Pahayag 7:2 - U Maganda A Baheta Ni Jesu-Cristo

² Sakay naketaák ti essa pa a anghel a naggábwat ti sikatan, tawed na u págmarka nu Diyos a biyag. Pinákhawan na u áppat a anghel a inatádden nu Diyos ti kapangyariyan a mangsida tu luta ay tu diget.

Pahayag 7:2 Σταυροειδείς Αναφορές

Mateo 16:16

Timmábbeg ti Simon Pedro, “Hiko u Cristo, u Anak nu Diyos a biyag.”

Mateo 26:63

Pero awan ti kákkagi ti Jesus. Sakay kinagi nikuna nu pinakapuno a saserdote, “Iyutos ko niko: kagiyan mo nikami, tu ngahan nu Diyos a biyag, ni hiko beman u Mesias, u Anak nu Diyos?”

Juan 6:27

U makan ay masida, kanya diyan moy iye sikapan a ehyukan. U sikapan moy a ehyukan ay u makan a awan masisida sakay makapangatad ti biyag a awan ti kahad. Hikán a Anak nu Tolay u makapangatad ti biyag a hanggan-hanggan, dipo hikán u inatádden nu Ama ko ti kapangyariyan.”

2 Corinto 1:22

Tinatakan na kitam bilang kao na tu pamamag-itan nu pángkaluub na nikitam tu Ispirito na. Iye u patunay a matanggap tam u atanan a impanantu na.

Efeso 1:13

Hikam be ay nagin sakup nu Diyos dipo nikuna masaneg moy u Maganda a Baheta nu kaligtasan ay simmanpalataya kam ni Cristo. Kanya impagkaluub nikam u Banal a Ispirito a inpananto nu Diyos bilang tanda a pinile na kam.

Efeso 4:30

Sakay dyan moy palungkután u Banal a Spirito, dipo siya u tanda nu Diyos nikam, sakay siya u katibayan nu kaligtasan moy káddemát nu netakda a aldew.

1 Tesalonica 1:9

Dipo hide dán a mismo u nágbaheta tu maganda moy a pángtanggap nikame. Sakay hide dán be u nágbaheta ni kodya moy a inadággen u pagsamba tu diyos-diyosan hide tánni sumunud tu tatahoden sakay biyag a Diyos.

2 Timoteo 2:19

Pero awan maare a mawan u tatahoden a toldu a gábwat tu Diyos. A konna tu pundasyon a indátton na sakay tinatakan na ti konna he, “Tukoy nu Panginoon ni deya u sakup na hide,” sakay “U tolay a sumunud tu Panginoon ay dapat ibutan na u gimet na a madukás.”

Hebreo 12:22

Pero hikam u inadeniyan moy ay u Buked nu Sion sakay tu banuwan nu Diyos a biyag, u makalanget a Jerusalem, a páppágyanan nu awan mabilang a anghel.

Pahayag 1:3

U tolay a mangbasa oni mágsaneg sakay mangtupad tu atanan a nakasuslat ti iye ay pagpalaán nu Diyos! dipo i atananan iye ay adeni dán a mangyare.

Pahayag 10:1

Nadid, kállipas ni iye ay naketaák dámman ti essa a makapangyariyan a anghel a gábwat ti langet. Nabalutan siya ti diklám sakay tehhod a balangaw tu ulo na. Magdemlag a kumán a aldew u hupa na, sakay kumán a adigi a apoy u tika-tikád na.

Pahayag 10:4

Isulat ku dán nakwa u nasaneg ko káttapos nu kádduh, pero te boses a gábwat ti langet a nagupos, “Ilihim mo u kinagi nu pitto a kádduh, dyan mo isulat!”

Pahayag 16:12

Imbulak nu kaánnám a anghel u lasán nu malukung na tu dakál a konayan nu Eufrates. Nakatiyan u dinom, sakay nagkahod ti dilan para paglakadan nu hare hide a taga-sikatan.

Pahayag 5:2

Sakay naketaák ti makapangyariyan a anghel a nagupos ti mabegsák, “Ti deya u karapat-dapat a mangibut tu selyo sakay mangbukas ti nalukutáy a kasulatan?”

Pahayag 8:3

Sakay te essa pa a anghel u dummemát sakay angay timmaknág tu atubang nu altar. Te tatawed siya a ginto a malukung a págtutudan ti insenso. Inatádden siya ti makpal a insenso para iyalay tu ginto a altar tu atubang nu trono, kaguman nu dasal nu atanan a pinile nu Diyos.

Pahayag 9:14

Kinagi na tu kaánnám a anghel a te trumpeta, “Okbisan mu dán u áppat a anghel a nakagapus tu gibis nu dinom a Eufrates.”

Pahayag 9:4

Pero nakagiyan hide a dyan de sidaán u lamu-lamon oni u ánya man a mula sakay u kakayowan hide. Nan u tolay la hide a awan ti marka nu Diyos tu kidáp u pasakitan de.