Roma 1:8 - U Maganda A Baheta Ni Jesu-Cristo

⁸ Dipalongo tu atanan ay magpasalamaták tu Diyos tu pamamagitan ni Jesu-Cristo dipo nikam a atanan, dipo mabábbaheta dán u pánnampalataya moy tu buo a mundu.

Roma 1:8 Σταυροειδείς Αναφορές

Mateo 24:14

Sakay mepaliwanag ti buo a mundo u Maganda a Baheta a tungkol tu pághari nu Diyos para iye ay matukoyan nu atanan a bansa. Sakay káttapos ay dumemát u katapusan.”

Lukas 2:1

Nadid, ti panahunan itod ay nagutus ti Agusto a Emperador ti Roma a dapat a magparihistro u atanan a tolay a nasakupan na.

Gimet 11:28

Timmaknág u essa nide, u ngahan na ay ti Agabo. Tu pamamag-itan nu Banal a Ispirito ay nagpahayag siya a te dumemát a matindi a sák-aláp ti munduwáy. (Nangyare iye tu kapanahunan ni Emperador a Claudio.)

Gimet 28:22

Pero gusto mi be a masaneg ni ánya makagi muway, dipo tukoy me a maski ni hádya a lugar ay ipáppadukás nu tolay hide i pánniwala muwe.”

Roma 10:18

Pero u tanung ko, awan palla beman nakasaneg u Israelita hide? Nakasaneg ngane hide! Dipo, te nesulat a konna he, “nasaneg tu atanan a suluk ni munduway u boses de sakay u atanan a kinagi de ay nasaneg tu buo a mundu.”

Roma 16:19

Nabaheta dán nu atanan u katapatan tu kássunud moy tu Panginoon, sakay masayaák dipo hina. Pero u gusto ko ay magin malalake kam tu bagay hide a maganda sakay awan ti tukoy tu bagay hide a madukás.

Roma 6:17

Pero salamat tu Diyos dipo hikam a date a alipin nu kasalanan ay buo a puso moy dán a sinunud u adal a intoldu nikam.

1 Corinto 1:4

Pirmiyák a magpasalamat tu Diyos dipo tu págpapala a inyatád na nikam tu pamamag-itan ni Cristo Jesus.

2 Corinto 2:14

Pero magpasalamaták tu Diyos dipo siya u mángdipalongo tu págserbi me ni Cristo kaya lagi kame a magtagumpay. Hádya kami man a umangay ay gamitán kame nu Diyos para ipakilala ti Cristo tu tolay hide iye ay mehalimbawa tu kákkalat nu masáppot a ahob.

Efeso 1:15

Kanya sapul nikuna mabaheta ko u pánnampalataya moy tu Panginoon tam a ti Jesus sakay tu págmahal moy tu atanan a sakup hide nu Diyos,

Efeso 1:16

ay awanák ti imang a mágpapasalamatán tu Diyos dipo nikam. Sakay palagi takam la a idáddasal.

Efeso 3:21

Papuriyan tam siya magpakahanggan, atanan tam a mánnampalataya a konna tu págparangal nikuna ni Cristo Jesus! Amen.

Efeso 5:20

Bilang mánnampalataya tu Panginoon tam ati Jesu-Cristo lagi kam a magpasalamat tu Diyos Ama maski ánya man u mangyare nikam.

Filipos 1:11

Nakwa ay maputat u biyag moy tu mágkaganda a ugale a kaluub ni Jesu-Cristo, tán maparangalan sakay mapapuriyan u Diyos.

Filipos 1:3

Pirmiyák a magpasalamat tu Diyos ko kada maisip takam.

Colosas 1:3

Pirme kame a magpasalamat tu Diyos a Ama nu Panginoon tam a ti Jesu-Cristo, kada ipagdasal mikam,

1 Tesalonica 1:2

Pirme kame a magpasalamat tu Diyos dipo nikam a atanan sakay pirmi mikam a ipagdasal,

1 Tesalonica 2:13

Kaya ngane, pirme kame a magpasalamat tu Diyos, dipo nikuna a ipakapospos me nikam u Upos na, ay tinanggap moy iye dipo naintendiyan moy a tatahoden iye a Upos nu Diyos, bakan a upos nu tolay. Kaya ngane u kapangyariyan nu Upos na ay ketan tu maayus moy a kákkabiyag a mánnampalataya hide.

2 Tesalonica 1:3

Kákkapatkákka me hide, lagi kame a magpasalamat tu Diyos dipo nikam. Dapat mila iye a gimitán, dipo tulos-tulos la u kállagu nu pánnampalataya moy ni Cristo, sakay mas pa u págmahal moy tu balang essa.

2 Timoteo 1:3

Magpasalamaták tu Diyos a pagserbiyan ko ti tapat, konna tu ginimet nu nuno ko hide. Awan taka kalimunan a ipagdasal aldew ay ti gibi.

Filemon 1:4

Pirmiyák a magpasalamat tu Diyos kada ipagdasal taka,

Hebreo 13:15

Kanya pirmi kitam a magalay ti papure tu Diyos tu pamamag-itan ni Jesus, papure a mángkagi tu pákkatukoy tam tu ngahan na.

1 Pedro 2:5

Nadid, ay tehhod kamon a bigu a biyag a gábwat tu Diyos. Sakay nagkaessa kam a nagin konna tu essa a Templo. Kumán kam a bito a biyag a ginimet a templo na. Konna kam be tu essa a saserdote a nelaan para tu Diyos. U alay a ispiritwal a makasaya tu Diyos ay u págserbi moy nikuna alang-alang ni Jesu-Cristo.

1 Pedro 4:11

Ni tagapangaral u kaluub mo ay ipangaral mo u upos nu Diyos. Ni tagapagserbi u kaluub mo ay gamitán mo u begsák mo tu págserbi a inyatád niko nu Diyos tán puriyán de u Diyos tu pamamag-itan ni Jesu-Cristo. Kao nu Diyos u kapangyariyan sakay u karangalan hanggan-hanggan. Amen.