Roma 1:3 - U Maganda A Baheta Ni Jesu-Cristo

³ ay tungkul tu Anak na, u Panginoon tam a ti Jesu-Cristo. Nikuna a nagin tolay siya ay neenak siya a gábwat tu lahe ni hare a David.

Roma 1:3 Σταυροειδείς Αναφορές

Mateo 1:1

Sa iye i listaanay nu kaapo-apuwan ni Jesu-Cristo a lahe ni (Hari a) David sakay ni Abraham.

Mateo 1:16

Sakay ti Jacob i amaay ni Jose a kabanga ni Maria. Ti Maria i inaay ni Jesus u nginahanan a Cristo.

Mateo 1:6

a ama ni Hari a David. Nadid nagin anak ni Hari a David ti Solomon sakay u ina na ay u nabilowan ni Urias.

Mateo 12:23

Nagtaka u atanan a tolay sakay kinagi de “Sa dáwwád iye u Anak ni David?”

Mateo 15:22

Hod ay te immadeni nikuna a bábbey a taga Canaan a mabegsák a magpakhaw a nákkekagbi nikuna “Panginoon a Anak ni David, kagbiyanák mu ped. U anak ko a bábbey ay hinayup. Pahirapan siya a tahod nu madukás a ispirito.”

Mateo 26:63

Pero awan ti kákkagi ti Jesus. Sakay kinagi nikuna nu pinakapuno a saserdote, “Iyutos ko niko: kagiyan mo nikami, tu ngahan nu Diyos a biyag, ni hiko beman u Mesias, u Anak nu Diyos?”

Mateo 27:43

Nanalig siya tu Diyos sakay kinagi na a siya u Anak nu Diyos. Iligtas siya nu Diyos ni talaga a tatahoden u kinagi na!”

Mateo 3:17

Tapos te boses a nasaneg a gábwat ti langet a nagkagi a “Siya u Anak ko a mahal ko. Masayaák a tahod nikuna.”

Mateo 9:27

Kállakad ni Jesus tu bilay nu puno ay inunonod siya nu duwwa a lállake a buhák. Sakay dinulaw di siya “Anak ni David kagbiyan mo kami.”

Lukas 1:35

Timmábbeg u anghel, “Angay niko u Banal a Ispirito sakay lenduman ka nu kapángyariyan nu Diyos. Dipo ti iye, u iyenak mo ay banal sakay dulawán siya a Anak nu Diyos.

Lukas 1:69

Nangatád nikitam u Panginoon ti makapangyariyan a tagapagligtas, a gábwat tu lahe ni hare a David a tagapagserbi na.

Juan 1:14

Nagin tolay u Upos sakay nákpágyan siya nikitam. Netan me u kapangyariyan na sakay kadakilaan na, bilang kaessa-essa a anak nu Ama. Hod nikuna u págmahal sakay u katapatan, sakay atanan nu kinákkagi na ay tatahoden.

Juan 1:34

Netan kudán ngane siya a mismo, sakay páppatunayan ko a siya u anak nu Diyos.”

Juan 1:49

Timmábbeg ti Nataniel, “Maisto, hiko u Anak nu Diyos! Hiko be u hare ti Israel!”

Juan 10:30

Hikán sakay u Ama ay eessa kame.”

Juan 10:36

bakin moy a kagiyán a lapastanganán ko u Diyos dipo tu kinagi ko a hikán ay Anak nu Diyos? Piniliyák nu Ama sakay pinaangayák na he ti munduwáy.

Juan 20:28

Kinagi ni Tomas nikuna, “Hiko ngane u Panginoon ko sakay Diyos ko!”

Juan 20:31

Pero i libruwan iye ay nesulat para maniwala kam a ti Jesus u Cristo a Anak nu Diyos. Ni maniwala kam nikuna, ay magkahod kam ti biyag a awan ti kahád.

Juan 5:25

Pakatandaan moy iye, dumemát u odas, nadid dán ngane, a masaneg nu patay hide u boses nu Anak nu Diyos, sakay u mágsaneg nikuna ay mabiyag.

Juan 7:42

Awan beman kinagi tu Kasulatan a u Cristo ay maggábwat tu lahe ni hare a David, sakay meenak ti Betlehem a banuwan ni David?”

Gimet 2:30

Ti David ay essa a prupeta kanya natukuyan na u inpananto nu Diyos nikuna, a essa tu sumunud a lahe na ay magin hare la be a konna nikuna sakay siya u magmana tu kahariyan na.

Gimet 3:13

U Diyos di Abraham, Isaac sakay ti Jacob, u Diyos nu nunu tam hide, u nangatád tu pinakamataas a karangalan tu tagapagserbi na a ti Jesus. Pero inyangay moy siya tu te kapangyariyan sakay intakwil tu atubang ni Pilato maski ni gusto na siya a palayaan.

Gimet 8:36

Nagtulos-tulos hide tu páglakbay de hanggan nakademát tu lugar a tehhod a dinom. Kinagi nu pinuno, “Tehhod he a dinom, maariyák mu dán beman a mabawtismuwan?”

