Génesis 38:20 - Sharanahua: Diospan Tsain

²⁰ Chipo Judá chashoan cahua shara a fu rafua Adulamita Tamar foshoni ahuun sello yafi rusfi non poquiti inanyoa cuscan nasonon. Judá a fu rafuatocaiyainfo fuchinima.

Génesis 38:20 Σταυροειδείς Αναφορές

Génesis 20:9

Asca Abimelec Abraham cunani ahuun pushu muran iquinon. Yoini isca huaquin, —¿Ahuuscai min noco chaca huamun? Un mia chaca huayamafiamisicun minhuunshon Diosin ua non uhuun yorafori min noco rafamana. Ascahuayamahuu.

Génesis 38:1

Nantian Judá ahuun yorafo anoashu mai futsa ari cani. Nanno nocofunu ahuun anu Hira pushu muran iyoni. Nan Hira icano pushu rasi ahuun anu Adulam.

Génesis 38:19

Asca huafaini Judá caino Tamar ahuun fufopomua pucani funuomaton ahuun sahuuti afanan sahuuni.

Génesis 38:21

Ascano nan Adulamita nanno icafo yocani isca huaquin, —¿Ranimun a ainfo furomacoin Enaim ano icaquin. Nanno fai cusumun tsaomisi? —ishon yocaiton. —Nunocai tsoa furomacoinmafinquin, —huanifo.

Lucas 23:12

Pilato fu Herodes shara huantananyamafiamisishaquin nantian shara huantanannifo. Jesús achicanisi raunannifo.