Tito 1:5 - U Maganda A Baheta Ni Jesu-Cristo

⁵ Kanya inwahak taka ti Creta ay para tapusan mo u gawain hide a awan palla natapos sakay para mangpili ka ti puno hide tu simbaan nu kada banuwan konna tu inyutus ko niko.

Tito 1:5 Σταυροειδείς Αναφορές

Gimet 11:30

Konna ngane hod u ginimet de, inpatawed de u tulung de tu pinuno de hide ti pánnampalataya tu pamamag-itan di Bernabe sakay ti Saulo.

Gimet 14:23

Tu balang simbaan nu mánnampalataya hide ay nagpile ti Bernabe sakay ti Pablo ti magin pinuno tu simbaan de. Káttapos de a nagdasal sakay nagkulasyon ay impagkatiwala de tu Panginoon a pánnaligan de.

Gimet 2:11

Sakay u agum ay gábwat ti Creta sakay ti Arabia. Pero masássaneg tam hide a magupos tu upos tam tungkul tu makataka-taka hide a ginimet nu Diyos!”

Gimet 27:12

Dipo awan maganda u págdungan ti iye a lugar ni amiyan, kaya mas ginusto pa nu kákpalan a magdiretso tu págbiyahe. Tu kagustuwan de a makademát kame ti Fenix sakay hed hod a magpalipas ti amiyan. Dipo iye a lugar ay essa a dáddungan ti Creta a maganda a lembuwan ni mapahás.

Gimet 27:13

Nikuna bumugso dán u mahina a pahás a gábwat ti abagatan ay inakala de a maare kami dán a bumiyahe. Kanya insangpa di dán u angkla sakay nagbiyahe kame a namihebi ti Creta.

Gimet 27:21

Nanalay kami dán a awan ti kákkan, kaya timmaknág ti Pablo sakay kinagi na, “Kakagumanan ko hide, ni nágsaneg kamla nakwa nikán a dyan kitamon lumakad ti Creta ay awan nakwa iye nangyare nikitam a kahirapan sakay kákkawan nu karga tam hide.

Gimet 27:7

Nalay kame a nággabeng. Immalay iye ti sangan a aldew, sakay nahirapan kame bagu kame a nakademát tu tapat nu Cinido. Sapul hod ay awan kame nakatulos tu págbiyahe dipo pasagupang nikame u páhas. Kanya naglekaw kame tu dilupot ni Creta a awan ti pahás. Nagtaleb kame tu Luuk nu Salmon.

1 Corinto 11:34

Ni tehhod nikam a magaláp, ay kuman pala tu bilay de tánni awan umabut ti hatul a kaparusaan u pamággipun-ipun moy. Tungkul be tu agum pa hide a bagay, ay saka ko dálla ayusán káddemát ko hina.

1 Corinto 14:40

Pero gimitán moy u atanan a bagay tu tama sakay maayus a paraan.

1 Corinto 4:17

Dipo he, kaya ko a pinaangay hina ti Timoteo, u pinakamamahal ko sakay tapat a anak tu Panginoon. Siya u mángpaala-ala nikam tu tama a kákkabiyag a sássunudán ko nadid a nákpagkaessaák dán ni Cristo Jesus. Ina hide u itáttoldu ko tu bawat mánnampalataya tu atanan a lugar.

Colosas 2:5

Maski ni awanák hina, ay lagi kam tu isip ko. Masayaák dipo mapayapa u kákkabiyag moy sakay matibay u pánnampalataya moy ni Cristo.

1 Timoteo 1:3

Konna tu impákpágguhon ko niko nikuna tamuwák ti Macedonia, a gusto ko a mágyan ka pala ti Efeso. Tánni paimangan u sangan a tolay a makántolduwan ti liwat.

2 Timoteo 2:2

Sakay u nasaneg mo nikán tu harap nu makpal a tistigu ay itoldu mo be tu mapagkatiwalaan hide a tolay tánni metoldu di be tu agum.

Tito 1:12

Kinagi mismo nu essa a kákkagiyán de a prupeta a taga-Creta, “U taga-Creta hide ay mágkabule, kumán a hayup u ugali de, tamad sakay mágkaunas hide.”