Ɨ̀fàʼì 3:16 - Ikan feg

¹⁶ À ya ika we ne yaʼi inga ikum Yeso tì ibḛfiŋ ne tì beri igun ikum we ghù wə̀d gho̰ ne mbə̀ taŋ kyèri, icheg ne mbə̰ mbe bàrà anìŋ.

Meta’

¹⁶ À yɨ ɨbenɨ ənɨ Yeso ghɨ ni mbaŋə̀ zɔ̂ nɨ mbə̀ə zəə bə̀ kàŋ kyerɨ təm kàànɨ̀. À yɨ ɨbenɨ we nɨ tɨ̀ berɨ ənjìm ə Yeso we ghɨ̀ ni mbaŋə̀ zɔ̂ bɔtɨ i ɨfě nən mbə̀n mɨjìm.

Ɨ̀fàʼì 3:16 Σταυροειδείς Αναφορές

Matìyò 14:29

Yeso ya ghà ibo gha, “Yḛ yèʼe!” Ane, Pità ya dù inga abaŋ igyi ze ko yèn igun igyi ni ghò abɔ̀ʼ Yeso.

Matìyò 9:22

Yeso ya ghabri bàd aməd, si ghà ibo gha, “Abo, àghò nyimbi fìŋ. Ìwe ibḛfiŋ fə ghì aghɔn mèg igun ine.” Aghɔn ze ya bə̀ mèg kwàʼ ati.

Jn 14:12

Mə gha tesiʼ inən gha, “Wə̀d ne nɔŋi ibḛfiŋ igun inum, tengàŋ biri fàʼ inug mbe ne mə fàʼà. Tengàŋ biri fàʼ iyeti inug ne chè mbo̰ imbə̀ʼ icheg ne mə̀ ya anìŋ ghò abə ìmə Mbaʼ.

Jn 7:23

Mbə̰ mbe ŋwère ane məyi ni gha imbə̀ʼ mbə̰ nɔ̀ʼ gùg mə̀nɔ̀ʼɔ̀ Muse. Aton ne mbə̰ mbe se gàŋa tì inum gha mə ghù wə̀d igun aneg àzwètì, ghì nyɔd məd ijìm zen, àkə gha?

Ɨ̀fàʼì 14:9

Mbaŋà ze ya chughi aseg, bè zùghə anug ne Pɔl yaya ghà. Pɔl ya nèn aməd kwàʼ igun ife, kyèri gha wè bèrì ibḛfiŋ ne tì Yeso ghù aməd.

Ɨ̀fàʼì 16:18

Wì yaya ghìyə̀ anìŋ ane ineg nɔʼ nɔʼ. Aneg mɔ̀ʼɔ, Pɔl ya gaŋ, ghàbri ghà abə Azwighi tibɔ̀ŋ ze gha, “Mə ghà ine ane ikum Yeso Kristo, che du inga ŋwan gho̰!” Azwighi tibɔ̀ŋ ze ya chè dù kwàʼ ati.

Ɨ̀fàʼì 3:6

Pità ya si ghà ibo gha, “Chəyi mə̀ beri ikab ni nàʼ ine. Aghi ne mə̀ beri, mə biri nàʼ ine. Mə ghà ine ane ikum Yeso Kristo we a Nazarèd, nɔ̀ʼɔ, yèn!”

Ɨ̀fàʼì 3:8

Wì ya gàd təm titighe, ko se yḛ̀ nè nə̀kə ghùmnə Ŋwiye. Wì ya beni abɔ̀ʼ inɔb ghò nyi inga mbàn Ŋwiye.

Ɨ̀fàʼì 4:10

nji mbə̰ tì bəd məjìm inga Izre, mbə̀ kyeri gha, wə̀d gho̰ ne təmi inən imbìghè anìŋ, à ya ika we ne yaʼi inga ikum Yeso Kristo we a Nazarèd ghi aməd wì bɔ̀ti. Məd ya Yeso we ne mbə̀ ya kɔ̀mbi igun azed abaʼri, si ya gha, Ŋwiye ya zwemni aməd ane iwu.

Ɨ̀fàʼì 4:30

Àghò seme àze abo ghù bəd ne ghɔ̰̀ bə̀ chwi ineni ka ka bə̀ fàʼ iyeti inug inga ikum ìwi Yeso, ìwe wə̀d àfàʼì ìzḛzḛ.”

Ɨ̀fàʼì 4:7

Itog bəd mbo̰ ya ghì mbi niŋ Pità tì Jɔn ghò inɔb imbìghè. Mbi ya biri inɔb gha, “Wə̀d ne nàʼi ika inən gha mbə̀ faʼa anug azo̰ àkə we? Kə̀ mbə kə fàʼà anug azo̰ ane ikum ìwi we?”

Rm 3:22

Ŋwiye fə ghì gha bəd məjìm mbe ne nɔŋi ibḛfiŋ igun Yeso Kristo mbe təm kòʼ ibo imbìghè. Wì ghì ane imbə̀ʼ icheg ne chəyi məd we ghìyə̀ ighə igun bəd.

1 Kɔrèn 13:2

Ka mə bèrì ineʼi ni ghà ikən Ŋwiye, bə̀ kyèri inug ijìm ne yaʼi inə̀mbi, bə̀ bèrì iwe ijìm, bə̀ bèrì ibḛfiŋ ne tì mə ghàm ghì tiwum kye asiŋi ne ti yaʼi angu, àmə chəyi mə̀ kɔ̀ŋɔ̀ bəd, mo ya kwàʼ ati ako.