1 Corintios 12:2 - Sharanahua: Diospan Tsain

² Man manfin tapiaquin Jesús man icoinra huataima ahuarafo rami huashon man icoinra huapaoni. Ascafia afoancai ahua shinantiroma. Ascashocai ahuashta mato yoitiroma. Nanscaquin nanfohuunoa man amaquiri shinanpaoni.

1 Corintios 12:2 Σταυροειδείς Αναφορές

1 Pedro 4:3

Fari ichapacoin man man funoa Jesús icoinra huamafoan amisifo cuscan man huapaoni. Man chaca huapaiyai cuscan fustisi man huapaoni. Yamutifi monocain ayafain maton nomuran shinanchacafain maton ahuinmafo ya ipaicain ainfofori aton funumafo ya ipaiyaifono paunmisicoin icain futsafo ya ichananshu atofu monoshquin mucayanan Dios noitama ahuara futsafo man noipaoni. Nan chacafofin Upa Diosin noicasmacoianquin. Ascacun afanan ascayamacahuun.

Gálatas 4:8

Man iscapaoni Diosicoin tapiyoashuma. Ahuarafo diosicoinmafiacun nanfoan aton yonomati man ipaoni.

1 Corintios 6:11

Atirifi man ascafiapaonishacaquin natian Jesucristo yafi Upa Diosin ahuun Yoshin Sharahuunshon maton chaca soashona. Maton chaca soashonano a cuscara shara mato ima. Ascasho ahuun ointi cuscara shara mato ima. Chaca huamisifoma cuscara man inon.

1 Pedro 1:18

Man manfin tapiaquin nocon shunifoan noco tapimapaoni cuscacai afoan noco numapacutiroma non afanan chaca inonma. Nan pui paratamacoinfiashocai noco numatiroma non afanan chaca huanonma. Nan pui chicoinfiashu nanfori cuyoi futsushquin.

Tito 3:3

Norifi nocon nomuranshon non amaquiri chaca shinanpaoni. Ascashu non yoitimacoin icain chaca futsa futsatapafo non huapaiyai cuscan huafain nocon nomuranshon non shinanchaca cuscan nannoricoinri non huapaoni. Nanfo nocon ifo ipaoni. Ascatarifi non iscara ipaoni. Non futsafohuunoa shinanchacafafainmisi icain futsafo aya cuscan fianpaitiashu non aqui shinanchacamisi icain non futsafo noicasmafain nofirananri non noicasmatananpaoni. Non nanscara chacafo huapaoni.

Mateo 15:14

Ascacun nanfo shinanyamacahuun. Fushocai afu fusho raqui iyotiroma. Iyopai afu shato muran pacutiro. Nanscarifiai Fariseofoancai Diosin tsain tapishoma futsafo yositiroma atofu funotiro. Ascashu Dios ari tsoa nocopacunacafomaran, —ishon ato yoini.