaɗ ma sərey ba.

2 Piyer 3:10

Pas masa Bay Mahura ma da vəhwa na, a da sawa dərfafay, anda ndaw-mayal. Ta pas a ŋgene, ndəhay a da cənam cek ma rəvey ta gədaŋ. Daa ŋgene, slam da vaɗ a da yeyihey. Awaw a da wawurta cek hay da gazlavay da vaɗ tabiya. Asaya, bəla ta cek hay da hwaɗ a cəpa a da yeyihey .

2 Piyer 3:7

Ara ta fa mey aŋga meeguzley a, slam da vaɗ ta slam da hwayak masa wure keɗe a njey haa pas masa Gazlavay ma da katar sariya ŋgada ndəhay ta mebərey ŋgaa zəɗdata. Ta pas a ŋgene, slam da vaɗ ta slam da hwayak a daa wurey ta awaw.

Cek masa Yesu Kəriste ma wuzar a Jaŋ 16:8

Menjey nekəɗey, maslaŋ ŋga dey məfaɗ a, ta’, a mbəɗda masa daa taasa aŋga may a ray pas. Anda keɗe, pas a hətey cəveɗ ŋga cey ŋgulca-ca haa a ndəlta ndəhay.

Cek masa Yesu Kəriste ma wuzar a Jaŋ 6:12

Masa yah, Jaŋ, ya fa nəkey dey saya na, ya hətar Bəz-təɓaŋ heyey fa pəslta tebeɗ daa slam ŋga dey maakwaw a. Masa aŋga ma pəslta tebeɗ daa slam ŋga dey maakwaw a cay na, hwiyak a wusey ta gədaŋ. Pas a mbəɗey matara təlekw təlekw. Kiya may a mbəɗey magaza anda mambaz.