Roma 7:13 - U Maganda A Baheta Ni Jesu-Cristo

¹³ U gusto na beman a kagiyán a u mágkaganda a bagay u nangatád nikán ti kamatayan? Awan! U kasalanan ay siya u nangatád nikán ti kamatayan. Ginamit nu kasalanan u Kautusan a essa a maganda a bagay, tánni mahatulanák ti kamatayan. Sakay dipo hod, ay natukuyan ko ni sakodya ti kadukás u kasalanan.

Roma 7:13 Σταυροειδείς Αναφορές

Mateo 28:8

Kanya nagalisto hide a hinumektat tu lábbang. Naghalo u bábbatiyan de, anteng sakay grabe a saya. Nagginan hide a immangay tu disepulus hide para ibaheta u nangyare.

Lukas 20:16

“Angay siya hod sakay bunuwan na u katiwala hide tu kaubasan sakay iyatád na tu agum u uma na.” Pákkasaneg nu tolay hide tu kinagi na ay kinagi de, “Dyan nakwan iye ipakultad nu Diyos a mangyare!”

Roma 5:20

U Kautusan ay inyatád nu Diyos tánni ketan nu tolay a makpal u kasalanan de, sakay nadag-dagen pa dipo tu Kautusan. Pero maski ni nadag-dagen u págsuway ay mas lalo a nadagdagen u habag nu Diyos.

Roma 8:3

U Kautusan ay awan makapangibut tu kapangyariyan nu kasalanan tu biyag tam dipo tu kahinaan nu makasalanan tam a pagkatolay. U Diyos u nangibut nikuna a pinaangay nahe u sadile na a anak a konna tu essa a tolay a makasalanan tánni magin alay para tu kasalanan tam. Sakay nikuna a nagin tolay siya ay tinapos nu Diyos u kapangyariyan nu kasalanan.

Galacia 3:21

Gusto bemanay ni iye a kagiyán ay kontara tu pananto hide nu Diyos u Kautusan? Awan, dipo u Kautusan sakay u pananto ay awan magkapareho ti layunin. Bakán a u págsunud tu Kautusan u dahilan para u tolay ay meturing a matuwid kaya bakán a u Kautusan u makapangatad ti biyag a awan ti kahad.