Josué 6:4 - Sharanahua: Diospan Tsain

⁴ Focashon nan siete nocofunufo matohuunoa Ifo Diosi cufinmisifo yoihuu chashoan masho manuti nan tsomafo rucu foaifoanno acachori nan cashon Diospan tsain amuran nanua futsafoan fotirofo. Ascano ato cachori ranushumuafo fononfo. Ascano nan septimo dia shafa ato yoihuun aton yorafo futan Jericó siete tarati huayacucatan ato manutifo chaan chaan anifo.

Josué 6:4 Σταυροειδείς Αναφορές

Génesis 2:3

Ascatan Diosin nan mucu fustiti yafi mucu foshca rafu oshatan yoiquin isca huani, —“Tunutitianran,” huafain nan shafatari ua shinanonpacocani. Nan shafatamain un yonoqui ahuamamishti onihuaquin anaitishon un tunuyamacufin, —ishon Diosin yoini.

Josué 6:13

Nan siete nocofunufo Israelifohuunshon nocon Ifo Diosi cufimisifo aton manuti tsomashu manuyanan fonifo. Ranushumuafo aton ashiya rucu foaifono. Acachori manumisifo fonifo. Nan casho nocon Ifo Diosin tsain amuran nanua acachoriri Israeli ranushumuafo aton ashiya foyacunifo. Jericó taratihuayacunaifono nantishotapiquin manutifo manuacunifo.

Josué 6:3

Min yora ranushumuafo futan osha mucu fustiti non mucu foshca fusti nan shafatifi Jericó tarati huaquin fusti huacahuun.

Josué 6:5

Ascano ahuun unutaqui aton manutifo fasi chai manuaifoanno nantifi yorafo oi ashcafinin cunatiroforan ishon. Nannori ato yoihuun. Ascan man manutifo fasi achacoin manuaino nantifi yorafo oi ashcafinin cunaino nan cunu Jericó tarati huaafo pacuriscashquin. Ascano min yorafo nantifi Jericó muran cayacafi iquishcaniran, —ishon nocon Ifo Diosin Josué yoini.

Apocalipsis 1:20

Ascashon natian min oian cuscan un mia yoi min tapinon. Nan fishi siete non nan lamparina siete oro ointsa nanfohuunoa un mia tapimanon. Nan fishifo un tsoma nanfofin nan ichananfo Diosin tsain ato tapimamisi cuscarafoquin. Ascan nan lamparinafo oro ointsafo nanfofin ichananti pushu ano Jesús icoinra huafo cuscarafoquin, —ishon Jesús ua yoia. Nan siete ichananti pushu anoa icoinra huafo ato tsain shara fomani.

Apocalipsis 1:4

Ascan Asia mai ano man icati pushurasi siete nan Jesús icoinra huafo ichananmisifo un mato cunu fomai cuscan nicasharacahuun. Nocon Upa Diosin niyopaonishaquin natianrifi nicain nipanaca. Ahuun Yoshin Sharari afu ipamisi. Nan Upa Diosin yafi ahuun Yoshin Sharapan non Furun Jesucriston matohuun ramapaiyaino maton nomuran mato shinansharamapainonfo. Ahuaton maton nomuran fucash huanonma. Nocon Ifo Jesucriston Diospan tsain noco yoimisi cuscan non icoinra huatiro. Nan Diospan Facucoinfiacun rutunifo. Rutushon mai huafiafo Apa Diosin funimani afu ipashquin. Tsoa futsacai ascayomisima. Ascan Apafu ishon nantifi niaifofo maifoti anoafo ato iquishquin. Nanton noco noicoin. Ascashu ahuun imi focain noco nashoni ahuara chaca afanan nocon ifo inonma.

Apocalipsis 10:3

Ascatan oi ashcafinin cuna nan masharo uhuapaton ahuun oi nicatsa. Ascaiton nan siete turuica curushcain oi uhuapaton futsan cuma.

Apocalipsis 15:1

Ascatan uhuun namapan ointsa un ahuara futsan un oian. Tsoan oinyomisima cuscara nai murannoa un oian. Oin uhuun nomuran, —¡Uru! —un ica. Natian un oian cuscan mato tapimanon. Nicacahuun. Diosin yora yoitimashunifoqui fasi sinaiquin. Ascacun ahuun oinmati siete afu icafo ato yonoa nantifi mai anoafo onaintimai omitsiscanonfo. Nan ahuun unutaqui Upa Diosin ato onaintimai. Afanancai atoqui sinaquin ato onaintimashquima.

Apocalipsis 15:7

Nan rafu non rafuri Diosin onihua futsan Diosin oinmati afu nai muran icafo siete atoti oro tutso inancua. Diosin nan nipanacaton icoinra huafoma mai anoafo sinacoinquin nan cuchanfo muran ahuara chacacoin fospihuamua atoqui ocano omitsiscashcani.

Apocalipsis 16:1

Ascatan Dios icaricoian oi ashcafinin un nica. Diosin oinmatifo nan siete afu nai muran icafo ato yoia isca huaquin, —Diosin a nicacasmamisifo mai ano icafo atoqui sinaquin nan tutsofo ahuara chacafo fospihuamua atoqui ocacahuun, —ishon ato yonoa.

Apocalipsis 5:1

Ascatan afanan un oian cuscan un mato tapimai. Nocon Ifo Diosin ahuun tsaoti camaqui tsaoshon ahuun mucu mumiori papel ocuma rafu cunua sufishon tsoma. Ascashon siete tashna huatinin tashna huaa.

Apocalipsis 5:6

Ascatan nannori chashoan cahuashara fustifia ahuun masho siete nantirifi ahuun furo un oian. Rutuafo ointsafia Diospan tsaoti ano nia ica. Nannorifi nan rafu non rafuri Diosin onihua yafi nan veinte cuatro icoinra huafo cushumisifoan tarati huayacunafo. Tsoa futsacai a cuscarama. Nanton ahuamamishti huatiro. Diosin Furun manifoti ano nichian ahuun Yoshin Sharahuunshon nantifi yorafo onancoinon.

Apocalipsis 8:2

Ascatan Diosin ahuun oinmati siete afu nai muran icafoan atoti manuti inanpacua chipo ato yoiaitian chaan chaan ashquinonfo.

Apocalipsis 8:6

Ascatan Diosin ahuun oinmati siete afu nai muran icafo atoti manuti inan itishara huafo chaan chaan ashcaquin.