Génesis 41:30 - Sharanahua: Diospan Tsain

³⁰ Ascatan nan siete fari finoainno siete fari finontari yono foai sharashquinma. Ascano nantia tushuomacoin man iishquin. Man nantifi mai ano tushuoma iishquin. Man pisharapaoni cuscacai man afanan shinanshquima. Man fasi fonicoinshquin.

Génesis 41:30 Σταυροειδείς Αναφορές

Génesis 41:21

A fu moifo pifiashucai shoafo icama. Afi nanscaran iramanna chacacoin icafo. Nanscara namai un moinacahuana.

Génesis 41:27

Ascano nan siete moi iramannashta chaca shuni nanforifi siete fari mia yoiaquin. Nanscarifi ai nan siete fimi tsasia chaca siete fari mia yoia. Nan siete fari yorafo tushuoma iishquin.

Génesis 41:31

Manfin siete fari pisharashquin. Ascafia chipo tushuomacoinshon afanan man piisharapaoni cuscan man tsoacai afanan shinanshquima. Nantifi mato yono tsasicain foaisharashquima.

Génesis 41:51

Ascano ahuun facu cain taua José yoini isca huaquin, —Diosin yonoa un omitsisca cuscan un uhuun yorafohuunoa ointiaquimanon. Ascacun uhuun facun anu Manasés itiroran, —ishon yoini.

Génesis 41:54

Ascatan José ato yoini cuscan chipo siete fari ahuara foai sharanima. Yonofo yamacoin ini. Mani futsafori tushuomacoinfo ini. Ascafia Egipcio mai ano José ato yononi cuscan ato yono pushu muran mucunifo. Ascashucai Egipcio maifoti ano tsoashta foninima. Nantifi tushuyafo ini.

Génesis 41:56

Ascano nan maifoti yonoyamaiton José ato yononi pushu murannoa tushufo mucuafo fupunonfo ato tushu inanmitsashon ahuun rafanan pui finonfo. Egipcio mai anocai yonofo foainima. Nantian tushu yopacoinnifo.

Génesis 47:13

Nantian tushu yamacoinyaino foni finacoinnifo. Egipto yafi Canaán anoafo foni napaonifo tushu yamaino.

Lucas 4:25

Un mato cayacafi yoi. Nocon shuni Elías niyopaonitian nocon mai Israeli ano ainfon funu amaqui naa funuomafo ichapa ini. Nantianri fari rafu non fusti nushmancayan oi funima. Ascano tushu yamacoin ipaoni.

Santiago 5:17

Ascan nocon shuni Elías nan nocofunu noco cuscarari ipaoni. Non muai cuscarari arifi mupaoni. Ascafiashon Upa Dios fasi cuficoiainno fari rafu non fusti nushmancayan oi fuyonima. Cufinquin isca huani, —Upa Diosin uhuun yorafoan mia cachiquiri huafoquin. Ascacun oi fumariamahuu uhuun yorafoan afanan mia tanasharanonfo, —ishon cufini. Asca huano fari rafu non fusti nushmancayan oi fuyonima.