1 Jɔn 2:2 - Ikan feg

² Məd ya aghi àfàtì ze ne Ŋwiye che anjìm məd waʼ ìmba inug tibɔ̀ŋ. Chəyi Ŋwiye waʼi məyi ìmba inug tibɔ̀ŋ. Wì bə̀ waʼ inug tibɔ̀ŋ abə wə̀d ijìm igun isəg.

Meta’

² Məd yɨ əghɨ ə̀fà ze nɨ Ŋwìə̀ che ənjìm məd waʼ mba ɨnû rɨbɔ̀ŋ. Ka wɨ̀ bɨrɨ waʼ i àmei mba ɨnû rɨbɔ̀ŋ, wɨ̀ bɨrɨ bɨ waʼ mbɨ bə̂d mɨ̀jìm rɨŋga ɨsɨg.

1 Jɔn 2:2 Σταυροειδείς Αναφορές

Lk 14:22

Wə̀d àfàʼì we ya ywìtì gha, ‹Masà, mə fə ghì icheg ne àghò gha. Asiŋi bə̀ kiri biri yi.›

Jn 1:29

Igun aneg abɔ̀ʼ, Jɔn ya bàra Yeso ne we yèʼe ibo imbìghè. Wì ghà abə bəd gha, “Mbə̀ nḛ! Aŋa ya Ŋwan njə̀g Ŋwiye. Məd ya wə̀d we ne wàʼa inug tibɔ̀ŋ bəd.

Jn 12:32

Si ya gha, mbi fə mə nɔ̀ amə ikaŋ, mə biri ghì bəd məjìm yeʼe inum.”

Jn 4:42

Mbi ya si ghà abə àyi we gha, “Chəyi tì nɔ̀ŋì ibḛfiŋ igun məd məyi imbə̀ʼ anug ne àghò gha ina. Tì fə zug kwàʼ ane ìmba ìtɔ̀ŋi. Tì bə̀ kyèri gha wə̀d gho̰ ya kwàʼ Wə̀d we ne pùmnə bəd igun isəg.”

Mə̀Hibrù 2:17

À ya aton ne wì ya kòʼi ni yaʼ icheg məfi fɔrɔ njàbi məd ane inug ijìm, ni gha wì biri yaʼ atog wə̀d igun bəd mbàn Ŋwiye ne fàʼà abə Ŋwiye ane ìzi fìŋ ijìm, bə̀ bèrè àsɔ̀mnəfiŋ igun bəd, si nàʼ ìwi nyɔd ane aghi àfàtì ni ghì gha Ŋwiye waʼ inug tibɔ̀ŋ bəd.

1 Pità 2:24

Kristo zìye ya bèʼì ìmba inug tibɔ̀ŋ igun ìwi nyɔd anyumə̀ ne wì ya yaʼi igun azed abaʼri. Wì ya niŋ ìmba inug tibɔ̀ŋ ni ghì gha, imbə̀ʼ tì ywiri ghiyə awa inug tibɔ̀ŋ. Tì se ghìyə̀ yaʼ inug ne təmi kòʼ. Ina̰ mbe ne məd ya bèʼi fə ghì ìmbən ighɔn mèg.

1 Pità 3:18

Yeso ya fə zə̰ ngəʼ ane ighə̀m imɔʼ imbə̀ʼ inug tìbɔŋ bəd. Məd ya wə̀d ne təmi kòʼ, si ya gha, wì ya zə̰ ngəʼ atog abə bəd inug tibɔ̀ŋ məjìm. Wì ya ghì ane ni niŋ awən ghò imbìghè abə Ŋwiye. Mbi ya zweti aməd, Azwighi Ŋwiye ghì wì ywirì zwème ane iwu.

1 Jɔn 1:7

Tì mə̀ yaʼ inga ìzḛzḛ icheg ne məd bə̀ yaʼ inga ìzḛzḛ, nji tì biri yaʼ ane ifɔti mba mba, anəm Yeso Ŋwan Ŋwiye bə̀ sò ìmba inug tibɔ̀ŋ ijìm.

1 Jɔn 3:5

Mbə̰ kyèri gha Kristo ya yeʼe ni chì ìmba inug tibɔ̀ŋ. Mbə̰ bə̀ kyèri gha chəyi anug tibɔ̀ŋ mɔ̀ʼɔ yaʼi inga məd.

1 Jɔn 4:10

Aŋa ya aghi ne àkɔ̀ŋì yaʼ àzewən: Kayi mba ya bì kɔ̀ŋ Ŋwiye. À ya məd ya bi kɔ̀ŋ awa, chà ìwi Ŋwan ina gha wì yaʼ aghi àfàtì ne biri sò ìmba inug tibɔ̀ŋ.

1 Jɔn 4:14

Tè fə bàd, tì ya anìŋ bə̀ nè chètè gha, Ŋwiye ne yaʼi ìwa Mbaʼ ya chà ìwi Ŋwan gha wì yeʼe pùmni bəd igun isəg.

1 Jɔn 5:19

Tè kyèri gha mba ya bəd Ŋwiye. Tè bə̀ kyèri gha isəg ijìm ya aton Wə̀d Tibɔ̀ŋ.

Ɨnû 12:9

Mbi ya màʼ tìsɔ̀ʼ jo ze igun isəg, ne ya jo ze ne ya yaʼi te aneg, ne mbe kàrà ane Debrə̀ kə̀ Sàtàn. Mbi ya màʼ aməd tì mbè angirə̀ məd məjìm igun isəg. Jo ze ya tàmba isəg ijìm.