1 Samuel 1:2 - Sharanahua: Diospan Tsain

² Elcana ahuin rafuya ini. Aton anu rafu Ana yafi Penina. Nan Penina facuya ini. Ascano Ana toosma ini.

1 Samuel 1:2 Σταυροειδείς Αναφορές

Génesis 11:30

Nan Saraicai facu nanutiroma toosma ini.

Génesis 25:21

Rebeca toosma ini. Ascacun Isaac Diosi cufinshoni facu nanunon. Nocon Ifo Diosin nicashon Rebeca facu nanumani.

Génesis 29:31

Asca nocon Ifo Diosin oian Jacob ahuun ahuin Lea noisharayamaiton Dioshuunshon Jacob ahuun ahuin Lea facu nanumani. Ascano nantiacai Raquel facu nanutiro inima. Toosma ini.

Génesis 4:19

Nan Lamec ahuin rafuya ini. Ahuin futsan ahuun anu Adá. Ascan futsan ahuun anuri Zila ini.

Génesis 4:23

Ascano shafan futsa Lamec ahuun ahuin rafu yoini isca huaquin, —Un mato yoiai cusca ua nicasharacahuun. Nocofunun ua rutuqui chaca huacun un copiquiri rutucoian. Ascan pushcopan arifi ua sutucun nanrifi mun rutucoian.

Mateo 19:8

Afanan ato cumani, —Manfin nan maton shunifo cuscaraquin. Nanfoanri Dios nicacasmapaonifo. Nanscarifi huaqui marifi man nicacasmai. Ascacun rama man yoia cuscan nannori Moisés cununi. Ascafiacai Diosin tau huaqui anori yononima.

Lucas 1:7

Ascafiashu facuoma rafu. Zacarías anifo icaino ahuinri yoshafo toosma ini.

Lucas 2:36

Nannori ainfoan ahuun anu Ana, Fanuel facu. Nanton arifi Dioshuunshon inon pacoai cuscan yoipaoni. Nanrifi Aser ahuun caifo ini. Siete fari funun fipaoni. Ascafiashu amaqui funu naniano man Ana yoshafoshta ini.