Pahayag 3:3 - U Maganda A Baheta Ni Jesu-Cristo

³ Kanya ngani, isipán moy u toldu hide a tinanggap moy sakay nasaneg, sunudán moy ina hide sakay pagsisiyan moy u kasalanan moy hide. Ni awan kam lumukag ay angayák hina a konna tu káddemát nu mágtakaw, awan moy matukuyan u odas nu káddemát ko.

Pahayag 3:3 Σταυροειδείς Αναφορές

Mateo 25:13

Kinagi ni Jesus “Kaya magbantay kam, dipo awan moy tukoy u aldew oni u panahon.”

Markos 13:33

Kanya magingat kam sakay lagi a handa dipo awan moy tukoy ni nikan iye a mangyare.

Markos 13:36

Kanya humanda kam makay kedemáttan takam a tidug.

1 Tesalonica 5:2

Dipo tukoy moy dán a u káddemát nu Panginoon ay konna tu káddemát nu mágtakaw ti gibi.

1 Timoteo 6:20

Timoteo, pakaingatan mo u nepagkatiwala niko. Sakay adeyuwan mo u awan hide ti pinagseserbiyan a uhunan a awan neayun tu kagustuwan nu Diyos, sakay u pángngatuwiran a liwat, a tu pangileng de ay karunungan.

2 Timoteo 1:13

Sunudán mo u tatahoden a adal a intoldu ko niko. Manatile ka tu pánnampalataya sakay tu págmahal a natanggap tam tu pákpagkaessa tam ni Cristo Jesus.

Hebreo 2:1

Kanya ngane, dapat tam a pakatáttawiden ti mahigpit u tatahoden a nasaneg tam, tánni awan kitam metawtaw.

2 Pedro 1:13

Tu palagay ko ay tama la a paalaalaan takam ti bagayan hidenye mentaras biyagák padla.

2 Pedro 3:1

Mahal ko hide a kákkapatkákka, iye u kaduwwa ko a sulat nikam. Tu sulat ko hide, ay pinagsumakitan ko a lukagán u isip moy tu mágkaganda hide a gimet, tu pamamag-itan nu pág-paalaala nikam tu sangan hide a bagay.

2 Pedro 3:10

Pero u aldew a kássole nu Panginoon ay dumemát a konna tu káddemát nu essa a mágtakaw. Awan ti makatukoy! Ti aldiwan itod, u langet ay bigla a mawan a tehhod a makaánteng a galungogung. Matunaw tu apoy u atanan a bagay. Maski u luta sakay tu atanan a katoy he ay matutod.

Pahayag 16:15

Sakay pinisan nu ispirito hide u hare hide tu lugar a dáddulawán a Armagedon, tu upos a Hebreo. (Iye u babala nikam nu Panginoon Jesus, kinagi na a, “Pakasanigán moy! Dumemátták a konna tu káddemát nu mágtakaw! Pinagpala u pirme a lukag sakay awan nageklas tu badu na; tán awan siya mepasanike a maglakad a eklas tu atubang nu katolayan!”)

Pahayag 2:25

Pero dapat kam a magtulos-tulos a tapat nikán hanggan tu káddemát ko.

Pahayag 2:5

Isipán moy u date moy a kalagayan; ni kodya kam a nanglamig tu pánnampalataya moy. Magsise kamon sakay gimitán moy a huway u date moy a gággimitán tu purumero. Ni awan ka magsise ay angayák hina sakay ibutan ko tu páppágyanan na u simbuwan moy.

Pahayag 22:7

Sakay kinagi ni Jesus, “Mágsaneg kam! Pademátták dán! Pinagpala u mangsássunud tu pahayag hide a katoy ti libruwan iye!”

Pahayag 3:11

Adeniyák dán a sole. Kaya itulos-tulos moy u mágkaganda moy a gimet, tánni awan ti makapang-agew tu piremyo moy a kurona.

Pahayag 3:19

Atanan nu mahal ko ay páppasunungán sakay dáddisiplinaan ko. Kaya ngani magsikap kam; magsise kamon sakay adággen u kasalanan moy hide.

Pahayag 3:2

Lumukag kamon, sakay pabegsákkán moy u nawahak nikam a pánnampalataya moy nikán, dipo ni awan ay matuluyan dán a matay. Dipo netan ko a awan palla karapat-dapat u gimet moy hide tu pangileng nu Diyos ko.