Roma 11:2 - U Maganda A Baheta Ni Jesu-Cristo

² Awan inadiyan nu Diyos u tolay hide a sapul pa tu sapul ay pinile na dán. Awan moy beman tukoy u kinagi na tu Kasulatan tungkul ni Propeta Elias? Dinumaing siya tu Diyos dipo tu gággimitán nu Israelita hide.

Roma 11:2 Σταυροειδείς Αναφορές

Markos 12:26

Tungkul be tu kákkabiyag a huway, awan moy pad beman la nabasa u insulat ni Moises? Nikuna a hod siya tu maggangat a kayo, kinagi nikuna nu Diyos, ‘Hikán u Diyos ni Abraham, U Diyos ni Isaac sakay u Diyos ni Jacob!’

Lukas 4:1

Nadid, lummakad dán ti Jesus ti Jordan, putat siya tu kapangyariyan nu Banal a Ispirito. Iye i nánggiyaay nikuna tu parang.

Juan 4:11

Kinagi nu bábbey nikuna, “Panginoon, madisalad i bal-ungáy sakay awan ka ti pangsalduk. Hádya ka a mangalap ti dinom a makapangatád ti biyag?

Gimet 13:48

Nikuna nasaneg iye nu hentil hide ay tunay u saya de sakay nagpure hide tu Panginoon dipo tu upos na. Sakay atanan a pinile nu Panginoon a magkahod ti biyag a awan ti kahád ay summampalataya.

Gimet 15:18

Iye u kinagi nu Panginoon a nángpakapospos ti bagayan hidenye sapul pa tu itod.’”

Gimet 3:17

Kanya nadid kákkapatkákka ko hide, tukoy ko a nagimet moy sakay tu pinuno moy hide i bagayan itod hide ni Jesus dipo awan moy tukoy ni tideya siya.

Gimet 7:40

Sakay kinagi de ni Aaron, ‘Panggimet mo kame ti diyos a mángdipalongo nikame, dipo awan me tukoy ni nangánya dán i Moises san itod a nángluwas nikame ti Egipto.’

Roma 6:16

Awan moy beman tukoy a ni sakup kam ni ti deyaman bilang essa a alipin, alipin kam ngane nu sássunudán moy. Kanya ni sássunudán tam u kasalanan alipin kitam nu kasalanan sakay u risulta na ay kamatayan. Pero ni sássunudán tam u Diyos alipin kitam nu Diyos a u risulta na ay matuwid a kákkabiyag.

Roma 9:23

Ginimet na iye tánni ipeta na u awan ti kapareho a kadakilaan na tu tolay hide a kinahabagen na, a tu itod pa ay inhanda na dán para parangalan na.

Roma 9:6

Awan na gusto a kagiyán a awan natupad u pananto nu Diyos, dipo awan hide simmapalataya, dipo awan atanan a gábwat ti Israel ay kaguman tu banuwan a pinile na.

1 Corinto 6:2

Awan moy beman tukoy a u pinile hide nu Diyos u mághatul ti munduway? Ni hikam u maghatul ti munduway, awan moy beman kaya a hatulan u konna hina ti kabadit a bagay?

1 Corinto 8:3

Pero u mangmahal tu Diyos u kilalaán na a kao na.

Filipos 1:22

Pero ni magtulos-tulusák padi a mabiyag, ay maganda bi iye dipo makagimiták palla ti mágkaganda a bagay. Awan ko tukoy ni hádya i piliyán kuwáy.

Hebreo 1:1

Tu itod a panahun ay nákpágguhon u Diyos tu ninuno tam hide tu iba-iba a pagkakataun sakay iba-iba a paraan tu pamamag-itan nu prupeta hide.

1 Pedro 1:2

Pinile kamon nu Diyos a Ama sapul pa tu sapul dipo itod u kagustuwan na. Sakay u Banal a Ispirito u nangpabanal nikam. Kanya magpasakup kamon ni Jesu-Cristo, tánni malinisan kam tu kasalanan moy tu pamamag-itan nu kákkatay na tu kudus. Magkahod kam nakwa ti págpapala sakay kapayapaan.