Roma 6:16 - U Maganda A Baheta Ni Jesu-Cristo

¹⁶ Awan moy beman tukoy a ni sakup kam ni ti deyaman bilang essa a alipin, alipin kam ngane nu sássunudán moy. Kanya ni sássunudán tam u kasalanan alipin kitam nu kasalanan sakay u risulta na ay kamatayan. Pero ni sássunudán tam u Diyos alipin kitam nu Diyos a u risulta na ay matuwid a kákkabiyag.

Roma 6:16 Σταυροειδείς Αναφορές

Mateo 20:4

Kinagi na nide, ‘Angay kam magtrabaho tu ubasan ko. Atádden takam ti tama a upa.’ Kanya immangay hide.

Mateo 6:24

Sakay kinagi pa ni Jesus “Awan ti makapagserbi ti duwwa a amo dipo kaiyamután na u essa sakay mahalán na u essa oni mas magin matapat siya tu essa nan tu essa. Awan moy maare a sabayán a pagserbiyan u Diyos sakay u kayamanan.

Juan 8:34

Timmábbeg ti Jesus, “Kagiyán ko nikam u tatahoden, alipin nu kasalanan u atanan a nagkasala.

Roma 11:2

Awan inadiyan nu Diyos u tolay hide a sapul pa tu sapul ay pinile na dán. Awan moy beman tukoy u kinagi na tu Kasulatan tungkul ni Propeta Elias? Dinumaing siya tu Diyos dipo tu gággimitán nu Israelita hide.

Roma 12:1

Kanya ngane kákkapatkaka ko hide, kinagbiyan kam nu Diyos kaya mákpágguhunák nikam. Nadid a biyag kam palla, iparehu moy u biyag moy tu essa a alay a awan ti kapintasan a iyatád moy tu Diyos para págserbi nikuna mentaras biyag kam. Iye u makapangpasaya nikuna. Sakay iye u tatahoden a págsamba moy nikuna.

Roma 6:17

Pero salamat tu Diyos dipo hikam a date a alipin nu kasalanan ay buo a puso moy dán a sinunud u adal a intoldu nikam.

1 Corinto 3:16

Awan moy beman tukoy a templo kam nu Diyos dipo mágyan nikam u Ispirito na?

1 Corinto 5:6

Dyan kam magmadakál. Awan moy beman tukoy a u madukás a gimet ay kumán a u págpaalsa ti tinapay? Dipo maski ni badit la ay meahes u atanan.

1 Corinto 6:2

Awan moy beman tukoy a u pinile hide nu Diyos u mághatul ti munduway? Ni hikam u maghatul ti munduway, awan moy beman kaya a hatulan u konna hina ti kabadit a bagay?

1 Corinto 6:3

Awan moy beman tukoy a hikitam u manghatul tu anghel hide? Kaya ni ánya u awan moy pamágkaintendiyan nadid dapat ayusán moy dipo badit la ina a bagay.

1 Corinto 6:9

Awan moy beman tukoy a awan ti kabahagi tu kahariyan nu Diyos u makasalanan hide a tolay? Dyan moy dayaán u sadile moy! U tolay a mángngibábbey sakay mángngilállake, sumássamba tu diyos-diyosan, sakay mák-agum tu kaparehas na a lállake oni kaparehas na a bábbey,

1 Corinto 9:13

Awan moy beman tukoy a u magserbi hide tu templo ay tumanggap tu makan a gábwat tu templo, sakay u mágserbi hide tu altar ay tehhod be hide a kabahagi tu alay a katoy tu altar?

1 Corinto 9:24

Tukoy moy a u kasale tu ginanan ay sabay-sabay a magginan, pero eessa la u makatanggap ti gantimpala! Kaya husayán moy a magginan tánni makatanggap kam ti gantimpala.

2 Pedro 2:19

Ipáppananto de u kalayaan tu tolay hide a maakit de, pero mismo hide ay alipin nu kasalanan a mángpahamak nide. Dipo u tolay ay alipin nu ányaman a bagay a mangpugád nikuna.