Juan 9:34 - Sharanahua: Diospan Tsain

³⁴ Nicacani fasi aqui sinanifo, —Minfin chacacoin cainiquin. ¿Ascan ahuuscaquimun min noco tapimapaicain? Min chacashunifiashon. Nocon ichananti pushu muran min afanan iquitiroma. Nunoashu cariscatahuun. Noncaicon mia afanan oinpaiyaintonfin. Afanan nuno iquicuranyamahuun, —huanifo.

Juan 9:34 Σταυροειδείς Αναφορές

Génesis 19:9

—Tsainyamahuu, min nocon caifomaquin. Ascafia natian min noco yonopai. Ascacun nan rafu non ato chotai cuscan huaquin fasi finacai non mia aquiran, —ishon tsain curushu yoinifo. Ascashon fupoti curushcain putsiqui putsiquianifo pushu muran iquipaicaquin.

Salmos 51:5

Un facushtashu cain taunitian un chaca inacahuana. Icon uhuun uhuan ua nanuano un chaca tauni.

Éxodo 2:14

—¿Tsoan mia yonoamun min nocon niaifo inon? ¿Min noco yonotiromun non ahua atiro iyamarai non atiroma? Ascashon min noco numapai. ¿Nan min Egipcio rutufaita cuscari huaquin mian rutuimun? —ishon yoiaiton nicain Moisés fasi raturiscatani. —Un Egipcio rutufaitamun man nantifiton tapiafo, —ishon Moisés shinanni.

Lucas 11:45

Ascaiton nicacaquin Moisés cununi cuscan tapimamisi futsan cumani, —Tapimamisiton, min anori yoiquifin nocori min roaiquin, —huaiton.

Lucas 14:11

Ascan tsoa oinanpaimisi chipo Diosin ismashquin acai ahuacuma. Ascan tsoa oinanpaimisima naanfin yorafoan ointaifi Diosin yoitiro isca huaquin, “Ua chaima tsaoyohuu. Ufu nipashquin,” ishon yoishquiran, —Jesús ato yoini.

Lucas 18:17

Ascacun un mato icon yoi. Nan facumishtifoan Dios icoinra huacoinnafo cuscan tsoan icoinra huashmacai Dios icari iquinacafomaran, —ishon Jesús ato yoini.

Lucas 6:22

Futsafoan uhuunshon mato noicasmaquin mato potafain mato roafain matohuunoa tsain chaca yoicani. Nanscarifi nan Diosin tsain yoimisifo mato shunifo omitsisca huapaonifo. Ascan matori omitsisca huafiaifoanno chipo man Upa Diosqui nocoaitian fasi sharacoin mato inanshquin man afu ipanon. Ascacun unimacoincahuun, —huani.

Juan 6:37

Nan ratoranfo uhuun Upa Diosin uqui nichiafin uqui fucaniquin. Ascan nanfofin un ato cushusharapacunacaquin. Un ato potapacunacama.

Juan 8:41

Maton upa acai cuscan marifi man amisiquin, —ato huaiton. —Noncai upa ichapayama. Nocon upacoin fustifin Diosiquin, —huaifoan.

Juan 9:2

Ascaiton non afu rafumisifoan yocatoshini. —Tapimamisiton, ¿Ahuuscaimun na nocofunu fushoquin nanscarapan caini? Ahuara chaca huamisishaquinraca fusho cainni. ¿Ascayamarai apa futan ahuan chaca huamisianoraca fusho cainimun? —ishon non Jesús yocani.

Juan 9:22

Nocon niaifofoquin musucaquin anori yoinifo. —Tsoan “Diosin Jesús catonniran,” huacai nocon ichananti pushu muran afanan iquitirofomafinquin, —niaifofo icaiton nicai ahua yafi apa atoqui musunifo.

Juan 9:35

Ascaiton fusho ipaoni aton ichananti pushu muranshon potaifoan Jesús nicani. Ascashon funaquin fuchini. Fuchishon yoini, —¿Minmun na nocofunu Dios ariashu oni icoinra huaicai? —ishon Jesús yocaiton.

Juan 9:40

Nanno Fariseofo Jesús yoiai cuscan nicacashon a yocanifo, —¡Cuu! ¿Min noco yoimun non fushocun? —huaifoan.

Gálatas 2:15

Ascan noncai mani futsa cainnima. Nanfoanfin chaca huamisifo. Nonfin Israelifo cainniquin. Ascafia man man tapia Moisés noco yononi cuscahuunshocai non nocon chaca soatiroma noco Diosin onaintimanonma. Ascatama non Jesucristo icoinra huaiton nocon chaca soashotiro. Non ascaitocai noco onaintimashquima. Moisés yononi cuscan non aitoncai noco chaca soashotiroma. Ascan non Jesucristo fusti icoinra huaiton noco onaintimashquima.

Efesios 2:3

Nantifi non nicayosmamisi cuscarari ipaoni. Non ahuara chaca huapaiyai cuscan non huapaoni. Non chaca shinanmisi cuscari non huapaoni. Upa Diosin nantifi nicayosmamisifo ato onaintimacoin omitsiscapanonfo. Norifi non ato cuscara chacacaifia nan icaifo cuscan non aiton nocorifi onaintimacuana.

1 Pedro 5:5

Nanscarifiai pushcofoan iyoafofo nicasharacahuun mato yoiaifo cuscan aashcaquin. Pushcofoan iyoafofoya shara huatanancahuun. “Upa Diosicai cacapaimisifo cuscara tapipaima. Ascashon nan cacapaimisifo ato onaintimashqui. Ascan nan tsii huatananmisifofin shara huashoshquiquin. Nan cuscarafohuun Upa Diosin atohuun ramapaiquin ato shara huashofafainshquin,” ishon Diospan tsain cununi.

3 Juan 1:10

Matoqui nocoshon man ichanan muranshon noco chaca huamisi cuscan un mato tapimashquin. Nocohuunoa tsain chacari yoifain chaniri yoifain. Nocon yorafori matoqui nocofiacun ato iquimapaima Diosin tsain mato yoinonfo. Futsafoan ato iquimapaifiaiton atorifi pota. Afanan atofu ichananonfoma.

3 Juan 1:9

Min icoinra huafo fu ichanan ano un mato cunu fomayamua. Ascafiashon Diótrefes ua nicacasmaquin. Aafi icoinra huafo iquinpai. Fasi cacapaimisi.

Apocalipsis 13:17

Ascan tsoa sellopan anu nutama atocai ahuara fipaifiaquicai fitiroma. Ascashuri ahuara inan mitsatiroma ahuun rafanan tushu yafi sahuuti ahuara futsa yopai cuscan fiishquin.