Pahayag 7:17 - U Maganda A Baheta Ni Jesu-Cristo

¹⁷ Dipo u Tupa a katoy tu bállog nu trono u magin tagapag-alaga de. Iyangay na hide tu bukal a makapangatád ti biyag; sakay pahidán nu Diyos u luwa tu mata de, dipo awan dán ti dahilan para malungkut hide.”

Pahayag 7:17 Σταυροειδείς Αναφορές

Mateo 2:6

‘U lugar a Betlehem a sakup ti Juda ay mas tanyag nan tu agum a banuwan ti Juda, dipo hod a meenak u puno a mamahala sakay magpospos tu tolay ko hide a Israelita.’ ”

Mateo 5:4

Pinagpala nu Diyos u malungkut hide, dipu hide u pahapahaán nu Diyos.

Juan 10:11

Hikán u mabait sakay matapat a mággalaga a pastol U mabait sakay matapat a mággalaga ti tupa ay handa na a iyatád u biyag na para tu tupa hide.

Juan 10:14

Hikán u mabait sakay matapat a pastol. Tukoy-tukuyák nu tupa ko hide. Sakay tukoy-tukuyák di be.

Juan 4:10

Kinagi ni Jesus nikuna, “Ni tukoy mo la ni ánya u inyatád nu Diyos, sakay ni deya i mák-enomáy niko ay hiko pa u mák-enom nikuna tán painumán na ka tu dinom a makapangatád ti biyag.”

Juan 4:11

Kinagi nu bábbey nikuna, “Panginoon, madisalad i bal-ungáy sakay awan ka ti pangsalduk. Hádya ka a mangalap ti dinom a makapangatád ti biyag?

Juan 4:14

pero u uminom tu dinom a iyatád ko ay awan dán mauwa-uwaw. Dipo u dinom a iyatád ko ay konna tu essa a hábwayan a awan makakatiyan. Sakay u tolay a tumanggap ti iye ay magkahod ti biyag a awan ti kahád.”

Gimet 20:28

Ingatan moy u sadile moy sakay u atanan a mánnampalataya a pinabantay nikam nu Banal a Ispirito. Alagaan moy ti husto u mánnampalataya hide tu Diyos dipo tinubus na hide tu pamamag-itan nu digi nu Anak na.

1 Pedro 5:2

a alagaan moy hide ti maayus u pinile hide nu Diyos a inpagkatiwala na nikam. Alagaan moy hide a konna tu pággalaga nu pastol tu tupa na hide. Pospusán moy hide a maluwag tu isip moy dipo itod u gusto nu Diyos, bakán a u mapilitan kam la. Gimitán moy u tungkulin moy bakán a tu pangsadile moy a kapiyyaan nan gimitán moy itod dipo gusto moy a magserbi.

Pahayag 14:4

Iye u lállake hide a awan nagkahod ti ánya man a kaugnayan tu bábbey; awan hide nákkabanga. Immunonod hide tu Tupa maskin hádya u angayan na. Iye u tolay hide a natubus ti munduway bilang purumero a alay tu Diyos sakay tu Tupa.

Pahayag 21:22

Sakay napansin ko a awan ti templo tu banuwan dipo mismo a u Panginoon a Diyos a Makapangyariyan tu atanan sakay u Tupa u pinakatemplo hod.

Pahayag 21:23

Awan dán kailangan u aldew oni u bulan para mangdemlag tu banuwan, dipo u kaluwalhatiyan nu Diyos u mangdemlag hod, sakay u Tupa u simbuwan.

Pahayag 21:4

Pahidán na u luwa de hide. Awan dán ti matay, malungkut, magsanget, oni magkasakit dipo limmipas dán u date hide a bagay.”

Pahayag 21:6

Sakay kinagi na pa, “Natupad dán! Hikán u Alpa sakay u Omega, u sapul ay tu katapusan nu atanan. Ni deya man u mauwaw ay atádden ko ti dinom a awan ti bayad a gábwat tu bukal a makapangatád ti biyag a awan ti kahád.

Pahayag 22:1

Nadid, impeta be nikán nu anghel u konayan a makapangatád ti biyag. Tunay a lekmang u dinom a kumán a bubug. Gábwat iye a konayan tu trono nu Diyos sakay nu Tupa.

Pahayag 4:11

“Karapat-dapat ka a tumanggap ti papure, pággalang, sakay kapangyariyan, Panginoon me a Diyos; Dipo hiko u nanglalang tu atanan a bagay. Sakay ayun tu kagustuwan mo ay nilalang mo hide sakay pinanatile ti iye.”

Pahayag 5:6

Sakay káttapos ay naketaák ti essa a Tupa a mágtaknág tu bállog nu tagapangasiwa hide. Sakay tu trono a napalebutan nu áppat a nilalang a biyag. Tehhod a tanda a nabuno dán iye a Tupa. Tehhod iye a pitto a saduk, sakay pitto a mata, iye u Ispirito nu Diyos a te pitto a gawain a pinaangay na ti buuwáy a mundu.