Roma 7:2 - U Maganda A Baheta Ni Jesu-Cristo

² Halimbawa, ayun tu batas, u essa a bábbey a tehhod a kabanga ay sakup la nu kabanga na habang biyag siya. Pero ni matay dán u kabanga na a lállake, ay malaya dán siya tu batas tungkul tu magkabanga.

Roma 7:2 Σταυροειδείς Αναφορές

Roma 7:3

Kaya ni mák-agum siya tu iba a lállake mentaras a biyag palla u kabanga na, ay nagkasala siya ti pángngalunya. Pero ni patay dán u kabanga na a lállake, malaya dán siya tu batas tungkul tu magkabanga. Sakay ni mákkabanga siya a huway, awan siya nagkasala ti pángngalunya.

Roma 7:6

Pero nadid u kapareho tam ay u patay a awan sakup nu Kautusan i Kautusanan iye ay siya u nangalipin nikitam dipo awan tam kaya a sunudán. Pero nadid ay nawan dán u pagkukulang tam tu awan tam págsunud tu Kautusan. Kaya nadid u págserbi tam tu Diyos ay bakán dán a tu date a biyag a sakup nu Kautusan ni awan tu bigu a biyag a inyatád nu Ispirito Santo.

1 Corinto 7:39

U bábbey ay tulos-tulos a mák-agum tu kabanga na mentaras biyag siya. Pero ni matay u lállake ay malaya dán siya a mákkabanga a huway maskin deya u kasohan na. Pero dapat ay tu kapareho na la be ti pánnampalataya.

1 Corinto 7:4

Dipo bakán dán a u bábbey u tehhod a karapatan tu sadile na a bággi nan u kabanga na dán; konna bi hod tu lállake, bakán dán a siya la u te karapatan tu sadile na a bággi nan u kabanga na dán.