Éxodo 9:18 - Sharanahua: Diospan Tsain

¹⁸ Natiafin min ua tapincai. Funamari un unu matsi tocoronunhuafo min mai ano potai. Min non min yorafoanricai ascara oinyomisima.

Éxodo 9:18 Σταυροειδείς Αναφορές

Éxodo 10:14

Tsoancai Egipcio mai anoafoan ascara oinyomisifoma. Ascanocai afanan ascapacunacama. Nantifi Egipcio mai ano ocutsuruhuanfo noconi. Tsoancai ato tanan huatiro inima.

Éxodo 10:6

Maton pushu muranfin ocutsuruhuanfo fospi fucaniquin. Min pushu anoa niaifo patasharinoafo non nantifi min caifofoan maton pushu muran ocutsuruhuanfo fospicoinshquin. Mato upafo non mato shunifoanri nantian ascara oinyomisifoma. Man fasi omitsiscairan,” ishon nocon Ifo Diosin mia yoiaran, —ishon Moisés Faraón yoini. Tsainquin unutan Moisés fu Aarón Faraón pushu anoashu fonifo.

Éxodo 11:6

Ascano min mai Egipcio anoafori nantifi fasi ato manocani. Oi ashcafinin uaishquicani. Min mai anoashu tsoancai na omitsiscai cusca muyomisima. Afanancai ascapacunacama.

Éxodo 9:17

“ ‘Un mia omitsiscamafiaitocai mian nicataima. Min shinanraca un ahuama. Uhuun yorafocai min ato min mai anoshon nichipaima.

Apocalipsis 16:21

Nantianri unu matsi tocorofo uhuapacoin aton ihuu cincuenta kilos cuana nai murannoashu yorafo fuchi pacua. Ascafia aton chaca shatutamarocon, —Diosin fasi chacacoin. Nan unu matsi tocorofo uhuapacoinun noco omitsiscamairan, —ishon yoiafo.