1 Samuel 16:14 - Sharanahua: Diospan Tsain

¹⁴ Nantiancai nocon Ifo Diosin ahuun Yoshin Shara afanan Saúl fu rafunima man potacoian ini. Ascan nocon Ifo Diosicai yoshin chaca nitu huanima Saulqui noconon ahuun nomuran fucash huashquin omitsiscanon.

1 Samuel 16:14 Σταυροειδείς Αναφορές

Salmos 51:11

Mimaquishon ua potayamafain min Yoshin Shara umaquinoa nichiyamapun.

1 Samuel 11:6

Nannori nicatapaiyaino Saúl Diospan Yoshin Shara nantian a fu rafutapaiyaino ahuun curushhuunoashu fasi ahuun nomuran sinacoinni.

1 Samuel 16:15

Ascan Saúl ahuun oinmatifoan yoinifo isca huaquin, —Niaifon, nocon Ifo Diosin yoshin chaca miqui nichia mia omitsiscamanon.

1 Samuel 16:16

Niaifon, noco nichihuun, nonfin mia nocofunu funashonicai ahuun manuti mia manushonon. Nocon Ifo Diosin yoshin chaca miqui nichiaitian nan nocofunun mia manushotiro nan yoshin chacanun afanan mia omitsiscamai cuscan muutamarocon min afanan isharairan, —ishon yoinifo.

1 Samuel 16:23

Ascan nan yoshin chaca nocon Ifo Diosin nitu huayamaino Saulqui noconi David ahuun manuti manushonaino afanan Saúl ahuun ointi ihuu itamarocon afanan shinansharacoinni. Ascaino nan yoshin chaca amaquinoashu cayoni.

1 Samuel 18:10

Iyoconaino nocon Ifo Diosin Saúl afanan shinansharayamaiton oinquin yoshin chaca Saulqui nocoaitocai Diosin afanan nitu huanima. Ascan nan yoshin chacanun Saúl omitsiscamani. Nan yoshin chacahuunoashu Saúl tsain isininpaton nan nisofoan yoiaifo cuscan yoini. Nantianri David fuyamisi cuscan ahuun manuti Saúl manushoni. Ascan Saúl ahuun ashi tsomashon David rutupaifiaqui David ichoacuncahuanaiton canuni. Pushu cunuacua ahuun ashin tsacani. Saúl ahuun nomuran shinanquin isca huani, —Un natian uhuun ashin David tsacaquin nasharafain cunuqui tsacamai naanon, —ishon shinanni. Ichoacuncahuanaiton canuni. Ascahuatan afanan nanscari huaquin Saúl ahuun ashin David rutupaiquin canuni.

1 Samuel 18:12

Ascan nocon Ifo Diosin afanan Saúl fu itama David fu ini. Ascashu Saúl Davidqui ratuni.

1 Samuel 28:15

Ascan Samuel Saúl yoini isca huaquin, —¿Ahuuscai mian fucash huaquin ua funimanamun? —ishon yocaiton. —Uhuun nomuran un fasi omitsiscai. Filisteofoan noco rutupai fuafo. Un nocon Ifo Diosi yocapai non ahuusca huatiromainquin. Uacai afanan ahua yoima. Ahuun tsain yoimisihuunshon ua yoiamafain uhuun namapan ua yoiama. Ascan un mia cuna un atiro cuscan mian tapimanon, —ishon Saúl yoiaiton.