Roma 5:2 - U Maganda A Baheta Ni Jesu-Cristo

² Tu pamamag-itan ni Jesus sakay dipo tu pánnampalataya tam ay mabati tamon u habag na sakay masaya kitamon dipo tu pag-asa tam a makahate kitam tu kadakilaan nu Diyos.

Roma 5:2 Σταυροειδείς Αναφορές

Mateo 25:21

Kinagi nikuna nu amo na, ‘Malalaki! Tapat sakay mabait a utusan! Dipo nagin matapat ka tu badit a halaga, mamahala ka tu dakal a halaga. Sumáddáp ka sakay mákpagkasayaan ka nikán!’

Juan 10:7

Kanya nagupos a huway ti Jesus nide, “Kagiyan ko nikam u tatahoden, hikán u pintuwan a lállakadán nu tupa hide.

Juan 10:9

Hikán u pintuwan. U deyaman a sumáddáp tu pamamag-itan ko ay maligtas. Magin kapareho siya nu tupa a malaya a makasáddáp sakay makaluwas tu kulungan, sakay atádden ko siya ti makan na.

Juan 14:6

Timmábbeg ti Jesus nikuna, “Hikán u dilan, u tatahoden, sakay u biyag. Awan ti makaangay tu Ama ni awan tu pamamag-itan ko.

Juan 5:24

“Tatahoden u kagiyán ko nikam,” kinagi pa ni Jesus, “U mágsaneg tu upos ko sakay manalig tu nangpaangay he nikán ay tehhod a biyag a awan ti kahád. Awan dán siya mahatulan nan neagton dán siya gabwat tu kamatayan patamo tu biyag a awan ti kahád.

Gimet 14:27

Sakay káddemát de ti Antioquia ay tinipun de u atanan a mánnampalataya sakay imbaheta de u atanan a ginimet nu Diyos tu pamamag-itan de; sakay ni kodya a inatádden nu Diyos u Hentil hide ti pagkakataun a sumampalataya.

Roma 11:20

Tatahoden ina. Kináttol hide dipo awan hide sumampalataya ni Cristo, sakay hikam ay inkabit dipo nanampalataya kam nikuna. Kanya dyan kam magmadakál, nan magkahod kam ti ánteng.

Roma 12:12

Sakay dipo te pag-asa kam tu biyag magsaya kam. Pagtiisan moy u hirap hide sakay palagi a manalangin.

Roma 14:4

Ti deya ka a manghatul tu utusan nu iba? U amo na la u makapanghatul nikuna ni tama u gággimitán na oni awan. Sakay magimet na u tama, dipo u Panginoon u mangtulung nikuna.

Roma 15:13

Nakwa u Diyos a mangatád nikitam ti pag-asa ay siya u mangatád nikam ti kasayaan sakay kapayapaan dipo tu pánnampalataya moy nikuna, tánni tulos-tulos a lumagu u pag-asa moy tu pamamag-itan nu Banal a Ispirito.

Roma 2:7

Atádden na ti biyag a awan ti kahád u tolay hide a magsumikap a maggimet ti maganda, a u gusto de ay maalap u karangalan, papure a gábwat tu Diyos sakay biyag a awan ti kamatayan.

Roma 3:23

Dipo u atanan ay nagkasala sakay awan hide nagin karapat-dapat tu pangileng nu Diyos.

Roma 5:5

Sakay awan kitam mabigu-bigu tu pag-asa tam dipo impabate na nikitam u págmahal na tu pamamag-itan nu Ispirito Santo a inyatád nikitam nu Diyos.

Roma 8:1

Kanya nadid, ay awan dán mahatulan ti kaparusaan u katoy ni Cristo Jesus.

Roma 8:24

Ligtas kitamon sakay maguhay kitam dálla a makompleto i kaligtasanan iye. Umasa kitam dipo awan palla u asaan tam. Deya beman u umasa tu katoy dán hina a asaan na?

1 Corinto 15:1

Nadid, gusto ko a ipaalaala nikam, kákkapatkákka ko hide, u Maganda a Baheta a impangaral ko nikam. Ina u upos nu Diyos a tinanggap moy, sakay nagin pundasyon nu pánnampalataya moy.

2 Corinto 3:18

Sakay nadid ay nawan dán u tapoh tu isip tam, sakay netan dán nikitam u kapangyariyan nu Panginoon. I kapangyariyanan iye ay gábwat tu Panginoon a Banal a Ispirito. Siya u utay-utay a mangbagu nikitam, hanggan magin kapareho na kitam.

2 Corinto 4:17

Dipo u pághirap a nadanas me nadid, ay pangsandaliyan la sakay awan masiyadu a madágge. Dipo tukoy me a tehhod a inhanda a dakál a gantimpala u Diyos para nikame. Iye ay manatile a magpakahanggan sakay awan mapantayan.

Efeso 2:18

Dipo ni Cristo ay pari-pareho kitamon a makaadene tu Ama tu pamamag-itan nu mággeessa a Banal a Ispirito.

Efeso 3:12

Dipo tu pákpagkaessa sakay pánnampalataya tam ni Cristo Jesus, ay malaya kitamon a makaadene tu Diyos a awan ti ánteng oni págduwwa-duwwa.

Efeso 6:13

Kanya isulot moy u atanan a armas a inyatád nu Diyos nikam. Tánni tu aldew a dumemát u kadukássan ay magimet moy a mákpaglaban. Sakay káttapos nu pákpaglaban moy ay matatag kam padi tu pánnampalataya moy.

2 Tesalonica 2:16

Paha-pahaán kam nakwa nu Panginoon tam a ti Jesu-Cristo sakay u Diyos tam a Ama a magmahal nikitam. Sakay tu pamamag-itan nu kagbi na, ay inatadden na kitam ti awan magbabagu a begsák ni isip sakay matibay a pag-asa.

Hebreo 3:6

Pero ti Cristo ay matapat bilang Anak a namahala tu pinili hide nu Diyos. Sakay hikitam u pamilya na hide ni tulos-tulos kitam a magin tapat tu pag-asa tam nikuna.

Hebreo 6:18

Awan magbabagu oni magbule-bule u Diyos ti duwwaan iye a bagay: U pananto na sakay u sinumpaan na. Kanya hikitam a nagpasakup tu Diyos ay matibay u isip tam a umasa tu inpananto na.

1 Pedro 3:18

Dipo ti Cristo ay natay a pumensan para tu atanan. Siya ay awan ti kasalanan pero natay siya para nikitam a atanan a makasalanan tánni iyadene nakitam tu Diyos. Natay u bággi na, pero u Ispirito na ay biyag.

Pahayag 21:11

Magdemlag iye dipo tu kaluwalhatiyan nu Diyos; magkilápkiláp a konna tu alahas a haspe sakay malekmang a konna tu bubug.

Pahayag 21:23

Awan dán kailangan u aldew oni u bulan para mangdemlag tu banuwan, dipo u kaluwalhatiyan nu Diyos u mangdemlag hod, sakay u Tupa u simbuwan.

Pahayag 21:3

Sakay nasaneg ko u mabegsák a boses a gábwat tu trono, kinagi na, “Ilingán moy kapisan dán nu Diyos u katolayan tu páppágyanan na! Mákpágyan dán siya nide sakay magin banuwan na dán hide. Sakay pirme di dán a kakaguman u Diyos sakay siya dán u eessa a Diyos de.

Pahayag 3:21

U magtagumpay ay paetnudán ko a kasadát nu trono ko. Konna nikán a nagtagumpay, kaya nadid ay mággetnudák tu sadát nama ko tu trono na.