Roma 2:2 - U Maganda A Baheta Ni Jesu-Cristo

² Tukoy tam a makatarungan u hatul nu Diyos tu tolay hide a maggimet ti madukás.

Roma 2:2 Σταυροειδείς Αναφορές

Gimet 17:31

Dipo intakda na dán u aldew nu paghatul ti munduway sakay gimitán na iye a tehhod a katarungan tu pamamag-itan nu essa a tolay a pinile na. Pinatunayan na itod nikuna biyagán na a huway i tolayan itod!”

Roma 2:1

Nadid, makay ni kagiyán mo a dapat la a mahatulan i iye a tolay dipo tu kadukássan na. Pero maski hiko a maghatul ay awan ti medahilan. Dipo tu pághatul mo tu iba ay hinatulan mo dán be u sadile mo. Dipo gággimitán mo labe u konna hod a bagay.

Roma 2:3

Pero ti deya ka a humatul tu iba ni mismo a hiko ay maggimet ti konna hod? Tu palagay mo, makaiwas ka beman tu hatul nu Diyos ni hatulan mo u agum a mággagimitán ti madukás a gággimitán mo labe?

Roma 2:5

Dipo tu kaigáttan ni ulo moye sakay awan págsise ay padággiyán mula u parusa nu Diyos niko, tu aldew a pángpeta nu Diyos tu iyamut na sakay makatarungan a pághatul na.

Roma 9:14

Ni konna hod makagi tam beman a awan makatarungan u Diyos? Awan!

Pahayag 16:5

Sakay nasaneg ko a kinagi nu anghel a nakabahala tu dinom hide: “Hiko u Diyos a makatarungan a maghatul. Hiko u banal; hiko u awan ti sapul sakay awan ti kahad! Matuwid i ginimet muwe a pághatul tu tolay hide.

Pahayag 19:2

Dipo makatarungan sakay tama u pághatul na! Hinatulan na u raina a tanyag ti kalaswaan a nángpadukás ti munduway. Pinarusaan siya nu Diyos dipo tu pángbuno na tu tagapagserbi hide nu Panginoon!”