Daniel 2:4 - Sharanahua: Diospan Tsain

⁴ Ascan fishifo oianfo ahuara chipo iishquiai cusca yoimisifoan yoini isca huaquin, —Niaifon, min nipapainon. Min nama cuscan noco yoihuu min namapa mia yoipaiyai cuscan non mia tapimanon, —ishon yoinifo.

Daniel 2:4 Σταυροειδείς Αναφορές

Génesis 31:47

Ascano nanno ahuun tsainman Labán anuni, “Jegar Sahadutaran,” ishon yoini. Jacobri ahuun tsainman anuni, “Galaad,” huani.

Génesis 41:8

Iyoconaino moishon fasi shinanpaiqui futsani. Ato yoimani yora yofufo yafi mapo sharayafo aqui funonfo. Nantifi na cuscarafo Egipcio anoafo aqui funifo. Nocoafono ahuun namapanhuunoa ato yoini. Ahuun namapan yoiai cuscacai tsoashta Faraón tapimatiro inima.

Daniel 2:7

Ascaiton cumanifo, —Niaifon, min nama cuscan noco tapimahuu. Ascan non nicaquin min namapan min noco yoiaiton non mia tapimatiroran, —ishon yoinifo.

Daniel 3:9

Yoiquin isca huanifo, —Niaifon, min nipapacupainon.

Daniel 4:19

Nan Daniel ahuun anu futsa Beltsasar niaifoan nama cusca shinainno fasi mustairitan ratucoinquin niaifoan yoini isca huaquin, —Beltsasar, uhuun namapan ua yoia cuscahuunoa ratuquima ua tapimahuu, —ishon yoiaiton cumaquin isca huani. —¡Ohuashta, niaifo! Min nama cusca mihuunoa yoitamarocon mia noicasmaifohuunoa min yoia shara icuana.

Daniel 4:7

Rato futsafoan atiroma cuscan huamisifo uqui fuafo shointiafo uqui fuaifono fishifo oincashon ahuara chipo iishquiai cuscan yoimisifori uqui fuafono inon pacoai cuscan yoimisifori uqui fuafo. Un nama cuscan un ato yoifiaitocai ua tapimapaifiaquicai tsoan ua tapimatiroma.

Daniel 4:9

Mun yoini isca huaquin, “Beltsasar, tsoan futsa atiroma cuscan huamisifofia min nantifi ato finoncoian. Mun tapia diosfo shara aton yoshin min nomuran ica. Tsoan ahuara futsahuunoa tapiafoma cuscan minfin tapitiroquin ua yoishquin. Ascan un nama cuscan ua tapimahuu.

Daniel 5:10

Ascan niaifo fasi ratucoinni ahuun shanon chifishon nicain fusiaifo muran iquishon yoini isca huaquin, —Niaifon, min nipapainon. Ratui pashiacucahuayamahuu.

Daniel 5:8

Yoitan nantifi tapimisifo cunu muran iquinifo nan mutotinin cunua cuscan oinshcaquin. Ascafiacai tsoan niaifo tapimatiro inima.

Daniel 6:21

Daniel cumani isca huaquin, —Niaifon, min nipapainon.

Daniel 6:6

Asca huacatan niaifo patasharinoafoan niaifo Darioqui fucashon yoinifo isca huaquin, —Niaifo Darío min nipapainon.

Daniel 6:7

Nonfin nantifi niaifo patasharinoafoquin min mai anoshon nannorisi non shinan isca huaquin. Tsoan dios futsafo cufintan nocofunu futsahuunoa cufiainton non masharofoan ahuun quinin muran nan nocofunu non potashquin. Niaifon, nan mia fustifin nantifiton min mai anoafoan mia cufintirofoquin. Oshu fusti nanscara huanonfo. Min nannori yonoshquin tsoa mia nicacasmaiton masharofo muran ato potashquin.

Mateo 21:9

Ascano nan yorahuanrasi afufori foaifo futan acachori foaifoan nantififain oi ashcafinin yoinifo. ¡Aicho! David nocon niaifo ipaoniton ahuun funa nocoqui oi. Nanfin Dioshuunoashu nocoqui oiquin. Ascacun Upa Diosin nan shara huahuu, ishon yoinifo.

1 Samuel 10:24

Ascano Saúl atoqui oaiton Samuel nantifi Israelifo yoini isca huaquin, —Na nocofununfin nocon Ifo Diosin catoanquin nocon niaifo inon. Rato Israeli futsacai Saúl cuscarama. Noco nantifi finoncoianran, —ishon Samuel ato yoini. Nannori ato yoiaiton nicacaquin nantififain oi ashcafinin yoinifo, —¡Aicho! ¡Nafin nantishotapiquin nocon niaifo ipanacaquin! —ishon yoinifo.