Pahayag 4:1 - U Maganda A Baheta Ni Jesu-Cristo

¹ Káttapos ni iye ay naketaák ti bumábbukas a pintuwan ti langet. Sakay nasaneg ko a huway u boses a kumán a trumpeta, kinagi na, “Sumangkay ka he ta ipeta ko niko u mangyare tu pademát a panahun.”

Pahayag 4:1 Σταυροειδείς Αναφορές

Mateo 3:16

Káttapos a nabawtismuwan ti Jesus ay inumawas siya tu dinom. Pagdaka a binumukas u langet sakay netan na u Ispiritu nu Diyos a inumogsad a kumán a kalapate sakay inumapon nikuna.

Markos 1:10

Tu káawas ni Jesus tu dinom ay netan na a bimmukas u langet sakay simmidung nikuna u Banal a Ispirito a kumán a kalapate.

Lukas 3:21

Nikuna nabawtismuwan dán ni Juan u atanan a tolay a katoy hod ay binawtismuwan nabe ti Jesus. Mentaras a magdasal ti Jesus ay nabukasan u langet

Juan 16:13

Pero káddemát nu Banal a Ispirito a tagapagtoldu tu tatahoden ay tulungan nakam para maintendiyan moy u atanan a tatahoden. U itoldu na ay bakán a gábwat nikuna, nan u nasaneg nala tu Diyos u kagiyán na. Sakay kagiyán na be nikam u tungkul tu bagay hide a dumemát.

Gimet 10:11

Netan na u langet a nabukasan sakay tehhod a malabang a kumán a ulás a netostos sakay umáegut tu áppat a suluk.

Gimet 7:56

Kinagi ni Esteban, “Netan ko a nakabukas ti langet, sakay netan ko ti Jesus a anak nu Tolay a katoy tu kawanan nu Diyos.”

Pahayag 1:10

Sakay mentras a heyák hod, netaun be a aldew tu itod nu pággipun-ipun para sumamba tu Pangioon Jesus, hikan ay inggiya nu Ispiritu nu Diyos sakay nasaneg ko tu áadággen ko u mabegsák a boses a kumán a tánnog ni trumpeta.

Pahayag 1:12

Linumingaták tánni ketan ko ni deya u magupos, tu kállingat ko ay naketaák ti pitto a págdáttonan ti simbuwan a ginto.

Pahayag 1:19

Kanya isulat mo u atanan a netan mo, u mangyare nadid sakay u mangyare palla tu tamuwán.

Pahayag 11:12

Káttapos ay nasaneg de a nagupos u tunay a begsák a boses a gábwat ti langet, “Sumangkay kam he!” Summangkay ngane hide ti langet a nakasakay tu panganurin mentaras a umáeleng nide u kadima de hide.

Pahayag 11:19

Nabukasan u templo nu Diyos ti langet kaya áelingán u Kaban nu Kasunduwan tu disalad nu templo. Sakay káttapos ay nagkilat sakay nagkádduh. Masaneg be u mágkabegsák a hehaw, sakay maglinog be, sakay maguden ti iyelo.

Pahayag 16:17

Imbulak nu kapitto a anghel u lasán nu malukung na tu pahás. Sakay tehhod a mabegsák a boses a gábwat tu trono tu templo, u nagupos a, “Natapos dán!”

Pahayag 19:11

Káttapos ni iye ay nabukasan u langet, sakay naketaák ti kabayo a mapudew. U mágkabayo ay dáddulawán de a Matapat sakay Tatahoden dipo matuwid siya a maghatul sakay mákgera.

Pahayag 22:6

Sakay kinagi nikán nu anghel, “Maasaan sakay tatahoden iye hide a upos. U Panginoon a Diyos, a nángkaluub tu Ispirito na tu prupeta hide, u nangutus tu anghel na a ipakapospos tu tagapagserbi na hide u bagay hide a adene dán a mangyare.”