1 Samuel 12:21 - Sharanahua: Diospan Tsain

²¹ Nan nocon Ifo Dioscoin potayamacahuun. Dioscoinfoma tanayamacahuun. Nanfoancai mato numatiroma. Nanfocai ahuama. Nanfoanricai mato ahuara shara huamatiroma. Nanscarafofin ipaitsi rami huacashon nocon diosiran huamisifoquin.

1 Samuel 12:21 Σταυροειδείς Αναφορές

Hechos 14:15

—Nocofunufoan. ¿Ahuuscain man noco isca huashopaiyain? Noncai Diosimafinquin. Nonrifi maton cuscara nocofunu rafuquin. Non mato tsain shara yoi oa. Non mato yoimisi Dioscoinma shinanyamacahuun. Ahuarafo Dioscoinma potacahuun nan Diosicoinfin niaquin. Nan icoinra huacahuun. Nanton nantifi onihuaniquin. Nantifi nai muran onihuafain maitio onihuafain yorafoti onihuafain unuhuanri nantifi a murannoari onihuaniquin.

1 Corintios 8:4

Ascashofin non Dios noicoiainton noco tapimatiro nan ahuara futsa ramihuacashon tushu inanfo non pitiromainquin. Ascacun man non tapia ahuara futsan ramihuafocai ahuama. Acai Diosincoinma. Nan aafin ramihuafoancai ahua tapiama. Acai ointiya iyamacain ahuun maponricai ahua shinantiroma. Nanscarafocai Dios itiroma. Diosfin nan fustiquin.

Deuteronomio 11:16

¡Ascafia oinfain! Futsafoan mato chaca huamapai. Aton dioscoinfoma rami huafo atohuun noiquin ratoconun mai chachishon ato cufiainfoanno. Marifi afo cufinyamacahuun.

Deuteronomio 30:17

Ascafia maton nomuranshon nocon Ifo Diosihuunoa man afanan a shinanyamafain man nicacasmatan caifo futsafoan aton dioscoinma ramihuafo man ratoconun mai chachishon nan cufinshcaquin man asca huaiton un na shafata mato yoi iconcoin man nai futsushquin. Man unu Jordán pocufainicai nan mai ano iquishcaquin. Ascafia man nocon Ifo Diosi nicasharayamaiton nannocai man chai ipatiroma.