2 Samuel 22:3 - Sharanahua: Diospan Tsain

³ Min uhuun Diosin min uhuun toquirininhuan cuscaran. Toquiri uhuapacai tsoan shucatiroma. Nanscarifi ai min u fu icanocai tsoan mia shucatiroma uqui nocoshon ua chaca huashquin. Min uhuun cuno sapaqui pia iquitiroma cuscaran. Ascan minhuunshon ua chaca huapaifiacaquicai tsoan ua chaca huatiroma. Min ua numai min curushhuunoashu un isharanon. Cunu cuyacoin tarati huashu tsoa pushu rasi muran iquitiroma yorafo chaca huashquin. Nanscarifi ai min uhuun cunu cuyacoin cuscaran. Ascacun tsoan ua ahuusca huatiroma. Min ua numamisi. Yora pofufoan ua fasi chaca huaiton min ua numa ua ahuusca huanonfoma.

2 Samuel 22:3 Σταυροειδείς Αναφορές

Génesis 15:1

Ascashon chipo nocon Ifo Diosin Abram ahuun namapa cuscara yoiquin isca huani, —Abram, ratuyamahuun. Un mia cushui mia ahuusca huanonfoma. Unfin mia fasi shara huaiquin, —ishon yoiaiton.

2 Samuel 22:31

Ascan Diosin ahuara shara fustisi huai. Ifon, min yoiyomisi cuscan nantifi iconcoin. Tsoan mia yoiquin isca huai, “Ifon, ua cushusharapun,” ishon yoiaiton nan cuno sapaqui pia iquitiroma cuscan huaquin nocon Ifo Diosin ato cushushara. Nan noicasmaifoancai ato ahuusca huatiroma.

2 Samuel 22:47

¡Ifo Diosin, minfin uhuun toquirininhuan cuscaran nipanaca! Tsoan mia anoa shucatiroma. Min ua cushupacunaca. Uhuun Numamisi nocon Ifo Diosin nantifi finoncoian. ¡Nannori nantifi yoipacupainon!

2 Samuel 22:49

Ua noicasmacaquin pofufoan ua chaca huapaiyaifo nocon Ifo Diosin min ua cushushara ua ahuusca huanonfoma. Uhuun Ifon, futsafoanri ua rutupaifiainfoan mian numamisi ua rutunonfoma.

2 Samuel 22:51

Upa Diosin nonfin min yora Israelifo. Mian catonni uhuun caifoan un aton niaifo inon. Ascano noco noicasmacaquin noco rutupaifiaifoan min curushhuunshon un ato finoncoian. Min ua catoan cuscan ua noiquin unupacunacama. Ua non uhuun facufo non uhuun funafori min noco noiai cuscacai unupacunacamaran, —ishon David yoini.

Salmos 27:5

Un nanno a fu icano un chaca finonfiaiton uhuun Ifoan ua cushushara un ahuuscanonma. Nanno ua onushquin. Nanton ua toquirininhuan camaqui ua nichishquin ahua chaca uqui nocononma.

Salmos 32:7

Uhuun Ifon, un miqui catiro ua mian cushusharanon ua noicasmaifoan ua fuchinonfoma. Ahuara chaca ua finonfiaiton min ua cushushara ua tsoan ahuusca huanonma. Ahuara ahuuscarafiaino min ua cushua. Ascacun min yorafo fu non fanaincacainni man minmain ua numacufin.

Salmos 46:1

Diosin no fu ishon noco cushushara. Ahuun curushu noco inain. Ahuara chaca non finoainnofin nan noco fu imisiquin noco ashoshquin.

Salmos 46:11

Ascacun afanan shinancahuun. Diosin ahuamamishti huafain ahuun curushhuunshon nantifi finoncoian. Nanfin noco fu icaquin. Jacob ahuun Diosin nocon cushumisi.

Salmos 46:2

Ascacu noncai shinanchacatama ratuima. Ahuara chaca ifiaino mai curushcain nayanaiyaicaino machifo tsucuinifoantan unuhuan muran pacu yamarai unuhuanri fuchomanhuain fasi achacoin icaino machifori nayanaiyaifiainocai non ratuima Diosimain noco fu icun. Nanfohuunoa shinancahuun.

Salmos 46:7

Diosin ahuamamishti huafain ahuun curushhuunshon nantifi finoncoian. Nanfin noco fu icaquin. Jacob ahuun Diosin nocon cushumisi. Nanfohuunoa shinancahuun.

Salmos 86:14

Uhuun Diosin, nan cacapaimisifoan ua chaca huapai uqui fuafo. Nan yorafocai tsoashtahuun ramapaimisima. Natianfin ua rutupaicaniquin. Nanfoancai mihuunoa shinanmisifoma.

Éxodo 15:2

Unfin nocon Ifo Dioshuunoa fanainquicain. Nantofin ahuun curushu ua inanfain ua numaquin. Nanfin uhuun upa ahuun Diosiquin. Nanrifin uhuun Diosiriquin. Un ahuunoa yoisharafain un nantifi yoi tsoa futsacai uhuun Diosi cuscarama.

Lucas 1:47

Min uhuun Numamisi Diosiran icashu uhuun nomuran un fasi unimacoinna.

Lucas 1:69

Diosin nocon Numamisi nan ahuamamishti huamisi nocoqui nichian. Noco shunifoan aton niaifo David ipaoni. Nanton ahuun funa nocoqui nichian noco niaifocoin ipashanon.

Lucas 1:71

Ascashon yoiquin isca huani, ‘Un mato cushui. Nan mato noicasmamisifoan afanan mato ahuusca huanonfoma. Ascacun un mato Numamisi matoqui nichiran,’ ishon Diosin inon pacoai yoimisifohuunshon noco yoini.

Tito 3:4

Non asca huafiapaonishaqui Upa Diosin nocon Numamisi nocohuun ramapaicain nocohuun noiquin noco numani. Ascashon noco chaca soashoni non afanan chaca ipaoni cuscan inonma. Non ahuara shara huaa rafanancai noco numanima. Afifin nocohuun ramapaiquin nocon chaca soashoniquin. Noco ointi chocatsa cuscara non funa sharacoin inon. Ahuun Yoshin Sharahuunshon noco ointi oni ocomafain nocon nomuran onihua funa.

Tito 3:6

Upa Diosin ahuun Yoshin Shara nocoqui nichini noco iquinon. Nocon Numamisi Jesucristohuunoashu nantifi yorafo fu rafucacaini.

Hebreos 2:13

Ascashon yoiquiri isca huani, “Uhuun Upa Dios un icoinra huairan,” ishon yoini. Afananri yoiquin isca huani, “Shinancapon Upa Diosin ua icoinra huafo ua inan uhuun facufo inonfo,” ishon Jesús yoini.

1 Samuel 2:1

Ascan Anapan nocon Ifo Diosi cufinquin isca huani, —Uhuun nomuran un Diosiqui fasi unimacoin. Uhuun Ifo Diosin ua fasi shara hua. Ifon mian numa. Ascan un miqui unimacoin. Mian numa cuscan ua noicasmaifo un yoisharatiro.

1 Samuel 2:2

Tsoa futsacai mia cuscara sharacoinma. Mirus fusti min noco Numamisi. Mirus fusti min ahuamamishti huatiro. Toquirininhuancai tsoan shucatiroma. Nanscarifi ai min nocon Diosi min acai cuscacai tsoan mia nitu huatiroma.