Roma 5:9 - U Maganda A Baheta Ni Jesu-Cristo

⁹ Sakay nadid ay nebilang kitamon a awan ti kasalanan tu pamamag-itan nu dige ni Cristo, kanya siguradu dán u kaligtasan tam tu parusa nu Diyos dipo ni Cristo.

Roma 5:9 Σταυροειδείς Αναφορές

Juan 5:24

“Tatahoden u kagiyán ko nikam,” kinagi pa ni Jesus, “U mágsaneg tu upos ko sakay manalig tu nangpaangay he nikán ay tehhod a biyag a awan ti kahád. Awan dán siya mahatulan nan neagton dán siya gabwat tu kamatayan patamo tu biyag a awan ti kahád.

Roma 1:18

Pero impeta nu Diyos u iyamut na a gábwat ti langet, tu atanan a tolay a awan maka Diyos sakay mággimet ti kadukássan. Dipo hadlangan de tu mágkadukás de a gimet u tatahoden a gusto nu Diyos a matukuyan de.

Roma 5:1

Kanya nadid ay imbilang kitamon nu Diyos a awan ti kasalanan dipo tu pánnampalataya tam tu Panginoon tam a ti Jesu-Cristo, kanya tehhod kitamon a maganda a rilasyon tu atubang nu Diyos.

Roma 5:10

Tu itod ay kadima kitam nu Diyos, pero nadid ay tinanggap na kitamon a kaibigan na tu pamamag-itan nu kákkatay nu Anak na. Kanya nadid a tehhod kitamon a maganda a relasyon tu Diyos siguradu dán a iligtas na kitam tu pamamag-itan nu biyag ni Cristo.

Roma 8:1

Kanya nadid, ay awan dán mahatulan ti kaparusaan u katoy ni Cristo Jesus.

Roma 8:30

Kanya u tolay hide a pinile nu Diyos tu itod pa ay dinulaw na tánni magin anak na hide, sakay u dinulaw na hide ay imbilang na hide a matuwid, sakay u imbilang na hide a matuwid ay inatádden na ti karangalan.

Efeso 2:13

Pero nadid, dipo tu pákpágkaessa moy ni Cristo Jesus, hikam a date a adeyo ay neadeni dán tu pamamag-itan nu dige ni Cristo a nagbulos nikuna a matay siya tu kudus.

Efeso 2:3

Tu itod, ay kaguman kitam bi he, nabiyag kitam ayun tu kagustuwan nu pilas sakay sinunud u madukás a hilig nu bággi sakay isip tam. Kaya dipo hod ay kaguman kitam be tu nerarapat hide a parusaan nu Diyos.

1 Tesalonica 1:10

Kinagi di pa a áuhayán moy dán u kássole ni Jesus a Anak nu Diyos a gábwat ti langet a biniyag nu Diyos a huway. Ti Jesu-Cristo u mángligtas nikitam tu pádemát a iyamut nu Diyos.

Hebreo 9:14

Pero mas dakál u magimet nu dige ni Cristo! Tu pamamag-itan nu awan ti katapusan a Ispirito ay inyalay na tu Diyos u sadile na bilang alay a awan ti kapintasan. U digi na u manglinis tu puso ay tu isip tam tán adággen tamon u gimet hide a awan ti kabuluhan sakay pagserbiyan tam u Diyos a biyag.

Hebreo 9:22

Ayun tu Kautusan, halus atanan a kagamitan tu págsamba tu tolda ay mebilang a malinis tu pamamag-itan nu dige. Sakay awan mapatawad u kasalanan ni awan ti mebuhos a dige bilang alay tu Diyos.

1 Juan 1:7

Pero ni mabiyag kitam ayun tu demlag a konna tu Diyos a katoy tu demlag ay tehod kitam a pákpagkaessa tu balang essa. Sakay u digi ni Jesus a Anak nu Diyos u nanglinis tu atanan a kasalanan tam.