Roma 11:11 - U Maganda A Baheta Ni Jesu-Cristo

¹¹ Nesángdul u Judio hide dipo awan hide simmampalataya ni Cristo. U gusto na beman a kagiyán ay tulos dán a mepahamak u Israel? Awan! Pero dipo tu kássuway de ay nagkahod ti pagkakataun u Hentil hide a maligtas. Sakay dipo hod ay sinumene u Judio hide sakay gustuwán di be i kaligtasanan iye.

Roma 11:11 Σταυροειδείς Αναφορές

Lukas 20:16

“Angay siya hod sakay bunuwan na u katiwala hide tu kaubasan sakay iyatád na tu agum u uma na.” Pákkasaneg nu tolay hide tu kinagi na ay kinagi de, “Dyan nakwan iye ipakultad nu Diyos a mangyare!”

Gimet 13:42

Nikuna paluwas dán di Pablo sakay ti Bernabe tu sinagoga, nákkekagbi u tolay hide a mangaral hide a huway tungkul ti iye hide a bagay tu sumunud a Aldew nu Káimang.

Gimet 18:6

Nikuna kinontara de siya sakay ininsulto ay impagpag na u alikabuk tu badu na, bilang babala nide. Kinagi na, “Kasalanan moy dán ina ni mepahamak kam! Awanák dán ti pananagutan nikam! Sapul nadid ay hedák dán mangaral tu Hentil hide.”

Roma 10:19

Iye pa u essa ko a tanung: awan beman nakaintendi u bansa a Israel? Tu itod pa ay tinábbeg dán iye ni Moises: “Paseniyán takam tu bakán hide a Israelita. Paiyamután takam dipo ipeta ko u kagbi ko tu tolay hide a awan makatengge nikán.”

Roma 11:1

U tanung ko nadid ay: Inadiyan beman nu Diyos u pinile na hide a tolay? Awan! hikán ay Israelita a mismo, gábwat tu lahe ni Abraham sakay kabilang tu lahe ni Benjamin.

Roma 11:12

Nadid, ni u kássuway nu Judio hide sakay u awan de págtagumpay a matanggap u kaligtasan ay nakapangatád ti págpapala tu Hentil hide a tu buo a mundu, sakodya pa wád a kadakál u págpapala a meatád ni makompleto dán u buo a bilang nu Judio hide a manampalataya ni Cristo?

Roma 11:14

Tu pamamag-itan ni iye ay baka sakale la a mapasene ko u kapareho ko hide a Judio tánni sumampalataya u sangan nide sakay maligtas.

Roma 11:31

Konna labe hod, kagbiyan na u Judio hide maski hide ay masássuwayán, konna tu ginimet na nikam.