Gimet 9:20

Sakay simmáddáp siya tu sinagoga hide sakay nagtoldu tungkul ni Jesus, kinagi na, a siya u anak nu Diyos.

Roma 1:9

Dipo tukoy nu Diyos a pagserbiyan ko ti buo a puso, tu pángngaral ko tu Maganda a Baheta tungkul tu Anak, na a palagi takam a idáddasal.

Roma 4:1

Nadid, bilang essa a halimbawa ni kodya a inturing nu Diyos a matuwid u tolay, isipan moy ti Abraham a Ama nu Judio hide ti pilas.

Roma 9:3

para tu kabanuwan ko hide a Judio. Ni maare la nakwa ay hikán dálla u sumpaán nu Diyos sakay mehiwalay ni Cristo para la a maligtas hide.

Roma 9:5

U ninuno de hide ay pinile nu Diyos sakay u lahe de u ginábwatan ni Cristo nikuna a nagin tolay siya, u Diyos a makapangyariyan tu atanan sakay dapat a papuriyan a hanggan-hanggan! Amen.

1 Corinto 1:9

Matapat u Diyos a nangdulaw nikam tánni mákpagkaessa tu Anak na a ti Jesu-Cristo a Panginoon tam.

1 Corinto 10:18

Ilingán moy u taga-Israel hide: awan beman u kuman tu alay hide ay mákbahagi tu gággimitán tu pággalayan?

Galacia 4:4

Pero nikuna a dimmemát u takda odas ay pinaangay nu Diyos ti lutaáy u Anak na. Inyenak siya nu essa a bábbey sakay nagpasakup tu Kautusan ni Moises,

1 Tesalonica 1:10

Kinagi di pa a áuhayán moy dán u kássole ni Jesus a Anak nu Diyos a gábwat ti langet a biniyag nu Diyos a huway. Ti Jesu-Cristo u mángligtas nikitam tu pádemát a iyamut nu Diyos.

1 Timoteo 2:5

a tehhod a eessa a Diyos sakay tehhod be a eessa a mángtaknág tu tolay tu Diyos, u tolay a ti Jesu-Cristo.

1 Timoteo 3:16

Tunay ngane a maganda u impakapos-pos nu Diyos nikitam a tama a pannampalataya: Ti Jesus ay nehayag nikitam nikuna nagin tolay siya, sakay pinatunayan nu Banal a Ispirito a siya ay matuwid sakay netan nu anghel hide. Sakay nadid ay nepahayag dan tu buo a mundu u tungkul nikuna sakay tehhod a simmampalataya. Sakay siya ay inyontok ti langet ni hadya siya a maghare.

2 Timoteo 2:8

Diyan mo kalimunan ti Jesu-Cristo a huway a nabiyag, sakay gábwat tu lahe ni David. Iye u Maganda a Baheta a ipáppangaral ko,

1 Juan 1:3

Inpakapospos mi ngane nikam u netan me sakay nasaneg tánni makaguman mikam tu pákpagkaessa me tu Ama sakay tu Anak na a ti Jesu-Cristo.

1 Juan 3:23

Sa iye u utus na: Maniwala kitam tu Anak na a ti Jesu-Cristo sakay magmahalan kitam konna tu inyutus nikitam ni Cristo.

1 Juan 3:8

U magtulos-tulos a maggimet ti kasalanan ay kaessa ni Satanas dipo sapul pa tu itod ay mággagimitán dán siya ti kasalanan. Kaya ummangay he u Anak nu Diyos ay para sidaán u gimet ni Satanas.

1 Juan 4:15

U mángpahayag a ti Jesus ay Anak nu Diyos ay katoy tu Diyos sakay katoy be nikuna u Diyos.

1 Juan 5:1

Ni maniwala kitam a ti Jesus u Cristo a sinugu nu Diyos, ay anak kitam ngane nu Diyos. Sakay ni ti deya man u magmahal tu Ama ay magmahal be tu kapareho de a anak nu Ama.

1 Juan 5:20

Tukoy tam a immangay dán he u Anak nu Diyos sakay inatádden na kitam ti pággintendi tánni matukuyan tam u tatahoden a Diyos. Sakay katoy kitam tu tatahoden a Diyos, tu Anak na a ti Jesu-Cristo. Siya u tatahoden a Diyos sakay u Biyag a awan ti Kahád.

1 Juan 5:5

Awan ti iba a magtagumpay tu mágkadukás a gimet ti munduway nan u maniwala la a ti Jesus ay Anak nu Diyos.

2 Juan 1:7

Nadid, makpal dán ti munduwáy u manglinlang hide, magtoldu hide a ti Jesu-Cristo ay awan nagin tolay. U konna hod hide a tolay ay máglinlang sakay kontara ni Cristo.

Pahayag 2:18

Isulat mo tu anghel nu gurupo nu mánnampalataya hide ti Tiatira: “Iye u pekagi nu Anak nu Diyos a tehhod a mata a kumán a maggehab a apoy sakay u tikád na ay kumán a magkinang-kinang a pinakintab a tangso.