Lucas 15:21 - Sharanahua: Diospan Tsain

²¹ Ascaiton apa yoiqui isca huani, “Upan, un Dios chaca huafain miari un chaca huamisi. Asca un afanan natian min facu cuscara itiromaran,” ishon yoifiaino.

Lucas 15:21 Σταυροειδείς Αναφορές

Salmos 51:4

Un mia fusti chaca huaiton min oiancai min ua yonoa cuscan un huama. Ascaiton min uhuunoa yoia cuscan nantifishon tapishquicani icocoincun. Icon un mia chaca huamisi.

Lucas 15:20

Nannori shinantan apa ari cani. Ascashu caiton chai cunoa apan ahuun facu fuchini. Fuchitan fasi ahuun ramapaicoin aqui ichoni. Aqui nocoshon icoacufoan tsoatoshini.

Lucas 15:22

Apan ahuun oinmati yoini, “Ichoriscatahuun. Sahuuti sharacapacoin yafi anio fifain sapatori firiscatahuun. Uhuun facu ua sahuumashoshcaquin.

Romanos 2:4

Upa Diosin matohuun noiquicai mato funa ahuusca huarima. Man chaca huafiaiton mato shara huafafaini. Mato funa onaintimaima. ¿Man tapiamamun matohuun ramapaiquin maton chaca shatumapai man tanasharanon? ¿Nanfohuunoamun man shinanpaimacai? ¿Diosiqui man ointi mutoimun?