Tito 3:1 - U Maganda A Baheta Ni Jesu-Cristo

¹ Ipaala-ala mo tu mánnampalataya hide hina a magpasakup tu gubiyerno. Sakay magin masássunudán hide sakay pirme a handa a maggimet ti mágkaganda.

Tito 3:1 Σταυροειδείς Αναφορές

Mateo 22:21

“Kan hare a Cesar,” tábbeg de. Sakay kinagi na nide, “Ni konna hod, iyatád moy ni hare a Cesar u para ni hare a Cesar sakay tu Diyos u para tu Diyos.”

1 Corinto 15:58

Kaya ngane, mahal ko hide a kákkapatkákka, magpakatatag kam sakay dyan manghina. Magpakasipag kam tu págserbi tu Panginoon dipo tukoy moy a awan masayang u pagud moy para nikuna.

Efeso 2:10

Nilalang kitam nu Diyos, sakay tu pamamag-itan nu pákpagkaessa tam ni Cristo Jesus ay inatádden na kitam ti bigu a biyag tánni gamitán tam tu pággimet ti maganda. Dipo itod dán u date na a plano a gustu na a gimitán tam.

Filipos 1:11

Nakwa ay maputat u biyag moy tu mágkaganda a ugale a kaluub ni Jesu-Cristo, tán maparangalan sakay mapapuriyan u Diyos.

Colosas 1:10

Para ti konna hod, mabiyag kam a karapat-dapat sakay makasaya tu Panginoon: sakay makagimet kam ti mágkaganda a gimet sakay lumawak u pákkatukoy moy tu Diyos.

1 Timoteo 2:2

Ipagdasal moy be u hare hide sakay tu atanan a te katungkulan tánni magkahod kitam ti tahimik a biyag sakay mapayapa, kagalang-galang sakay maka-Diyos.

1 Timoteo 4:6

Ni itoldu mo tu kákkapatkákka hide iye hide a bilin ay mahusay ka a tagapagserbi ni Cristo Jesus. Sakay itod u patunay a natolduwan ka tu tatahoden hide tungkul tu pannampalataya sakay tu pamamag-itan nu maganda a adal a sássunudán mo.

1 Timoteo 5:10

Sakay kailangan a kilala siya dipo tu mágkaganda na a gimet. Napadakál na u anak na ti maganda a paraan, sakay masaya siya a mágpatulos tu bilay na. Nagserbiyan na u pinile hide nu Diyos, tumáttulung tu tehhod a kailangan, sakay inlaan na u biyag na tu pággimet ti maganda.

2 Timoteo 1:6

Dipo he, ay ipaala-ala ko niko a gamitan mo a lagi u inyatad niko nu Diyos a kakayanan a tumulung tu mannampalataya hide nikuna itupo ko niko u kamát ko.

2 Timoteo 2:14

Ipaalaala mo nide i bagayan hidenye, sakay pagkagiyan mo hide tu pamamag-itan nu ngahan nu Diyos. A dyan hide mákpagtábbegan tu awan hide ti kabuluhan. Awan ti meatad a maganda iye hide a gimet, nan iye u mangsida tu pánnampalataya nu tolay hide a mágsaneg.

2 Timoteo 2:21

Ni deya man u umadeyo tu gimet a madukás ay konna siya tu kagamitan a gággamitán tu mágkahalaga a ukásyon. Inlaan na u sadile na para tu Panginoon sakay nakahanda a lagi a maggimet tu atanan a mágkaganda a gimet.

Tito 1:16

Kákkagiyán de a tukoy de u Diyos, pero awan labe ketan tu gimet de. Awan hide ti pinagseserbiyan a tolay sakay masássuwayán hide, kaya awan de tukoy a maggimet ti maganda.

Tito 2:14

Inyatád na u biyag na tánni tubusán na kitam tu atanan a kadukássan tam. Sakay lininisan na kitam tánni magin kao na a tolay a magággustuwán a maggimet ti maganda.

Tito 3:14

Sakay tolduwan mo u kákkapatkákka tam hide a Kristiyano hina a ilaan de u sadile de tu pággimet ti maganda a makatulung tu ánya man a kailangan para u biyag de ay te pagserbiyan.

Tito 3:8

Tatahoden i adalan iye, kaya buo mo iye a tiyaga a itoldu tu mánnampalataya hide tu Diyos para ilaan de u sadile de tu pággimet ti maganda. I bagayan hidenye ay tunay a maganda sakay dakál a pakinabang para tu tolay.

Hebreo 13:21

u mangkaluub nakwa nikam u atanan a kailangan moy para megimet moy u kaluuben na, sakay tu pamamag-itan ni Jesu-Cristo ay gimitán na nikitam u makasaya nikuna. Puriyán ti Cristo hanggan-hanggan Amen!

2 Pedro 1:12

Kaya ngane, maskin tukoy moy dán iye hide sakay matatag kamon tu tatahoden a katoy nikam ay pirme takam padi a paalaalaan ti iye hide a bagay.

Judas 1:5

Maskin tukoy moy dán iye hide a atanan ay gusto ko la a ipaisip nikam, a maski ni inligtas nu Panginoon u lahe a Israel ti Egipto ay pinuksa na padi u atanan a awan summampalataya nikuna.