Pahayag 7:3 - U Maganda A Baheta Ni Jesu-Cristo

³ Kinagi na, “Dyan moy palla sidaán u luta, u diget, sakay u kakayowan. Mentaras awan tam palla namarkaan u kidáp nu tagapagserbi hide nu Diyos.”

Pahayag 7:3 Σταυροειδείς Αναφορές

Mateo 24:22

Sakay u tatahoden ni awan paapehetan nu Diyos i panahon an itod ay awan ti maligtas. Pero para tu tolay hide nu Diyos ay ipaapehet na u panahon”.

Mateo 24:31

Tu mabegsák a tánnog nu tambuli, iyutus na tu anghel na hide a angay tu buo a mundo sakay pisanan de u tolay hide nu Diyos.”

Juan 12:26

U atanan a masoh a magin disepulus ko ay dapat umunonod nikán, para ni hádyaák ay katoy bi hod siya. U deyaman a magserbi nikán ay ilangkaw nu Ama.”

Juan 3:33

Pero u maniwala hide tu kinagi ni Jesus ay hide u mangpatunay a tatahoden u kinagi nu Diyos.

Roma 6:22

Pero napalaya kamon tu kasalanan sakay alipin kamon nu Diyos. Sakay u natanggap moy ay kabanalan sakay biyag a awan ti kahád.

Pahayag 13:16

Sapilitan a pinatatak nu kaduwwa a makaánteng a hayup u kawanan a kamát oni kidáp nu atanan a tolay. Mataas man oni mababa, mayaman man oni mahirap, alipin man oni malaya.

Pahayag 13:17

Dipo ti iye, awan ti makabale oni makapaglako maliban la ni tehhod a tatak nu ngahan nu makaánteng a hayup, oni nomiro a katumbas nu ngahan na.

Pahayag 14:1

Nadid, káileng ko ay netan ko u Tupa a mágtaknág tu Buked nu Sion, kaguman na u 144,000 a tolay. Sakay sumássulat tu kidáp de u ngahan nu Tupa sakay u ngahan nu Ama na.

Pahayag 14:9

Sakay simmunud u katállo a anghel, kinagi na ti mabegsák, “Ni deya man u sumamba tu makaánteng a hayup sakay tu rebulto na, sakay ni deya man u magpatatak tu kidáp na oni tu kamát na,

Pahayag 19:2

Dipo makatarungan sakay tama u pághatul na! Hinatulan na u raina a tanyag ti kalaswaan a nángpadukás ti munduway. Pinarusaan siya nu Diyos dipo tu pángbuno na tu tagapagserbi hide nu Panginoon!”

Pahayag 20:4

Káttapos ay naketaák ti makpal a trono, sakay u mággetnod hide hod ay naatádden ti karapatan a maghatul. Sakay netan ko be u kaliduwwa nu pinutulan hide dipo tu págpatunay de tungkul ni Jesus sakay tu págpahayag de tu Upos nu Diyos. Awan hide simmamba tu makaánteng a hayup sakay tu rebulto na, sakay awan hide nagpatatak tu tatak nu makaánteng a hayup tu kidáp de oni tu kamát de. Biniyag hide tán mákapaghare hide a kaguman ni Cristo tu alay nu sanglibu a taon.

Pahayag 22:4

Ketan de u hupa na, sakay mesulat tu kidáp de u ngahan na.

Pahayag 6:6

Sakay te nasanigák a kumán a boses a gábwat tu páppágyanan nu áppat a linalang a biyag. Kinagi na, “Essa la a takal a trigo oni tállo a takal a sebada i mabaliyay nu saldew a hornal. Pero dyan sidaán u olibu sakay u ubas para te magimet a langis sakay alak!”

Pahayag 7:1

Káttapos ni iye ay netan ko u áppat a anghel a mágtaknág tu áppat a suluk ni munduway. Pugáddán de u pahás, tánni awan ti bumugso ti lutaáy, tu diget, oni tu ánya man a kayo.

Pahayag 7:2

Sakay naketaák ti essa pa a anghel a naggábwat ti sikatan, tawed na u págmarka nu Diyos a biyag. Pinákhawan na u áppat a anghel a inatádden nu Diyos ti kapangyariyan a mangsida tu luta ay tu diget.

Pahayag 9:4

Pero nakagiyan hide a dyan de sidaán u lamu-lamon oni u ánya man a mula sakay u kakayowan hide. Nan u tolay la hide a awan ti marka nu Diyos tu kidáp u pasakitan de.