2 Kɔrèn 8:4 - Ikan feg

⁴ Mbɔb ya boʼ ibo ina ywìrì boʼ gha tì naʼa apan inɔb mbɔb wete bəd Ŋwiye mbe a Jùdeyà.

Meta’

⁴ Mbɨ nyaʼa buʼ ɨbɔ ɨ na ənɨ tə fîŋ rɨ̀jìm ni tɨ̀ naʼ əpan mbə̀ weerɨ bə̂d Ŋwiə̀ mbe nɨ yeʼ bə̂d kwaŋ ə Jèrusalèm.

2 Kɔrèn 8:4 Σταυροειδείς Αναφορές

Matìyò 10:42

Wə̀d ne nàʼi ka bèyi toʼ mənib abə ŋwan kwa kwa mɔ̀ʼɔ abɔ̀ʼ mbo̰ imbə̀ʼ icheg ne à ya àmə àmə̀nənùg, mə ghà tesiʼ inən gha, chəyi wì biri nim ìzi chùd.”

Matìyò 12:50

Tesiʼ ya gha, wə̀d ne fàʼà inug icheg ne ìmə Mbaʼ ne yaʼi ikaŋ àbɔ̀ŋɔ kə̀bi, tengàŋ ya ìmə ifi tì ìmə njàbi fɔrɔ ìmə ngɔb.”

Matìyò 25:40

Ifɔn we biri si ywìtì inɔb gha, ‹Mə gha tesiʼ inən gha, icheg ne mbə̀ ya ghi inug mbo̰ abə wə̀d kwa kwa mɔ̀ʼɔ abɔ̀ʼ ìmbum məfi, ane ya gha mbə̀ ya ghì yaʼ inum.›

Mk 14:7

Bəd ne chəyi àzɔb mbe abɔ̀ʼ inən aghəm ajìm. Ane, mbə̰ mbe tì mbə̰ ghì ìchɔ̀mì inɔb anyumə̀ ne mbə̀ kɔŋi. Àsi mo, chəyi mə̀ biri yaʼ tì inən aghəm ajìm.

Ɨ̀fàʼì 11:29

Mə̀mə̀nənùg ya niŋ isɔbi anug ni nàʼ àwètì abə bəd mbe ne yaya chùghə a Jùdeyà ne ya nɔŋi ìwɔb ibḛfiŋ igun Yeso Kristo. Wə̀d imɔʼ imɔʼ ya nàʼ ighi icheg ne wì ya bèri.

Ɨ̀fàʼì 16:15

Anyumə̀ ne mbi ya fə nàʼi mənib ibo fɔrɔ abə bəd məjìm mbe ne ya yaʼi ibo inga nəb, wì ya boʼ ibo ina, ghà gha, “Mbə̰ mə̀ niŋ gha mo ya wə̀d ne fə nɔŋi fìŋ igun Anɔŋisəg Yeso, mbə̀ yeʼe chùghi inum inga achan.” Wì ya ghà ane, nyi aton ina anene tì gho chùghi ibo inga achan.

Ɨ̀fàʼì 24:17

Ane tituʼ nɔʼ nɔʼ ya che, mə̀ ya ywìrì ghò a Jèrusalèm ni nàʼ ighi abə ìmbum bəd aben mbe ne chəyi àzɔb, bə̀ nàʼ ighi àfàtì abə Ŋwiye.

Rm 15:31

Mbə̀ chaʼra Ŋwiye gha wì pumnə mə chì abə bəd mbe ne yaʼi a Jùdeyà ne chəyi mbi bḛ Kristo. Mbə̀ bə chàʼra Ŋwiye gha bəd Ŋwiye mbe ne yaʼi a Jèrusalèm mbe niŋ ighi mbe ne mə̀ biri nàʼ inɔb.

1 Kɔrèn 16:1

Anug ne mə̀ kəbi ni ghàm amad anìŋ ya anug ni chɔ̀pì ikab wètì bəd Ŋwiye. Mbə̀ ghiyə anug ze ne mə̀ ya gha abə tifeti bəd Kristo te inga Gàlesìyà.

1 Kɔrèn 16:15

Ìmbum məfi fɔrɔ ìtum njàbi, mbə kyèri gha bəd mbègtog ne ya bḛ Kristo a Akìyà ya inəbi Stèfanàs. Mbə̰ bə̀ kyèri gha mbɔb ya fə zì atog ni wètì bəd Ŋwiye. Ane, mə boʼ ibo inən gha,

2 Kɔrèn 9:1

Chəyi ywìrè jiʼe aton mɔ̀ʼɔ inum ni chà àŋwàʼrì inən ni ghàm imbə̀ʼ anug ne nàʼ àwètì abə bəd Ŋwiye mbe a Jèrusalèm.

Gàlesìyà 2:10

Anug ne mbɔb ya gha ina məyi gha, tì ya kɔ̀ndɔ anug ni wètì bəd ifum. Aŋa ya anug ne mə̀ yaya bè kə̀bə̀ ni fàʼ ane ìmə fìŋ ijìm.

Gàlesìyà 6:10

Ane, tì mə bèrì apan, tì ghiyə inug chɔm abə bəd məjìm. Tè taŋ zì atog ni ghì ane yaʼi abə ìmba bəd Kristo.

1 Timotì 5:10

Bəd bèrì ni kyeri aməd ane inug chɔm məd. Wì bèrì ni yaʼ àyi ne nḛ ìmbi bɔn icheg chɔm, àyi ne nìŋə bəd ibo inga achan, bə̀ yaʼ àyi ne sò ighog abə bəd Ŋwiye. Wì bèrì ni yaʼ àyi ne wète bəd mbe ne yaʼi inga ngəʼ, bə̀ yaʼ àyi ne nàʼà ìwi nyɔd ane anug ni ghì inug chɔm ane tiku inɔnjì ijìm.

Mə̀Hibrù 6:10

Ŋwiye kayi wə̀d ne chwìye icha. Chəyi məd biri nèbì ìmbən ìfàʼì fɔrɔ àzən àkɔ̀ŋì ne mbə̰ mbe chwìye ibo, icheg ne mbə̰ mbe wètè bəd məd, bə̀ kiri che imbìghè ni ya wètè awɔb.