Génesis 36:6 - Sharanahua: Diospan Tsain

⁶ Ascano Esaú ahuun ahuinfo non ahuun facufo non a fu icafo mai futsari ato iyoni ahuun ushto Jacob pashafainni caaquin. Ahuun inafo ya ahuun ahuarafo Canaán anoa cuyofoni.

Génesis 36:6 Σταυροειδείς Αναφορές

Génesis 13:11

Ascashon Lot Jordán ahuun mai mispa fari oaiquiri catonni. Ascashu ahuun inafo yafi ahuun yonomatifo Abram icanoashu pashcafainnifo.

Génesis 13:6

Nan icafo mai anocai fasi ichapacoin inima aton chashoanfoan pinonfo. Ascacucai Lot yafi Abram afanan ano rafu itiro inifoma.

Génesis 17:8

Nuno icanoafo min caifoma. Un nantifi nan mai Canaán min non min funafori un nantifi nan mai mato inain matona ipanaca. Unri min funafo aton Diosiri iishquinran, —ishon Diosin yoini.

Génesis 25:23

Ascaiton Diosin yoini, —Min shaqui murannoashu shoco rafu caicani. Chipo pashcanancani. Futsan fasi finacaia. Iyoacai chipocuton ahuun oinmati cuscara huashquiquin, —ishon yoini.

Génesis 28:4

Upa Diosin min shota Abraham yoiyoni cuscan mia non min funafori nannori yoiquin. Nuno non icanocai nocon maima. Diosin min shota Abraham yoiyoni cuscan nan mai futsa noco inanshquin nocona inon, —ishon Isaac furu Jacob yoini.

Génesis 32:3

Jacob ahuun yonomati rafu ahuun ochi Esaú mai Seir nan Edom ari nichini iyoa yoisharatanon. —Uhuun ochi yoishotacahuun isca huaquin. “Min ushto mia yoi isca huaquin, ‘Ochishtan, un miqui samamashta nocoshquicai. Nocon coca Labán un a fu iyopaonitian.

Génesis 36:5

Ahuun ahuin futsan Aholibama ahuun facufoan ato anufo Jeús non futsari Jaalam futsan Coré. Nanfofin Esaú ahuun facufo Canaán ano icashu cainnifoquin.

Apocalipsis 18:13

Nocon pitiri ahuun anu canela non yochi non nan fimi ahuun anu uva ahuun unu non shuni non harina roroshta non trigori fianmafain inin shara aton anu incienso yafi futsan ahuun anu mirra non inin futsafori fianmafain nocon inafo nan moifo non chashoanfo non caballofo fianmafain taramutiya fianmafain nocon oinmatifori noco afanan fiantirofoma.