Roma 5:3 - U Maganda A Baheta Ni Jesu-Cristo

³ Sakay masaya kitam maske ni maranasan tam u hirap hide, dipo matuto kitam a magtiis.

Roma 5:3 Σταυροειδείς Αναφορές

Lukas 21:19

Tu pagtiis moy ay magkahod kam ti biyag a awan ti kahád.

Gimet 5:41

Tunay ti saya a limmakad u apostol hide tu atubang nu Sanedrin dipo pinagustuwan nu Diyos a magdanas hide ti págseste alang-alang ni Jesus.

Roma 5:11

Sakay bakán la sa ina, masaya kitam tu rilasyon tam tu Diyos, dipo tu ginimet nu Panginoon tam a ti Jesu-Cristo. Dipo nikuna ay tinanggap kitam nu Diyos a kaibigan na.

Roma 8:23

Sakay bakán la a hide! Maski hikitam a timmanggap tu Banal a Ispirito bilang dipalongo a kaluub nu Diyos ay mágdadaingán be mentaras a maguhay kitam a matubus u bággi tam sakay ihayag nu Diyos a anak na kitam.

Roma 9:10

Sakay bakán la sa itod. Tu pamamag-itan nu duwwa a anak ni Rebeca sakay tu ninuno tam a ti Isaac, impeta be nu Diyos a bakán a atanan a gábwat ni Abraham ay inturing a anak na hide.

2 Corinto 4:17

Dipo u pághirap a nadanas me nadid, ay pangsandaliyan la sakay awan masiyadu a madágge. Dipo tukoy me a tehhod a inhanda a dakál a gantimpala u Diyos para nikame. Iye ay manatile a magpakahanggan sakay awan mapantayan.

2 Corinto 8:19

Sakay bakán la a ina! Siya u pinile nu mánnampalataya hide a makaguman me tu págbiyahe tánni matulungan di kame tu pángngasiwa a págtugán tu iambag moy ti Judea. U konna he a págserbi ay para tu kadakilaan nu Panginoon, sakay para mepeta me u kagustuwan me a makatulung.

Efeso 3:13

Kanya dyan kam nakwa manghina dipo tu nabaheta moy a pághirap ko he para nikam. Iye a pághirap ay para tu kapiyaan moy.

Filipos 1:29

Dipo ingkaluub nu Diyos nikam a sumampalataya ni Cristo pero bakán la a ina nan magtiis be ti hirap para nikuna.

Santiagu 1:12

Pinagpala u tolay a manatile a matatag tu pánnampalataya na tu pagsubuk hide sakay kahirapan, dipo ni malampasan de itod ay magkahod hide ti biyag a awan ti kahád a impananto nu Diyos tu atanan a magmahal nikuna.

1 Pedro 3:14

Pero ni pahirapan dikam padi maski ni maggimet kam ti tama ay pinagpala kam pade nu Diyos. Diyan kam manteng maski ni deya sakay diyan kam la mabalisa.