Jn 16:20 - Ikan feg

²⁰ Mə gha tesiʼ inən gha, mbə biri dèg mèʼì məchə. Si ya gha, bəd igun isəg biri ya gyènde. Ibəʼ biri nyi inga ìtən fìŋ. Si ya gha, wi biri si bə̀ŋə̀ ane igyendi.

Meta’

²⁰ Mə ghà rəsìʼ ɨ nən ni mbə bɨrɨ chweŋ mɨsɨ, bə̀ dì, àyɨə ɨsɨg bɨrɨ ghaʼ i. Mbə bɨrɨ kə̀nə̀, àyɨə ə̀kə̀nɨ̀ ze ə bɨrɨ bèŋ sɨ ɨghaʼi.

Jn 16:20 Σταυροειδείς Αναφορές

Jems 1:2

Ìmbum məfi fɔrɔ ìtum njàbi, mbə̀ ya gyènde mà nyumə̀ ijìm ne mbə̰ mbe chè inga aku àkwàʼrì nɔʼ nɔʼ.

Matìyò 5:4

Ŋwiye zì àbɔrɔ̀bɔd igun bəd mbe ne sɔ̀mnɔ̀, imbə̀ʼ icheg ne məd biri nəri awɔb kwàʼ zìye zìye.

2 Kɔrèn 6:10

Bəd mɔ̀ʼɔ ya nḛ̀ awa kɔ̀ndɔ gha tì we sɔ̀mnɔ̀, si ya gha, tì ya gyènde awa mà nyumə̀ ijìm. Bəd mɔ̀ʼɔ ya nìŋə awa ane bəd ne chəyi àzɔb, si ya gha, mba ya bəd ne ghìyə̀ bəd ndəŋ faŋà bèrè ighi. Bəd mɔ̀ʼɔ ya nìŋə awa icheg ni gha chəyi tì beri aghi, si ya gha, tè bèrì ighi ijìm.

Mk 16:10

Mèri ya bàd aməd si nɔ̀ʼ ghò ghà abə bəd mbe ne ya yaʼi tì Yeso ne mbi yaya sɔ̀mnɔ̀ bə̀ dèghè.

Jûd 1:24

Tè ghùmnə Ŋwiye we ne tì wì nɔ̀ŋì awən gha imbə̀ʼ mbə̰ nɔ̀ʼ gùg anug. Məd we tì wì ghi mbə zen mànì ibo imbìghè bə̀ ghì gha mbə̀ se gyènde.

Lk 24:21

Tì yaya kɔ̀ndɔ gha à ya məd ne biri zeri bəd Izre. Tèchɔ̀ŋ ya ghì ineg itad ne inug mbo̰ du.

Gàlesìyà 5:22

Àsi inug mbe ne Azwighi Ŋwiye ze kə̀bə̀ ya: àkɔ̀ŋì, igyendi, àbɔrɔ̀bɔd, inyimbifiŋ, anug ni ghì inug chɔm, anug ni bèrì fìŋ chɔm, anug ni bḛ anug fàʼ,

Rm 5:11

Anug kyen ndəŋ ya gha, tì we gyènde abə Ŋwiye anjìm Anɔŋisəg Yeso Kristo ne ghi tì si yaʼ mə̀sə̀ʼ Ŋwiye.

Lk 24:17

Yeso ya si bìri inɔb gha, “Anug ne mbə yḛ̀ nè ghàmà, àkə aghə?” Mbi ya təm, bɔ, tiwḛ gwì awɔb.

Lk 23:27

Inɔ̰ bəd ndan ndàn yaya bène ibo anjìm. Mə̀yi yaya bə̀ abɔ̀ʼ. Mbi yaya nḛ̀ aməd, se dèghè, kwìyè ìsaʼ.

Ɨnû 18:7

Məd yaya tə̀rə̀ yi bə̀ tàra ìwi nyɔd inga ighi. Ane, mbə̀ taŋ chə aməd bə̀ ghì wì se sɔ̀mnɔ̀. Məd we ghà inga ìzi fìŋ gha, ‹Mo ya àyi ne yaʼi ifɔn. Mo kayi iku-àyi. Ane, chəyi mə̀ biri nɔʼ dèg!›

Ɨnû 11:10

Bəd igun isəg biri taŋ gyendi bə̀ kɔd tiboʼ abə mə̀mbin imbə̀ʼ icheg ne bədkə̀n mbo̰ ne ku yaya chə bəd ne yaʼi igun isəg.

Ɨ̀fàʼì 5:41

Bədtɔm mbe ya nɔ̀ʼ abɔ̀ʼ bəd mbe ne sàʼa aben se yḛ̀ nè gha, Ŋwiye fə niŋ awɔb ane bəd ne koʼi ni zən ngəʼ bə̀ bèrì tìnìrètog imbə̀ʼ Yeso.

Jn 16:33

Mə fə ghà inug mbo̰ inən anìŋ ni ghì gha mbə̀ chughi ane àbɔrɔ̀bɔd icheg ne mbə̀ yaʼi ane anug amɔʼ tì inum. Mbə̰ biri zə̰ ngəʼ inga isəg gho̰. Si ya gha, mbə̀ nyimbi fìŋ imbə̀ʼ icheg ne, mə fə màʼ ibid chè isəg gho̰.”

Jn 16:6

Ibəʼ fə nyi inən inga fìŋ məyi imbə̀ʼ icheg ne mə gha inug mbo̰ inən.

Lk 22:62

Pità ya wendi ane si dù isəg dèg, mèʼì məchə.

Lk 22:45

Anyumə̀ ne wì ya nɔ̀ʼi ni chàʼra Ŋwiye, wì ya ghò pè bàd mə̀mə̀nənùg məd ne mbi ya bɔri, se gwḛ ngəʼ.

Lk 6:21

Ŋwiye zì àbɔrɔ̀bɔd igun inən, mbə̰ mbe ne njèg ya zàŋa awən amad anìŋ imbə̀ʼ icheg ne mbə biri ghum jəg kɔd. Ŋwiye zì àbɔrɔ̀bɔd igun inən, mbə̰ mbe ne dèghè imbə̀ʼ icheg ne mbə biri ghum se chə̀ʼrə.

Mk 14:72

Kwàʼ ati ati, inɔm ngub ya ywìrì tɔŋ ane ighəm ni pè ane abe. Anyumə̀ we, Pità ya kɔndi ìngam we ne Yeso ya ghà ibo gha, “Bɔŋ inɔm ngub se tɔ̀ŋɔ aghəm abe, àghò biri fə to̰ awe mə aghəm atad.” Wì ya kɔndi ane, nə̀ŋə̀, chwḛ məsi.

1 Tèsàlonikà 1:6

Ka mbə̰ ya jiʼì yaʼ awən inga ngəʼ, mbə̰ ya fə ko ni ghì inug icheg Anɔŋisəg bə̀ fɔrɔ icheg ina. Mbə̰ ya niŋ ikən chɔm we ane igyendi ne Azwighi Ŋwiye ze nàʼà.

Jn 20:20

Anyumə̀ ne wì ya ghàmi ane, wì ya chwi ìmbi ibo fɔrɔ ìwi iban ìbèn inɔb. Igyendi ya sweg inga ìtɔb fìŋ icheg ne mbi ya bàri Anɔŋisəg.

Matìyò 21:38

Si ya gha, anyumə̀ ne bəd mbe ne ya nə̀ŋə mben ze ya zə̰ ŋwan məd we, mbi ya ghàm mbɔb mbɔb gha, ‹Aŋa ya àjəgnəb məd gho̰. Mbə̀ yeʼe tì zweti aməd si jəg ighi məd.›