Pahayag 5:9 - U Maganda A Baheta Ni Jesu-Cristo

⁹ Sakay mágkansiyon hide ti bigu a kansiyon, “Hiko u karapat-dapat a mangalap tu kasulatan a nalukot. Sakay mangibut tu selyo na hide. Dipo nabuno ka sakay tu pamamag-itan nu digi mo, ay tinubus mo para tu Diyos u atanan a tolay, gábwat tu kada lahe, upos, banuwan, sakay bansa.

Pahayag 5:9 Σταυροειδείς Αναφορές

Mateo 20:28

Konna tu Anak nu Tolay a awan ummangay para pagserbiyan nan para magserbi sakay iyalay na u biyag na para matubos u kakpalan.”

Mateo 26:28

“dipo iye u digi ko a mangpatibay tu uhunan nu Diyos, u digi ko a mebuhos para mapatawad u kasalanan nu tolay hide.

Gimet 20:28

Ingatan moy u sadile moy sakay u atanan a mánnampalataya a pinabantay nikam nu Banal a Ispirito. Alagaan moy ti husto u mánnampalataya hide tu Diyos dipo tinubus na hide tu pamamag-itan nu digi nu Anak na.

1 Corinto 6:20

Dipo natubus kamon ti dakál a halaga. Kaya gamitán moy u bággi moy para maparangalan u Diyos.

1 Corinto 7:23

Binale kamon nu Diyos ti dakál a halaga; kaya dyan kamon paalipin tu tolay hide.

Efeso 1:7

Tinubus kitam ni Cristo tu pamamag-itan nu kákkatay na, sakay pinatawad na kitamon tu kasalanan tam hide. Konna hod ti kadakál u págmahal na,

Efeso 5:19

Tu pággipun-ipun moy ay mágkansiyon kam ti kansiyon a papure para tu Diyos. Buo a puso kam a mágkansiyon sakay magpure tu Panginoon.

Colosas 1:14

Tu pamamag-itan nu Anak na, ay napalaya sakay napatawad kitamon tu kasalanan tam hide.

Colosas 1:23

Pero kailangan a manatile kam a tapat sakay matatag tu pánnampalataya moy. Dyan moy pabayan a mawan u pag-asa a gábwat tu Maganda a Baheta a nasaneg moy. U Maganda a Baheta a iye ay nepangaral dán tu buo a mundu, sakay hikán ati Pablo ay naging tagapangaral ti iye.

Tito 2:14

Inyatád na u biyag na tánni tubusán na kitam tu atanan a kadukássan tam. Sakay lininisan na kitam tánni magin kao na a tolay a magággustuwán a maggimet ti maganda.

Hebreo 11:14

Hod tam he a matukuyan a u tolay hide a konna hod ti pággisipan ay maguhay palla hide ti sadile de a banuwan.

2 Pedro 2:1

Pero nagkahod be ti mágkabule a prupeta tu itod ti Israel. Sakay nadid ay konna bihod dipo tehod nikam a dumemát a mágkabule a prupeta. Magkunware hide a tatahoden u itáttoldu de nikam pero baka-bakán bal. Iye a adal de ay maka sida tu pánniwala moy. Adiyan de u Panginoon a nangtubus nide kaya bigla a dumemát u kapahamakan bilang parusa nide.

1 Juan 1:7

Pero ni mabiyag kitam ayun tu demlag a konna tu Diyos a katoy tu demlag ay tehod kitam a pákpagkaessa tu balang essa. Sakay u digi ni Jesus a Anak nu Diyos u nanglinis tu atanan a kasalanan tam.

1 Juan 2:2

Inyalay ni Cristo u bággi na para mapatawad u kasalanan tam hide, sakay bakán la a u kasalanan tam hide nan pate u kasalanan nu atanan a tolay.

Pahayag 10:11

Sakay kinagi na nikán, “Kailangan a ipakapospos mo huway u pahayag nu Diyos tungkul tu iba-iba a tolay, bansa, upos, sakay tu hare hide.”

Pahayag 11:9

Tu alay nu tállo a aldew ay ti kalahate, u bangkay di hide ay áelingán nu katolayan a gábwat tu iba-iba a lahe, tribu, upos, sakay awan ti maski deyaman a payagen a mánglábbáng ti bangkayan itod hide.

Pahayag 13:7

Pinayagan be siya a geraán sakay taluwán u pinile hide nu Diyos. Sakay inatádden siya ti kapangyariyan a mamuno tu atanan a tolay ti munduwáy, tu bawat lahe, banuwan, upos sakay bansa.

Pahayag 13:8

Sakay u atanan a tolay a katoy ti lutaáy ay sumamba nikuna, puwera la tu tolay hide a nakasulat u ngahan de tu libro nu biyag sapul pa nikuna a lalangán i munduway. I libruwan iye ay táttawed nu Tupa a binuno.

Pahayag 14:6

Nadid, naketaák damman ti essa a anghel a magegbáh tu panganurin. Tatawed na u awan ti katapusan a Maganda a Baheta tánni ibaheta tu tolay hide ti munduway: tu bawat bansa, tu bawat lahe, tu bawat upos, sakay tu bawat banuwan.

Pahayag 15:3

Mágkansiyon hide tu kansiyon ni Moises, a tagapagserbi nu Diyos sakay kansiyon be nu Tupa: “Panginoon a Diyos a makapangyariyan tu atanan, Dakila sakay makataka-taka u gimet mo hide! Hiko u Diyos nu bansa hide, Banal sakay tama u atanan a pámmalakad mo!

Pahayag 17:15

Sakay kinagi pa nikán nu anghel, “U ketan mo a nagtagbuwan nu dinom hide a pággetnudan nu madukás a bábbey ay u tolay hide a gabwat tu iba-iba a lahe, bansa sakay upos hide ti munduway.

Pahayag 4:11

“Karapat-dapat ka a tumanggap ti papure, pággalang, sakay kapangyariyan, Panginoon me a Diyos; Dipo hiko u nanglalang tu atanan a bagay. Sakay ayun tu kagustuwan mo ay nilalang mo hide sakay pinanatile ti iye.”

Pahayag 5:12

Mágkansiyon hide ti mabegsák: “U Tupa a binuno ay karapat-dapat a tumanggap ti kapangyariyan, kayamanan, karunungan, sakay begsák, karangalan, papuri sakay pággalang.”

Pahayag 5:6

Sakay káttapos ay naketaák ti essa a Tupa a mágtaknág tu bállog nu tagapangasiwa hide. Sakay tu trono a napalebutan nu áppat a nilalang a biyag. Tehhod a tanda a nabuno dán iye a Tupa. Tehhod iye a pitto a saduk, sakay pitto a mata, iye u Ispirito nu Diyos a te pitto a gawain a pinaangay na ti buuwáy a mundu.