Lk 17:25 - Ikan feg

²⁵ Si ya gha, məd mənyìʼ zə̰ ngəʼ ane inug nɔʼ nɔʼ, iwaŋ bəd gho̰ tèchɔ̀ŋ bə̀ to̰ awɔb məd.

Meta’

²⁵ Àyɨə wɨ̀ bɨrɨ be zə ŋgəʼ ənɨ ɨnû nɔnɔʼ, ɨghəm bə̂d wɔ̂ ton əməd.

Lk 17:25 Σταυροειδείς Αναφορές

Matìyò 16:21

Ni ko ane nyùmə̀ we ne Pità ya mə̀ti wə̀d ne Yeso yaʼi ìwiwən, Yeso ya ko se mə̀tə̀ icheg ne wì mənyìʼ ghò a Jèrusalèm abə mə̀mə̀nənùg məd. Wì ya mə̀tì icheg ne wì biri zə̰ ngəʼ nɔʼ nɔʼ ikye abo abə itog bəd inga aben tì itog bəd mbàn Ŋwiye fɔrɔ mə̀chwitì mə̀nɔ̀ʼɔ̀. Wì ya gha, mbi biri mənyìʼ zwèti yi, àsi igun aneg ne pè ane itad, Ŋwiye zwemni aməd ane iwu.

Lk 9:22

Wì ya si chè imbìghè gha, “Ŋwan Wə̀d biri zə̰ ngəʼ ne nɔʼi igun isəg aŋa. Itog bəd inga aben tì itog bəd mbàn Ŋwiye fɔrɔ mə̀chwitì mə̀nɔ̀ʼɔ̀ biri to̰ awɔb məd. Mbi biri bə zweti aməd, si ya gha, ineg biri pè ane itad, Ŋwiye zwèmne məd ane iwu.”

Mk 8:31

Yeso ya ko ni chwiti inug abə ìmbi mə̀mə̀nənùg gha, Ŋwan Wə̀d bèrì ni taŋ zə̰ ngəʼ, bəd kyen mbe inga aben tì itog bəd mbàn Ŋwiye tì mə̀chwitì mə̀nɔ̀ʼɔ̀ biri to̰ awɔb məd. Mbi biri zweti aməd. Igun aneg ne pè ane itad wì zwème ane iwu.

Jn 1:11

Wì ya yèʼe pè ghò inga aben məd. Si ya gha, chəyi bəd məd ya niŋi aməd.

Lk 18:33

Si ya gha, wì biri zwemne ane iwu ane ineg pè ane itad.”

Mk 12:10

Chəyi mbə̀ kiri fɔŋi anug azo̰ inga Àŋwàʼrì Ŋwiye gha, ‹Iteg we ne bəd ne kɔ̀rɔ nəb ya to̰ awɔb, wì fə bə̀ŋə̀ ane iteg ibog nəb.

Matìyò 21:42

Yeso ya ghà inɔb gha, “Àkə chəyi mbə̀ kiri kweʼì fɔŋ anug ze ne yaʼi inga Àŋwàʼrì Ŋwiye? Anug ze ya gha, ‹Iteg we ne bəd ne kɔ̀rɔ nəb ya to̰ awɔb, wi fə bə̀ŋə̀ ane iteg ibug nəb. Anug azo̰ ya Anɔŋisəg ghi. À ya ayeti anug ina ni bàd!›

Jn 12:38

Anug azo̰ ya du anìŋ ni ghì gha, ìngam wə̀dkə̀n Ŋwiye Àzayà, we duwə ane tesiʼ gha, “Anɔŋisəg, àkə we ne bḛ ikən we ne te ghà? Àkə abə we ne Anɔŋisəg chwi ìwi ika?”

Lk 24:46

Wì ya si ghà inɔb gha, “Aŋa ya anug ne Àŋwàʼrì Ŋwiye gha, Wə̀d we ne Ŋwiye zɔ̀ʼi biri zə̰ ngəʼ, ku, si zwème igun aneg ne pè ane itad.

Lk 18:31

Yeso ya kàrì bədtɔm məd mbe ìghum chɔ̀b ibe ghò iban, si ghà inɔb gha, “Tì ya anìŋ kɔ̀ʼɔ ghò a Jèrusalèm. Inug ijìm mbe ne bədkə̀n Ŋwiye ya ŋwàʼrì imbə̀ʼ Ŋwan Wə̀d biri dù.

Mk 10:33

Wì ya ghà inɔb gha, “Mbə̀ Nḛ, tì ya anìŋ kɔ̀ʼɔ ghò a Jèrusalèm. Tì mə pè angu, mbi biri nyimi Ŋwan Wə̀d nàʼ abə itog bəd mbàn Ŋwiye tì mə̀chwitì mə̀nɔ̀ʼɔ̀. Bəd mbo̰ biri sɔb isaʼi gha mbe zweti aməd. Mbi biri ghì ane, si nàʼ aməd abə bəd mbe ne kayi mə̀Ju.

Mk 9:31

Wì ya ghì ane imbə̀ʼ icheg ne wì yaya chwìte inug abə ìmbi mə̀mə̀nənùg gha, “Mbi biri fèn Ŋwan Wə̀d abə bəd, mbi zweti aməd. Si ya gha, igun aneg ne pè ane itad, wì ywirì zwème ane iwu.”