Daniel 9:17 - Sharanahua: Diospan Tsain

¹⁷ Nocon Diosin unfin min oinmati un mia cufifain un mia yoca cuscan ua nicapun. Ifo min noco fu iyopaoni anocai natian tsoa ano icama. Ascacun nocohuun noifain afanan Jerusalén shara huapun futsafoan mihuunoa yoisharanonfo.

Daniel 9:17 Σταυροειδείς Αναφορές

2 Corintios 1:20

Upa Diosin noco yoiyotiani cuscan nantifi Cristo man noco ashomisi. Ascacun non nantifi yoimisi isca huaquin, —Non Jesús icoinra huashon. Noco yoia cuscan aquin non yoitiro. ¡Aicho! Nocon Ifo fasi sharacoinran, —ishon non yoimisi.

Apocalipsis 21:23

Nanscarifiai nanno fari yafi oshu yopacanima. Upan Dios yafi Jesús nan chashoan facu cahuan sharashta cuscara atofu ica. Upan Dios nanno ishon ato chashashona. Jesusrifi aton lamparina cuscara ato otashona cayacafi oinsharanonfo.

Juan 16:24

Uhuun anuhuunshoncai man Upa yocayomisima. Ascan uhuun anuhuunshon Upa yocacahuun. Man yocaiton Upan mato inanshquin. Mato inainno man fasi unimashquin.

Daniel 9:19

Nocon Ifon ua nicapun. Ifon, noco rau huapun. Ifon ua nicafain un mia cufia cuscan noco ashopun. Mihuunoa yoisharaifo cuscan manayamahuu. Nocon pushu rasi nantififain tapianfo nanno min noco fu iyopaoni. Nonrifi min yorafoquin. Min anuhuunoa futsafoan nocohuunoa yoipaonifo. Noco numapun, —ishon un nocon Ifo Diosi cufia.