Tito 2:8 - U Maganda A Baheta Ni Jesu-Cristo

⁸ Gamitán mo u mágkalinis hide a pággupos tánni awan ti makamansa tu kákkagiyán mo. Ni konna hod ay mapasanike u kadima tam hide dipo awan hide ti makagi a madukás kontara nikitam.

Tito 2:8 Σταυροειδείς Αναφορές

Markos 12:17

Kanya kinagi ni Jesus nide, “Iyatád moy tu hare u para tu hare, sakay iyatád moy tu Diyos u para tu Diyos.” Tu pákkasaneg de tu tábbeg na ay nagtaka hide.

Markos 12:28

Tehhod be a essa a tagapagtoldu hod tu Kautusan a mágsaneg tu mákpagpasuwayan hide ni Jesus. Nasaneg na a mahusay u tábbeg ni Jesus, kanya nagtanung be siya, “Ánya beman u pinakamahalaga a utus?”

Markos 12:32

Kinagi nu tagapagtoldu tu Kautusan, “Tama ka, Maisto! Tatahoden i kinagi muwe a eessa la u Diyos awan dán ti iba.

Markos 12:34

Nikuna a masaneg ni Jesus a tama u tábbeg na hide ay kinagi na nikuna, “Adene ka dán a masakup nu pághare nu Diyos.” Sapul hod ay awan dán ti nangahas a nagtanung ni Jesus.

Lukas 13:17

Dipo ti tábbegan itod ni Jesus ay nepasanike u atanan a kumontara nikuna sakay nagsaya be u tolay hide tu makataka-taka a bagay a ginimet na.

2 Tesalonica 3:14

Ni tehhod man hina a awan sumunud ti kákkagiyan kuwáy ti sulatáy, tandaan moy siya sakay iwasan para mapasanike siya.

1 Timoteo 5:14

Kaya para nikán ay mas maganda pa ni mákkabanga hide a huway sakay magenak hide. Sakay alagaan u sadile de a pamilya tánni awan ti makagi a madukas u kumontara hide nikitam.

1 Timoteo 6:3

Ni deya man u magtoldu ti iba a adal, sakay awan nakaayun tu Upos nu Panginoon tam a ti Jesu-Cristo sakay tu adal hide a magresulta tu makidiyos a kakkabiyag,

Tito 3:14

Sakay tolduwan mo u kákkapatkákka tam hide a Kristiyano hina a ilaan de u sadile de tu pággimet ti maganda a makatulung tu ánya man a kailangan para u biyag de ay te pagserbiyan.

1 Pedro 2:12

Dapat kitam a mabiyag ti maayus tu atubang nu Hentil hide, ta maski ni bintangán dikam ti madukás, pero ketan de u mágkaganda moy a gimet ay magpure hide tu Diyos káddemát nu aldew a kássole na.

1 Pedro 2:15

Gusto nu Diyos a gimitán tam u tama tán tumahan u tolay hide a apehet ti pággisipan a mágga-upusán ti baka-bakán kontara tu upos nu Diyos.

1 Pedro 3:16

Pero magin magalang kam sakay magin mahinahun ni magpaliwanag kam. Dipo bilang tagapagserbi ni Cristo ay diyan tam pabayan a makagimet kitam ti liwat, tán u tolay hide a mangdáddusta nikitam ay mapasanike tu kákkagiyán de a kontara nikitam.