1 Samuel 15:22 - Sharanahua: Diospan Tsain

²² Asca huaiton nicaquin Samuel cumani, —¿Ratocaimun nocon Ifo Diosi fuchipaiquin? Min inafo ahuunshon rutushofain cooashoshquin iyamarai nocon Ifo Diosin mia yoia cuscan aiton min nicasharaino fasi shara finacaian. Nanscarafin nocon Ifo Diosi fuchipaicoinquin.

1 Samuel 15:22 Σταυροειδείς Αναφορές

Génesis 4:4

Nantiari Abel ahuun chashoan facu cain taua sharashtacoin nocon Ifo inanni. Ascashon Abel inan cuscan oin nocon Ifo Diosin aqui unimacoinni.

Éxodo 19:5

Un mato yonoa cusca man nicasharafain un mato yoiyoni cusca man nicacoiainton un mato cushushara. Un mato cushusharai cuscacai un mani futsafo huashquima. Manfin uhuun yoracoinfo ishquicain. Unmain mato cushusharaiton. Un matohuun fasi noi. Nantifi mai uhuunafiashu marifi man uhuun yorafo ishquin. Nantifi min yorafoan uhuun tsain mani futsafo tapimafain uhuun ato cufinshomisifo man itiro. Un mia yoia cusca min caifo tapimahuun, —ishon nocon Ifo Diosin Moisés yononi.

Mateo 12:7

Upa Diosin yoini cuscan cununi isca huaquin, “Man ua inafo rutushomisi un maton chaca soashonon. Nan sharafia man futsafohuun ramapaiquin man ato shara huai. Nancaifin fasi shara finacaiaquin. Nan fusti un fasi fuchipairan,” ishon yoini. Ascacun nan tapicoinshocai man ufu rafumisifohuunoa yoicuanama, “Nanfoan chaca huaforan,” ishon. Afoantsi ahua chaca huacun.

Mateo 23:23

¡Ohua! Moisés yononi cuscan tapimamisifo futan Fariseofoan manfin fuparamitsamisicoinfoquin. Ascacun Upa Diosin mato fasi onaintimashqui. Moisés yononi cuscan nantifi mato fanafo atirifi man Dios inanmisi. Man asca huafiaquicai ahuara shara finacaia man huamisima. Ascashucai man futsafohuun ramapaiyamacain atori man shara huacoianmisima. Mato yorafoan ahuara chaca finonfiacun man ato shara huatamarocon man ato potamisi. Ascan man futsafohuun ramapaicai ato shara huafain ahuara ahuuscarafiaino man ato potayamaino Diosin matoqui unimatiro. Ahuara futsafo Moisés yononi cuscan man huamisi cuscan man shara. Ascafia ahuara shara finacaiarocon huacahuun.

Marcos 12:33

Noncai Dios ahuashta inantiroma ahuun rafanan nocohuun noinon. Min yoia cuscan fusti shara. Ascacun non nocon Ifo Dios nocon ointi muranshon noifain nocon shinansharayashon noifain non fasi mutsiscain nocon Ifo Dios noi nofiri non musu huamuai cuscarifi aquin non nocon chaima ica noiaino. Ascaran fasi shara finacaianran, —ishon yoini.

1 Samuel 13:13

Nannori yoiaiton nicaquin Samuel Saúl cumani, —¡Ohuashta! Min fasi amaquiri chaca shinan. Mia nocon Ifo Diosi yonoa cuscacai min huama. Nan mia yonoa cuscan min huaino nocon Ifo Diosin mia non min facufo non min funafori Israelifoan aton niaifo imapacucuana.