Roma 6:3 - U Maganda A Baheta Ni Jesu-Cristo

³ Awan moy beman tukoy a atanan tam ay nabawtismuwan ni Cristo Jesus, u gusto na a kagiyán ay kaguman kitam tu kákkatay na?

Roma 6:3 Σταυροειδείς Αναφορές

Mateo 28:19

Kanya angay kam sakay gimitán moy a disepulus ko u atanan a tolay tu atanan a bansa. Bawtismuwan moy hide tu ngahan nu Ama sakay nu Anak sakay tu Banal a Ispiritu.

Gimet 19:5

Nikuna masaneg de itod ay nagpabawtismo hide tu ngahan nu Panginoon a ti Jesus.

Gimet 2:38

Timmábbeg ti Pedro, “Kákkapatkákka ko hide, pagsisiyan moy dán sakay adeyuwan u kasalanan moy hide, sakay magpabawtismo kam tu ngahan ni Jesu-Cristo tánni mapatawad kam tu kasalanan moy hide, sakay pagkaluuben nakam tu Banal a Ispirito.

Gimet 8:16

dipo awan palla ti timmanggap ti iye maskin deya nide, nabawtismuwan la hide tu ngahan nu Panginoon a Jesus.

Roma 6:16

Awan moy beman tukoy a ni sakup kam ni ti deyaman bilang essa a alipin, alipin kam ngane nu sássunudán moy. Kanya ni sássunudán tam u kasalanan alipin kitam nu kasalanan sakay u risulta na ay kamatayan. Pero ni sássunudán tam u Diyos alipin kitam nu Diyos a u risulta na ay matuwid a kákkabiyag.

Roma 6:8

Sakay ni hikitam ay natay a kaguman ni Cristo, maniwala kitam a mabiyag kitam be a kaguman na.

Roma 7:1

Kákkapatkákka ko hide, tukoy ko a maintendiyan moy u batas a u essa a tolay ay sakup la nu batas mentaras biyag siya.

1 Corinto 10:2

Ni konna hod, nabawtismuwan hide a atanan tu diklám sakay tu diget tánni magin tagasunud hide ni Moises.

1 Corinto 12:13

Dipo atanan tam, maskin Judio oni ni Griego, alipin man oni malaya, ay nabawtismuwan tu eessa a Ispirito tánni magin essa a bággi. Sakay atanan tam ay nakatanggap tu eessa a Ispirito.

1 Corinto 15:29

Nadid, te kaugaliyan u agum a tolay a magpabawtismo hide alang-alang tu nágkatay hide. Pero ni awan hide maniwala a huway a biyagán u nágkatay hide, bakin dipa a gimitán i kaugaliyan diyan itod?

1 Corinto 3:16

Awan moy beman tukoy a templo kam nu Diyos dipo mágyan nikam u Ispirito na?

1 Corinto 5:6

Dyan kam magmadakál. Awan moy beman tukoy a u madukás a gimet ay kumán a u págpaalsa ti tinapay? Dipo maski ni badit la ay meahes u atanan.

1 Corinto 6:19

Awan moy beman tukoy a u bággi moy ay templo nu Banal a Ispirito a kátna nikam sakay tinanggap moy a gábwat tu Diyos? Kaya awan moy dán kao u bággi moy.

1 Corinto 6:9

Awan moy beman tukoy a awan ti kabahagi tu kahariyan nu Diyos u makasalanan hide a tolay? Dyan moy dayaán u sadile moy! U tolay a mángngibábbey sakay mángngilállake, sumássamba tu diyos-diyosan, sakay mák-agum tu kaparehas na a lállake oni kaparehas na a bábbey,

1 Corinto 9:13

Awan moy beman tukoy a u magserbi hide tu templo ay tumanggap tu makan a gábwat tu templo, sakay u mágserbi hide tu altar ay tehhod be hide a kabahagi tu alay a katoy tu altar?

1 Corinto 9:24

Tukoy moy a u kasale tu ginanan ay sabay-sabay a magginan, pero eessa la u makatanggap ti gantimpala! Kaya husayán moy a magginan tánni makatanggap kam ti gantimpala.

2 Corinto 13:5

Suriyán moy u sadile moy tánni matukuyan moy a talaga ni tehhod kam a pánnampalataya ni Cristo; purbaan moy sadile moye. Awan moy beman tukoy a katoy nikam ti Cristo Jesus? Maliban dálla ni awan kam tunay a mánnampalataya.

Galacia 3:27

U ugale ni Cristo u nesulot nikam a kumán a damit nikuna a mabawtismuwan kam nikuna.

Santiagu 4:4

Hikam a awan tapat tu Diyos! Awan moy beman tukoy a ni pahalagaan tam u bagay hide ti munduway ay kadima tam u Diyos? Kanya u ti deyaman a sumunud tu madukás a gimet nu tolay ti munduway ay kadima nu Diyos.

1 Pedro 3:21

I dinuman itod a lonso ay sa itod u mage letrato nu págbautismo a mángligtas nikam. Tu pamamag-itan nu kákkabiyag a huway ni Jesu-Cristo. U págbawtismo a iye ay bakán a para linisán u dangát nu bággi tam nan iye ay tanda a nagsise kitamon tu kasalanan tam hide. Dipo ti iye ay maare kitamon a iligtas nu Diyos dipo ti Cristo ay huway a nabiyag.