Génesis 37:9 - Sharanahua: Diospan Tsain

⁹ Ascashon afanan José nama futsashon ahuun ochi iyoafofo yafi chipocun tapimani isca huaquin, —Ua nicacahuun un nama futsa un mato yoinon. Un fari non oshu non once fishifo un oian. Ua focushonaifoan, —ato huani.

Génesis 37:9 Σταυροειδείς Αναφορές

Génesis 20:3

Ascafia Abimelec yamu oshashon ahuun namapan Diosin aqui nocoshon yoiquin isca huani, —Natian min natiro min Sara fiashu. Aafin nan nocofunu futsan ahuun ahuinquin, —ishon yoini.

Génesis 37:10

José apa yafi ahuun ochi iyoafofo yafi chipocun anori yoiaiton apa Jacob yoini, —Upan, ascayamahuu. ¿Na namapan min oian cuscan raquiri mia yoiamun? ¿Iconmainquin un non min uhua non min ochifo non ushto non afoan non mia focushoniran? —ishon yoini.

Génesis 37:7

Non nantifi mau muran yonoi arroz cuscaran tashtui. Uhuunna fusti cayacafi niano matona fonhuinfafainaran, —ishon José ato yoini.

Génesis 37:8

Nannori ato yoiaiton nicacaquin iyoa rananun cumanifo, —¿Minmun nocon niaifo iishquicai noco yonoshquin? —ishon yoinifo. Fasicoin noicasmacoinnifo ahuun namapan ato yoiai cuscan nicacani.

Génesis 41:25

Nannori nicatan Josén Faraón yoini, —Niaifon, nan min nama rafu cuscan Diosin mia yosipai nanscacoin huaquin mia tapimai. Chipo Diosin ashquiai cuscan mia tapimayoi.

Génesis 41:32

Nanscarafin min namaquin rafu huaquin Diosin samamashta ashquiai cuscan min tapinon.

Génesis 42:6

Nan Egipcio maifoti ano José aton niaifo ini. Nantofin manifoti yorafo tushufo inanpaoniquin. Ascano José ahuun ochifo aqui nococatan fuoshonpacufoannifo.

Génesis 43:26

Ascacun José pushu ano nocoaiton nan fushoafo cuscan José inancoinnifo. Inancoincatan fuoshopacufoannifo.

Génesis 43:28

Afanan fuopacufoancatan cumanifo, —Nocon upa afin natian nia. Ahuuscaima shararan, —huanifo.

Génesis 44:14

Judá ahuun yorafoya nocoano José ahuun pushu muran ini. Nantifishon José fuoshopacufoannifo.

Génesis 44:19

Niaifo, min noco yoca man upayacai man yora futsayarimun, ishon min noco yoca.

Génesis 45:9

Natian nocon upan mai ari foriscatacahuun isca huaquin ua upa yoishocahuun, “Min facu José mia yoimana isca huaquin, ‘Diosin yononi cusca nantifi Egipciofoan un aton niaifocoin un inon. Ascan uqui oriscahuun un mia cushunon.

Génesis 46:29

Ascano José yononi ahuun caballo taramutiya itishara huashononfo apaqui nocoi canon. Apaqui nocotan icoacufoantan uaiquicai funa ununima.

Génesis 47:12

Ascatan José tushu ichapa apa yafi ahuun ochifo non ushto non aton facufoya inanni.

Números 12:6

—Na un mato yoiai cusca ua nicasharacahuun. Uhuun tsain yoimisi mato muran ica umain ahuu cuscaraqui un yoitiro. Ahuun namapanhuunshon iyamarai namapan cuscarahuunoa un yoipaiyai cusca un nan yoimisi.

Filipenses 2:15

Man ascaiton oinquicai Jesús tanamafoan matohuunoa yoitirofoma isca huaquin, —Nan Jesús tanamisifofiashon tsain chaca yoimisiforan, —ishocai matohuunoa yoitirofoma. Man ascaitocai mato tsoan ahuashta rafantiroma. Ascatamarocon man isharaiton ointirofo man Diospan facucoinfoshon. Man ahua chaca huamisima. Nan Jesús icoinra huamafoanfin ahuara chaca huamisifoquin. Ascashon shinanchaca fustimisifo. Ascasi acani man funoafo. Ascashu faquish muran icafo shinantsaafo. Mancai ato cuscarama. Ato cuscara itamarocon Dioshuunoasi ato yoifafaincahuun icoinra huacanashu Jesús fu nipanonfo. Ascan manfin ato muranshon nan chashamatinin chasha huaiquin ato ismashcaquin a chaca huamisifoan mato oinnonfo. Man ascaino Jesús afanan oaitian unfi unimashquicain. Ascashon uncai ipaitsi mato Diosin tsain yoimisimaran, un nantifi yoitiro.