Jn 13:31 - Ikan feg

³¹ Anyumə̀ ne Judàs ya fə gho, Yeso ya gha, “Nyùmə̀ fə kòʼ ne mbi biri ghumni Ŋwan Wə̀d bə̀ ghùmnə Ŋwiye anjìm məd.

Meta’

³¹ Ənɨ Judàs nyaʼa fə jwɨ i, Yeso nyaʼa ghà ni, “Nyùmə̀ fə kùʼi nɨ mbɨ bɨrɨ wumnɨ Wan Wə̀d, bə̀ wumnɨ ə Ŋwiə̀ ənjìm məd.

Jn 13:31 Σταυροειδείς Αναφορές

Matìyò 8:20

Yeso ya ywìtì gha, “Ìchɔb bèrì ìmbɔb isiŋi chughi, tìnən bə̀ bèrì ìtɔb kàn, àsi Ŋwan Wə̀d, chəyi wì beri achan.”

Lk 12:50

Si ya gha, mə bèrì mənib mɔ̀ʼɔ ni niŋ. Chəyi ìmə fìŋ biri chughi ane àbɔrɔ̀bɔd anene mə niŋ mənib mbe.

Jn 11:4

Anyumə̀ ne Yeso ya zughi, wì ya gha, “Mə kyèri gha, aghɔn azo̰ abə Lazarɔ̀s, kayi àze ne biri zweti aməd. À ya aghɔn ne biri ghì gha bəd ghumni Ŋwiye bə̀ ghùmni Ŋwan Ŋwiye.”

Jn 12:23

Yeso gha ywìtì gha, nyùmə̀ fə kòʼ ne Ŋwiye biri ghì gha mbe ghumni Ŋwan Wə̀d.

Jn 12:28

Ìmə Mbaʼ, ghìyə gha bəd ghumni awe!” Anyumə̀ ne wì ya ghàmi ane, gì mɔ̀ʼɔ ya ghàm ikaŋ gha, “Mə fə ghì gha bəd ghumni amə. Mə biri ywiri ghì ighəm ndəŋ.”

Jn 14:13

Mə biri fàʼ inug mbe ne mbə̀ biri biri ane ìmə ikum, ni ghì gha, bəd ghumni ìmə Mbaʼ anjìm Ŋwan.

Jn 16:14

Wì biri ghumni amə imbə̀ʼ icheg ne wì biri ya nìŋə inug mbe ne mə ghà ibo, se ghà inən.

Jn 7:39

Mənib mbe ne nàʼà ìtḛ̀ ya Yeso yaya gha Azwighi Ŋwiye ne biri si yèʼe igun bəd mbe ne nɔŋi ìwɔb ibḛfiŋ igun məd. Anyumə̀ we ne məd yaya ghàmà ane, chəyi Azwighi Ŋwiye ya kiri yèʼe inga bəd imbə̀ʼ icheg ne chəyi Ŋwiye ya kiri nɔ̀ Yeso ikaŋ bə̀ ghì wì beri ighumni.

Ɨ̀fàʼì 2:36

Ane, mə̀Izre məjìm kyeri gha, à ya kwàʼ tesiʼ gha Ŋwiye fə nɔ̀ŋì Yeso gho̰ ne mbə̰ ya kɔ̀mbi igun azed abaʼri ane Anɔŋisəg bə̀ fɔrɔ ane Wə̀d ne wì zɔ̀ʼi.”

Ɨ̀fàʼì 3:13

Wə̀d ne ghi wə̀d gho̰ nɔ̀ʼ se yḛ̀ ya Ŋwiye we ne Abràham tì Jàkɔb tì Azìg fɔrɔ ìmba mə̀mbaʼ aneg yaya ghùmnə. À ya məd nàʼi ighumni abə wə̀d àfàʼì məd Yeso Kristo. Mbə̰ ya ton awən məd kwàʼ imbìghè abə Payilèd. Mbə̰ ya kə̀b àzən gha mbe zweti aməd ne Payilèd ya kə̀bi ni sàŋì aməd.

2 Kɔrèn 3:18

Mba məjìm mbe ne chəyi ndwi ze ywirì kən ìta tìfe, ne te bàrà icheg ne ìzḛzḛ Anɔŋisəg we njànda icheg ni gha à ya inga manə̀m, Anɔŋisəg ya kɔ̀pɔ awa tì fùghə məd. Tì ya kɔ̀pɔ yètì yeti ghò imbìghè ni bèrì ìzḛzḛ icheg məd. Ìzḛzḛ we ya nɔ̀ʼɔ ibo, məd we ne yaʼi Azwighi Ŋwiye.

Efesùs 1:12

Wì ya ghìyə̀ ane ni gha, mba mbe ne ya yaʼi bəd mbègtog ni nɔ̀ŋì ikɔndi igun Kristo tì ghumni Ŋwiye.

Efesùs 2:7

Wì ya ghì ane ni gha inga nyùmə̀ isəg we ne məd biri yeʼe, məd we tì wì chwi gha chəyi tì mbi mə̀grì ìchɔ̀mì kyen məd we ne wì ghi ina anjìm Yeso Kristo.

Efesùs 3:10

Wì ya ghì ane ni gha, amad anìŋ, anjìm ifeti bəd Kristo, izwighi ka ka mbe ne yaʼi ikaŋ fɔrɔ ìmbɔb məfɔn mbe tì mbi bàd iwe Ŋwiye ane tinɔnjì nɔʼ nɔʼ.

Fìlipì 2:11

Wə̀d ijìm fɔrɔ ighi ijìm biri bḛ ane ìwɔb ichug gha Yeso ya Anɔŋisəg. Ane, ze biri ghì gha bəd ghumnə Ŋwiye ne yaʼi Mbaʼ.

1 Pità 1:21

Mbə̰ fə chè anjìm məd bḛ Ŋwiye we ne ya zwemni aməd bə̀ nàʼ ighumni ibo. Ane, mbə̰ nɔ̀ŋì ibḛfiŋ bə̀ nɔ̀ŋì ikɔndi nì ghɔ̀m məyi igun Ŋwiye.

1 Pità 2:12

Mbə̀ bere ikuchèg chɔm inga bəd mbe ne kayi mə̀Ju. Ane, anyumə̀ ne bəd gha mbə̰ mbe ghìyə̀ inug tibɔ̀ŋ, mbi biri bàd ìwən ikuchèg chɔm, si ghùmni Ŋwiye ane aneg ze ne wì biri ywiri yeʼe.

1 Pità 4:11

Wə̀d mɔ̀ʼɔ mə̀ ya ghàmà Ìngam Ŋwiye, wì ya ghà məyi anug ze ne Ŋwiye gha ibo. Wə̀d imɔʼ imɔʼ ya fàʼà abə mə̀mbin icheg ne Ŋwiye we nàʼà ika ibo. Tì mə ghì ane, bəd biri ya ghùmnə Ŋwiye ane inug ijìm anjìm Yeso Kristo. Ighumni ijìm fɔrɔ ka ijìm yaʼ abə Ŋwiye kwàʼ ane ighə̀m imɔʼ. À ya ane.