Génesis 38:19 - Sharanahua: Diospan Tsain

¹⁹ Asca huafaini Judá caino Tamar ahuun fufopomua pucani funuomaton ahuun sahuuti afanan sahuuni.

Génesis 38:19 Σταυροειδείς Αναφορές

Génesis 38:14

Nan funuomaton sahuumisi cuscaran pucashon futsa sahuumani. Maracomucain fufopomuni tsoan onanonma. Asca huatan Enaim pushu rasi ahuun caincaiti ano tsaoni. Nan caincaiti fai cai Timnat ari nocotiro ini. Judá yoini cuscan ayamaiton Tamar asca huani. Judá yoini ahuun facu Sela yosiaitian a fu fianantiro. Ascafiacai yosishon finima.

Génesis 38:18

—¿Ahuamun min fipaicain un mia inanyonon? —huaiton. —Min sello yafi ahuun rusfi non min poquitiri mian inanyotiroran, —ishon yoiaiton. Nansca huano afu yamu oshani. Asca huaquin facu nanumani.

Génesis 38:20

Chipo Judá chashoan cahua shara a fu rafua Adulamita Tamar foshoni ahuun sello yafi rusfi non poquiti inanyoa cuscan nasonon. Judá a fu rafuatocaiyainfo fuchinima.