Números 11:22 - Sharanahua: Diospan Tsain

²² ¿Raniamun non chashoanfo non moifo fuchitiroquin rutushquin na yorahuanrasi pimashquin? Noncai nantifi tushu itiroma. Non shiman ichapacoin ununhuan murannoa fiifiacai nantifi itiroma non ato pimaino, —ishon Moisés nannori nocon Ifo Diosi yoini.

Números 11:22 Σταυροειδείς Αναφορές

Números 11:13

¿Raquiamun un nami fuchitiroquin ato pimashquin? Uaiyanan ua yocafafaicani, “Noco nami pimahuu,” ishon ua yoifafaincani.

Números 11:21

Ascatan Moisés cumani, —Nunofin seis cientos mil nocofunufoquin. Ascafia min yoia nan oshu fusti shafatifi min ato nami pimai. ¿Ahuuscaimun non ascaicai?

Números 11:23

Ascaiton nocon Ifo Diosin cumani, —¿Unmun ahuamamishti huatiroma? Natianfin min oincai un mia yoia cusca icomainquin, —ishon nocon Ifo Diosin Moisés yoini.

Mateo 15:33

Ascaiton non cumani, —Nuno tsoa icamanocai non tushu fuchitiroma na yorahuanrasi pimashquin, —ishon non yoiaiton.

Marcos 6:37

—Mafin ato piimacahuun, —ato huaiton. —Noncai ahua ato pimatiroma. Nocofunun oshu ranan yonoahuunshon ahuun rafanan fishon nan yorafo pimashquin. ¿Nantimun non atohuunshon potaicai? —huaifoan.

Marcos 8:4

—Nuno tsoa icamano non tushu fuchitiroma nan yorahuanrasi pimashquin, —huaifoan.

Lucas 1:18

Nicaquin Zacarías cumani, —¿Ahuuscashomun min yoiai cuscan un icoinra huatiroquin? Unfi anifocoinquin. Uhuun ahuinrifi yoshafoquin, —huaiton.

Lucas 1:34

Afanan María cumani, —Uncai funuyamafinquin. Uacai tsoan tanamisima. ¿Ascan ahuuscashomun un facu nanutiroquin? —huaiton.