1 Samuel 15:26 - Sharanahua: Diospan Tsain

²⁶ Samuel cumani isca huaquin, —¡Ma! Uncai mi fu caima. Nocon Ifo Diosin mia yonoa cuscan min nicacasmaiton arifi mia pota min afanan nocon caifo Israelifoan niaifo inonma, —ishon Samuel yoini.

1 Samuel 15:26 Σταυροειδείς Αναφορές

Génesis 42:38

—¡Ma! Uhuun facucai mato fu caima. Ahuun ochi José man nani. Nan fusti nia. Unfin natian anifocoinquin. Man Benjamín iyoano ahuara chaca finoanno un omitsiscai nai. Matohuun nutiroran, —ishon Jacob ahuun facufo yoini.

2 Samuel 12:9

¿Ascan ahuuscaquin uhuun tsain ahuamaran ishon min shinanmun? ¿Ahuuscai min chaca huamun? Min Amonitafohuunshon Urías rutufain ahuun ahuin min fiian min ahuin inon.

Hechos 13:22

Upa Diosin Saulo unumashon nocon shuni David tuqui huaniquin. Ahuunoa yoini isca huaqui, “Isaipan facu David ua noicoin. Uhuun ointi muran un fuchipaiyai cuscan arifi fuchipaiquin. Un yonoa cuscafin atiroquin,” ishon yoini.

2 Juan 1:11

Maton pushu muran iquishon futsafori amaquiri yosiaino matohuunri nutiroquin.

1 Samuel 13:14

Ascashucai min non min facufo Israelifo aton niaifo ipatiroma. Aafin shinain cuscan nocon Ifo Diosin nocofunu futsa nan shinain cuscaran catoinquin Israelifoan niaifo inon. Nocon Ifo Diosin mia yonoa cuscacai min aama. Ascan natiafin nocon Ifo Diosin nocofunu futsa catoinquin. Nan ahuun tsain tanapai nanfin Diosin catoin nocon caifoan niaifo inon, —ishon Samuel yoini.

1 Samuel 15:23

Shointi yafi yoshin chaca fu tsainqui chacacoin. Nanscarifiai nocon Ifo Diosi mia yonoa cuscan min ayamai nanrifin chacacoinquin. Ahuara afi rami huacashon cufimisifo cuscan fasi chacacoin. Nanscarifiai nocon Ifo Diosin mia yonoa cuscan min nicacasmaifin chacacoinquin. Nocon Ifo Diosin mia yoia cuscan min acasmaiton natian nocon Ifo Diosin afanan mia niaifo imapaimaran, —ishon Samuel yoini.

1 Samuel 15:31

Ascatan Samuel a fu cani. Saúl nocon Ifo Diosi cufini.

1 Samuel 16:1

Ascan nocon Ifo Diosin Samuel yoini isca huaquin, —Mun yoia Saulcai afanan Israeli niaifo itiroma. Ascan afanan ahuunoa shinanyamahuun. Min moi masho muran shuni manuhuun. Asca huatan Belén pushu rasi ano catahuun. Nanno a nocofunu Isaí icano catahuun. Ahuun furun futsa un catoan Israeli niaifo inon, —ishon Diosin yoini.

1 Samuel 2:30

“Un yoiyoni cuscan min non min yorafo non min shunifori man Israelifohuunoa ua cufinshomisifo cuscacai unupacunacama. Ascafia man fasi chaca huahuunshoncai man afanan mato caifo Israelifo ua cufinshomisi itiroma. Un natian shinan futsa. Tsoan futsafo uhuunoa shinanmasharacun urifin atohuunoa futsafoan ointaifi un yoi sharashquin. Ascan tsoan uhuunoa futsafo shinanmasharayamaiton urificai atohuunoa un shinansharatiroma.

1 Samuel 28:18

Mia yonoa cuscacai min huanima. Nocon Ifo Diosin Amalecitafoqui fasi sinacointaqui mia yonoa, “Amalecitafo cuyohuun,” mia huafiainocai min anima. Ascan natian nocon Ifo Diosin mia onaintimai.