Daniel 2:45 - Sharanahua: Diospan Tsain

⁴⁵ Nanfohuunoa nama cuscan min oian toquirininhuan nan machi anoashu tsucucai pacua nan nocofunu ointsa camaqui hierro non bronce non mai mapo non cuno ahuun anu plata non cuno oro nanfo pacuaino tucumishtimishtishquin. Niaifon, nan Diosin ahuamamishti huatiro. Nanton mia oinmana ahuara chipo iishqui ai cuscan. Min nama icon mia tapimanai cuscan min icoinra huatiroran, —ishon Daniel niaifo Nabucodonosor yoiaiton.

Daniel 2:45 Σταυροειδείς Αναφορές

Génesis 41:26

Nan siete moi shara min namapan min oian naanfin siete fari mia yoiaquin. Nanscararifi nan nushachi ahuun tasho fusti siete fimi shara siete fari mia yoiaquin.

Génesis 41:28

Niaifon, un mia yoia cuscan Diosin acai cuscan mia tapimayoi.

Génesis 41:32

Nanscarafin min namaquin rafu huaquin Diosin samamashta ashquiai cuscan min tapinon.

Salmos 145:3

Minfin nantifi finoncoianquin. Ascan nantifi yorafoan mihuunoa yoisharatiro. Min nantifi finoain cuscan tsoa futsancai tapicointiroma.

Salmos 2:9

Minfin ato curushcain iiquishquicain. Ascan nan mai cuti non potaino samamashta moshi futsutiro. Nan cuti moshi futsuacai tsoashtan afanan ahuuscashon shara huatiroma. Nanscarifi aquin nan yoitimamisifo min ato onaintimanaitiancai tsoashta ato numatiromaran,’ ” —ishon Ifoan niaifo catonshon yoini.

Daniel 2:24

Cufintan nan Daniel niaifo Arioc ano cani. Nanton niaifo Nabucodonosor Arioc yononi nantifi Babilonia mai anoafo tapicoianfo rutunonfo. Ascan Daniel yoini isca huaquin, —Niaifo Arioc, Babilonia anoa tapiafo ato rutuyamahuu. Ua niaifo Nabucodonosor ano iyoicahuu. Un natian nama cuscahuunoa un yoinon, —ishon Daniel yoiaiton.

Daniel 2:28

Ascafia Diosin nai muran icaton yorafoan ahua tapiama cuscan ato tapimatiro. Niaifon Nabucodonosor, nan Diosin mia isma ahuara ishqui ai cuscan. Min nama min oian cuscan natian un mia tapimai.

Daniel 2:29

Min namapan oian cuscan chipo iishquin. Ascacun nocon Ifo Diosin ahuarafo tapiafoma cuscan ato tapimatiro. Natian ahuara chipo iishqui ai cuscan mia tapimashquin.

Daniel 2:44

Ascan nan niaifofo mani futsafo fu icaitian Diosin nan nai muran icaton ahuun yorafo ichanan huai. Nanfin ato niaifo iishquin. Tsoancai Diosin yafi ahuun yorafo potayamafain cuyopacunacama. Diosin ahuun yorafo futan nantifi niaifo futsafo ato shatumashqui afanan tsoa nipanonfoma. Ascanfia Diosin yafi ahuun yorafocai unupacunacama. Diosifin nantifiton niaifo ipanacaquin. Nantofi manifoti iquinaquin.

Mateo 21:24

Jesús ato cumani, —Urifi un mato yocai. ¿Juanpan yorafo unu muran iquimapacuni tsoan yonoa asca huanimun? ¿Diosin iyamarai nocofunufoan yononifomun? Man ua cumasharaiton urifi un mato cumatiroran, —ishon ato yoiaiton. Nicacani afiranan yoinannifo —Diosin Juan nichiniran non huaiton Jesús noco yoitiro, “¿Ascan ahuuscaquin man Juan icoinra huamamun?” noco huatiro.

Mateo 24:35

Ascaino nai yafi mai cuyoshquin. Uhuun tsain cayacafi iconcoin fiananancai apanacama. Un mato yoiai cuscacoin aashquin.

Lucas 17:20

Ascano Fariseofoan Jesús yocanifo. —¿Ahuutianmun manifotiton ato niaifo Dios iishquiquin? —ishon yocaifoan. Jesús ato cumaqui isca huani, —Ahuuscashocai Diosin yorafo iquinai cuscan man ointiroma.

Apocalipsis 1:19

Ascacufin rama min oiain cuscan huafain chiporifi un mia oinmashquiain cuscan cunuhuu.

Apocalipsis 19:17

Ascantari un oian Diosin oinmati afu nai muran ica futsan fari tsacaino nishon oi ashcafinin puiyafo noyaiton cuna, —Fucahuun. Upan Diosin mato pimapai. Niaifocoinfo non ranushumua aton niaifocoinfo non aton niaifo patasharifo non nocofunufo mutsisipacoin non caballofo non caballo catu camaqui tsaoafo non nantifi Diosin tsain nicacasmamisifoti niaifofo non yora ahuamari nantifi Diosin ato namashquin. Ascacufin puiyafoan aton nami pi mayanshquincaniran, —ishon nan oinmatinin puiyafo yoia.

Apocalipsis 4:1

Ascashon nannori ua yoifain Diosin Yoshin Sharapan ahuara futsa ua oinmanaino nan namapan oian un huaa. Ascashon un oian Upa Diosin icaria caincaiti nan un oinyaino nan oi un nicaquin tau huaa nanrifi un afanan nica. Nan manuti nicatsa achacoin. Ascano ua yoiquin isca huaa, —Nuri uqui ohuu. Ahuarafo chipo ahuuscara aashquiai cuscan un mia oinmayoiran, —ishon ua yoia.