Roma 4:3 - U Maganda A Baheta Ni Jesu-Cristo

³ dipo kinagi na tu Kautusan, “Nanampalataya ti Abraham tu Diyos, sakay dipo hod ay inbilang siya nu Diyos a matuwid.”

Roma 4:3 Σταυροειδείς Αναφορές

Mateo 20:9

U nagsapul hide tu alas singko ti apon ay nakaalap ti upa a halaga nu nagtarabaho ti essa aldew.

Markos 12:10

Awan moy pad beman la nabasa u kinagi na tu Kasulatan? ‘U bito a inumádden nu mágbilay hide, ay siya bál u bito a pinakapundasyon.

Roma 10:11

Dipo kinagi na tu Kasulatan, “Ni deyaman u sumampalataya nikuna ay awan mepasanike.”

Roma 11:2

Awan inadiyan nu Diyos u tolay hide a sapul pa tu sapul ay pinile na dán. Awan moy beman tukoy u kinagi na tu Kasulatan tungkul ni Propeta Elias? Dinumaing siya tu Diyos dipo tu gággimitán nu Israelita hide.

Roma 4:11

Tinure siya bilang tanda a ibilang dán siya a matuwid dipo tu pánnampalataya na. Kanya ti Abraham ay imbilang a ama nu atanan a manampalataya a awan nature. Sakay dipo ngane tu pánnampalataya de, ay imbilang hide nu Diyos a matuwid.

Roma 4:5

Pero inturing kitam nu Diyos a matuwid bakán a tu mágkaganda tam a gimet nan tu pánnampalataya tam tu Diyos a siya u nángturing tu makasalanan a matuwid hide.

Roma 4:9

I kinagiyan iye hide ni hare a David ay bakán la a para tu Judio hide, nan pate labe tu bakán hide a Judio. Tukoy moy iye dipo binanggit mi dán, “Imbilang nu Diyos a matuwid ti Abraham dipo tu pánnampalataya na.”

Roma 9:17

Dipo ayun tu Kasulatan, kinagi nu Diyos ni Faraon a hare ti Egipto, “Indátton taka a hare tánni tu pamamag-itan nu gimitán ko a kontara niko ay mepeta u kapangyariyan ko sakay makilala u ngahan ko ti munduway.”

Santiagu 2:23

Kanya natupad dán u sumássulat a, “Summampalataya ti Abraham tu Diyos, sakay imbilang siya nu Diyos a matuwid dipo tu pánnampalataya na.” Kanya dinulaw siya a amigu nu Diyos.

Santiagu 4:5

Dyan moy isipán a awan ti seserbi u kinagi tu Kasulatan a, “Umád nu Banal a Ispirito a pinágyan nikitam nu Diyos a te kaagew tu págmahal tam.”